OS VIÑOS DA D.O. VALDEORRAS E O GRUPO GASTRONÓMICO NOVE ESTREAN UNHA MARIDAXE "DE CINEMA"

Foto: David A Panizo

Os viños da DO Valdeorras e a cociña galega de vangarda de Grupo Nove únense baixo a mesma bandeira para presentar internacionalmente as excelencias da gastronomía de Galicia.

A exaltación e recoñecemento internacional dos viños amparados baixo o selo de calidade DO Valdeorras e a cociña galega de vangarda representada polo prolífico Grupo Nove, únense nunha promoción conxunta das súas excelencias que remarcan a firmeza da revolución enolóxico-gastronómica do século XXI en Galicia.

A través dunha maridaxe perfecta, e por medio de tres vídeos que poderedes gozar na páxina do Consello Regulador DO Valdeorras ao longo de 2012 e baixo o nome de "Un universo en cada prato"; o mellor da cociña galega de vangarda representada por Grupo Nove, tal e como acreditan as 7 estrelas Michelin que se reparten entre os seus 20 membros dun total de nove estrelas outorgadas á cociña galega, únense ao auxe internacional dos viños DO Valdeorras para dar a coñecer o selo de incomparable calidade de Galicia que namorou a propios e estraños de todos os recunchos do mundo.

A adecuación de valores de ambas partes fundaméntase na adaptación das súas creacións aos novos tempos, sempre baixo o amparo fundamental de manter a herdanza tradicional e a gran calidade dos produtos de Galicia.

O acto de presentación do primeiro dos vídeos, celebrado hoxe en Valdeorras e ao que acudiron representantes do grupo gastronómico provenientes das 4 provincias galegas, serviu para dar o punto de partida a unha das máis importantes campañas de promoción enolóxico-gastronómicas da comunidade.

Por medio desta iniciativa preténdese achegar a todos os públicos a posibilidade de gozar dos pratos máis significativos da nova cociña galega en estreita maridaxe coa gran calidade dos viños de Valdeorras.

Xa sexa na Web do Consello Regulador DO Valdeorras ou na mesa dos restaurantes dos integrantes de Grupo Nove, instámosvos a que gocedes nestas festas da revolución enolóxico-gastronómica da Galicia do século XXI.

Lembrade que poderedes coñecer as receitas para elaborar os pratos na sección de gastronomía do Website da DO Valdeorras.

Coñece as excelencias da DO Valdeorras e Grupo Nove

Accede ás receitas maridadas con viño DO Valdeorras

Coñece Grupo Nove

Descobre as características dos viños DO Valdeorras

O sector internacional réndese á revolución enóloxica da DO Valdeorras cun aumento de importacións do 93%

 As adegas da Denominación de Orixe case duplicaron as súas exportacións en 2011, respecto ao ano anterior. O volume de 166.469 litros vendido no exterior é un 93 % maior que os 86.196 litros de 2010, segundo os datos que o Consello Regulador logrou recompilar entre os embotelladores. Só o período de 2007, con 209.577 litros, supera a cantidade da última campaña.

En canto ao tipo dos caldos exportados, 106.757 litros foron brancos e 59.712 de tintos. Estas cifras demostran o bo momento da variedade godello, que son as uvas que encabezan as preferencias dos consumidores nas dúas citadas variedades.

O continente americano é o principal mercado das adegas valdeorresas. Cara a él viaxaron 68.643 litros. Máis do dobre, 47.022, son brancos, que atopan no mercado estadounidense un cliente nada despreciable, ao levar 42.262. A Unión Europea, con 42.327 litros, ocupa o segundo lugar na relación de importadores. Os seus compradores mostran unha clara inclinación polo branco, como  demostran os 38.599 litros que adquiriron deste tipo de caldos. No resto de Europa sucede todo o contrario, pois as súas preferencias inclínanse polos tintos, comprando 28.868 litros desta variedade.

Estados Unidos e Suíza, con 49.834 e 31.845 litros, respectivamente, son os maiores importadores. Este dato xustifica plenamente as cidades estranxeiras elixidas polo Consello Regulador para presentar os viños da  Denominación. O pasado 24 de outubro, unha ducia de adegas deron a coñecer os seus caldos en Zúric (Suíza). Cinco meses antes, o 19 de maio, sete embotelladores levaron os seus caldos ao 'Great Match' de Dallas (Estados Unidos).

'Os actos promocionais que organiza o Consello foron programados para os países que reflicten as maiores exportacións e tamén nos que están presentes máis adegas valdeorresas', dixo o presidente do citado Consello Regulador de Valdeorras, José Luís García Pando.

O Consello Regulador remítese a unha combinación favorable de 'calidade, prezo, materia prima e desenrolo' para xustificar o auxe dos viños da Denominación.Unha proba do éxito son os premios e valoracións dos expertos en enoloxía. O último recoñecemento conseguiuno a adega Godeval, polo seu viño de uva godello 'Godeval 2010'. Foi clasificado no posto 71 dos 100 mellores viños do mundo pola prestixiosa revista norteamericana 'Wine Spectator', sendo o único branco español.

'Non é unha sorpresa. Antes xa se nos valorou moi favorablemente', dixo Horacio Fernández Presa, director técnico de Godeval. A adega barquense ten os seus principais mercados en Estados Unidos, Canadá, China, Xapón e Reino Unido, exportando o 40 % dunha produción de 150.000 botellas. Esta porcentaxe supera amplamente o 4 % da produción que a Denominación destina á exportación.

Pola súa banda, a adega ruesa A Coroa sitúase de forma consolidada en Asia obtendo unha máis que destacable medalla de Prata no certame "Mellores viños españois para Asia", celebrado en Hong Kong. Desta forma, o godello de Valdeorras logra un merecido recoñecemento á súa calidade, abanderiado polo traballo que dende hai algúns anos levan realizando algunhas adegas para darse a coñecer nestes novos mercados.

Mentres isto sucede, o compromiso da DO Valdeorras cos seus seguidores faise patente con novos apostas de maridaxes, para que poidades gozar destes mágnificos caldos na súa máxima esencia.

Accede a fonte de información do artigo

Amplía información sobre a presentación de Dallas

Coñece a gran acollida dos viños DO Valdeorras en Suiza

Desfruta do mellor branco español para os críticos de EE. UU

Conoce, una a una, as adegas que conforman a gran familia da DO Valdeorras

Broche de Ouro para os viños de Valdeorras cun godello seleccionado entre os 100 mellores viños do mundo

Wine Spectator situou ao Godello de Valdeorras Godeval 2010 entre os 100 mellores viños do mundo; enxalzándoo no posto 71, como único viño branco español incluído no Top 100 da prestixiosa publicación estadounidense.

Este prestixioso recoñecemento únese ao que recolliamos dende a nai do viño alá por Setembro; onde Wine Spectator outorgaba 90 puntos ao godello de Godeval que se sumaban aos 91 puntos outorgados por Parker en xullo. Pola súa banda, os especialistas galegos de AGASU e GALLAECIA tamén premiaron o gran traballo desta adega, pioneira en recuperar o Godello en Galicia, con senllos recoñecementos que sitúan de forma merecida a aposta de calidade de Godeval.

Os recoñecementos que chegan ás adegas de Valdeorras, tanto do ámbito nacional como internacional, xa non resultan estraños para ninguén. Se Estados Unidos rendeuse á gran calidade do Godello de Valdeorras; agora países como: Inglaterra, Francia, Italia e sobre todo salientar a importancia de Alemaña como importante competidor en brancos, fíxanse en Valdeorras como un exemplo a seguir en aspectos de calidade, prezo, materia prima e desenvolvemento.

A nivel nacional o mercado está a estenderse moito. Importantes rexións como as comunidades de Madrid, Cataluña, Baleares, Levante, A Mancha ou Cantabria, entre outras moitas, supuxeron un incremento máis que considerable na demanda e consecuente consumo dos viños de Valdeorras por toda España.

Con todo iso, queremos felicitar aos adegueiros de Godeval, extendendo a nosa felicitación e agradecemento a todas as adegas valdeorresas, por todo o empeño que poñen no arduo traballo de elaborar uns dos mellores viños do mundo, sempre fundamentados na honestidade do gran labor de crear uns caldos que son fiel reflexo das súas xentes e a súa terra.

Coñece a adega Godeval

Segue as últimas noticias de Godeval en Facebook

Amplía información sobre Godeval 2010 en The Wine Advocate

Coñece como se elaboran os viños brancos na D.O. Valdeorras

Profesionais do sector do viño de Suíza dan unha gran acollida aos viños D.O. Valdeorras

Foto: Jorge Mazaira

Profesionais do sector do viño, conformados por prensa especializada, importadores e grandes viñotecas helvéticas, enxalzaron as calidades dos viños D.O. Valdeorras na presentación celebrada o pasado luns en Zúric.

O Consello Regulador da Denominación de Orixe Valdeorras e unha importante comitiva de adegas adscritas a esta denominación de orixe, na súa iniciativa de achegar as excelencias de de esta terra, en forma de viños, a todos os recunchos do mundo; celebraron o pasado luns 24 de outubro unha presentación dos seus caldos en Zúric, que trouxo grandes eloxios para os viños valdeorreses.

Tal e como testemuñan as fotos, enviadas "in situ" polo responsable técnico do Consello Regulador, Jorge Mazaira; o sector profesional Suízo gozou dunha máis que agradable velada na que se destacou a calidade dos caldos valdeorreses, facendo clara alusión á excelente estrutura que presentan os brancos de Godello e destacando a marcada presenza de tons a froita nos tintos.

 Un novo éxito para a embaixada valdeorresa, que xa prepara a próxima presentación en Barcelona, o 10 de novembro.

Coñece todas as adegas participantes na presentación de Zúric:

Adega A Coroa

Adega O Casal

Adega Quinta da Peza

Adega Cop. Jesús Nazareno

Adega Roandi

Adega Ruchel

Adega ValdeSil

Adega Guitian y Blanco

Adega Joaquín Rebolledo

Adega Santa Marta

Adega Viña Somoza

Adega Virxen de Galir 

Talvez poda interesarche
 

Coñece o proceso de vinificación dos brancos de Valdeorras
 

Coñece o proceso de vinificación dos tintos de Valdeorras
 

Coñece a D.O. Valdeorras

Un Godello de Valdeorras seleccionado como mellor branco de Galicia e segundo mellor de España

A prestixiosa Guía Peñín, elaborada polo crítico de viños Luís Peñín, encumia ao Godello de Valdeorras Pedrouzos 2008 como mellor branco de Galicia e segundo mellor de España.

De novo un Godello de Valdeorras brilla co luz propia no panorama vinícola internacional. Se hai apenas un mes o reputado crítico norteamericano Stephen Tanzer outorgaba aos viños de adegas Valdesil unhas puntuacións que superaban de forma folgada os noventa puntos; agora é Luís Peñín quen encumia a un novo godello deValdesil, Pedrouzos 2008, cunha puntuación de 96 puntos sobre 100.

A este viño uniuse Pezas dá Portela, tamén da colleita 2008, que alcanza un 94 sobre 100. Desta 

forma ratifícase a gran colleita deste ano 2008 para a adega pertencente á D.O. Valdeorras, que non cesa de recoller importantes galardóns xa sexa dentro ou alén das nosas fronteiras.

O bo momento da adega faise patente coa previsión de ampliar as súas plantacións de uva da variedade godello para cubrir as expectativas de venda dos seus viños brancos de alta gama.

No tres últimos anos a adega galega plantou 15 hectáreas de godello e ten previsto engadir 25 novas, de maneira que a súa elaboración anual poda evolucionar desde as 200.000 botellas que obtén nunha anada normal, até as 500.000 que se fixou a medio prazo.

Estas novas plantacións sumaranse ás 30 h de viñedo propias e as 58 controladas, que son propiedade de viticultores locais, maioritariamente da variedade branca godello e o resto de mencía para os tintos.

A adega de Vilamartín, que vende fóra o 35% da súa produción, quere implantarse en novos mercados como o sueco, ruso, mexicano ou chinés e para iso incrementou de forma considerable o seu persoal de traballadores.

Coñece Adegas Valdesil

Segue as últimas noticias de Valdesil en Facebook

Twittea con Valdesil

                              Tal vez poda interesarche

Coñoce a D.O. Valdeorras

La D.O. Valdeorras aposta pola calidade dos seus viñedos

 O descenso no número de hectáreas de viñedo e o forte incremento na extensión da plantación das variedades preferentes, mostra a clara aposta do D.O. Valdeorras por fundamentar os seus criterios definitorios en aspectos de calidade.

Como mostra diso, os compañeiros da Rexión recollen os seguintes datos facilitados polo Consello Regulador:

"As 1.300 hectáreas de hai 11 anos quedaron nas 1.159 actuais. Paralelamente, aumentou considerablemente a extensión das viñas de godello e mencía, que pasaron de 206 e 132 a 286 e 274 hectáreas, respectivamente. Á súa vez, os viñedos de alicante e jerez descenderon de 582 e 307 a 235 e 139 hectáreas".

As subvencións, a especialización do traballo e o protagonismo e prestixo que posuen as calidades preferentes Godello e Mencía, son as bases sobre as que se fundamente esta aposta que se viu recompensada nos últimos anos por unha incesante choiva de recoñecementos tanto a nivel nacional como internacional.

Mentres, dende o departamento técnico do propio Consello realízase unha forte aposta pola investigación e o desenvolvemento en varias frontes. A investigación da crianza do viño en Carballo Galego, a aposta pola elaboración do Viño Tostado de Valdeorras e unha futurible produción de Cava, son algúns dos proxectos que auguran un máis que alentador futuro para a D.O. Valdeorras.

Amplía información sobre o post

Amplía información sobre o proxecto da crianza en Carballo Galego

Coñece os últimos avances na elaboración do tostado de Valdeorras

Talvez poda interesarche

Coñece ao Consello Regulador D.O. Valdeorras

Os viños de Valdeorras presentarán as súas excelencias en Suíza

 Unha gran comitiva formada por 12 adegas valdeorresas, baixo o amparo do Consello Regulador desta D O, prepáranse para presentar as súas mellores galas o vindeiro luns 24 de outubro en Zúric, Suíza.

Tras unha exitosa vendima que trae os mellores presaxios para a colleita 2011, a flor e nata das adegas valdeorresas visten as súas mellores galas para achegar ao público suízo o reflexo da esencia dunha terra.

O vindeiro luns 24 de outubro no Restaurante Metropol, situado en Fraümunsterstrasse 12, Zúric, en horario de 15:00 a 19:00 para público en xeral e a partir das 19:35 para público e prensa especializados, doce das adegas máis representativas da D.O. Valdeorras realizarán unha presentación dos seus caldos que a recado farán as delicias dos padais máis esixentes.

Para a ocasión, e como mostra do compromiso do Consello Regulador da D.O. Valdeorras de achegar as excelencias dos seus caldos a todos os públicos, A nai do viño pon a disposición de todos os seus seguidores cinco invitacións dobres e gratuítas ao evento. Estás invitacións cortesía do C.R.D.O. Valdeorras, serán concedidas a quen o desexe por rigorosa orde de solicitude na seguinte dirección de correo: lamadredelvino@dovaldeorras.tv

Desexando que a iniciativa sexa de voso agrado, aquí vos presentamos as adegas que integrarán a comitiva da D.O. Valdeorras en Zúric. Podedes acceder á súa web e coñecelas de forma máis detallada clickando sobre cada unha delas.

Adega A Coroa

Adega O Casal

Adega Quinta da Peza

Adega Cop. Jesús Nazareno

Adega Roandi

Adega Ruchel

Adega ValdeSil

Adega Guitian y Blanco

Adega Joaquín Rebolledo

Adega Santa Marta

Adega Viña Somoza

Adega Virxen de Galir 

Talvez poda interesarche
 

Coñece o proceso de vinificación dos brancos de Valdeorras
 

Coñece o proceso de vinificación dos tintos de Valdeorras
 

Coñece a D.O. Valdeorras

Datos oficiais da Vendima 2011 en Valdeorras

Art: La Región

 As adegas da Denominación de Orixe Valdeorras pecharon as súas portas á entrada de uva o pasado domingo. Até ese momento, o Consello Regulador de Valdeorras rexistrou 7.627.358 quilos de uva. Á espera da confirmación definitiva, hai que retroceder até 2006 para atopar unha colleita maior, de 7.710.859 quilos.

Os rexistros do Consello tamén permiten observar fortes aumentos das producións das variedades preferentes e, en particular, das uvas de godello (2.731.594 quilos) e mencía (2.178.777). A favorable climatoloxía tamén repercutiu nas colleitas de jerez (967.090) e alicante (1.725.125), repartíndose os 24.772 quilos restantes entre o merenzao, alvarello, sousón, doa branca e tempranillo.

As condicións meteorolóxicas foron determinantes no aumento dun 75 % da produción da última vendima respecto dos 4.355.084 quilos da anterior. 'A vendima foi longa porque o tempo acompañou. Non houbo os problemas doutros anos, cando houbo que darse presa ó meter as uvas porque podían podrecer', dixo José Luís García Pando, presidente do Consello Regulador.

As producións da última vendima resaltan o avance das variedades preferentes, fundamentalmente mencía e godello, respecto de jerez e alicante. No ano 2000, antes de que comezase o programa de reestruturación do viñedo, a vendima pechouse coas seguintes producións: godello (1.690.091 quilos), mencía (997.012), jerez (1.760.204) e alicante (2.865.614). As subvencións, que nalgúns casos superaron o 80 % dos custos de arrincar as vellas cepas e da súa substitución por outras variedades, favoreceu este cambio, segundo José Luís García.

Estes datos foron facilitados polo Consello Regulador aos compañeiros do diario La Región, e así se recollen textualmente na súa edición Online.

Accede ao artigo orixinal

Amplía información sobre a vendima en Valdeorras

Talvez poda interesarche

Coñece a D.O. Valdeorras

Péchase a vendima en Valdeorras cunhas cifras que roldan os 7,6 millóns de Quilogramos

Cunha uva de enorme calidade, as expectativas de cantidade cumpríronse aproximando a produción da colleita 2011 aos 7,6 millóns de Quilogramos.

 

A confluencia entre a cantidade e a calidade viuse favorecida por un ano cunha climatoloxía extraordinaria para os viñedos galegos. O baixo índice de pluviosidad na comunidade galega, cunha cota que roldou os 126 mililitros,  case un  50% menos que un ano normal, adiantou a floración entre dúas e tres semanas,  favorecendo o desenvolvemento e a optima maduración do froito.

E é que a climatoloxía se aliou tanto cos viñedos valdeorreses, que cando se temía que a pertinaz seca comezase a facer estragos a finais de Agosto, choveu o xusto e necesario para evitalo, logrando mesmo mellorar a calidade do froito.
 

Esta falta de choiva impediu en gran medida a proliferación de enfermidades que afectan os viñedos, co cal a uva gozou dunha salubridade extraordinaria.
 

E se moitas veces crese que cantidade e calidade poden estar rifadas, non hai máis que explicar o compromiso en aras de lograr unha gran nobreza nos seus caldos tomada por parte dos viticultores, adegueiros e Consello Regulador da D.O. Valdeorras, que realizan controis exhaustivos sobre a produción para que ningunha cepa leve máis carga de froito da debida. O máis que destacable incremento de premios e recoñecementos que por parte de especilistas do sector outórgase  aos caldos valdeorreses , xa sexa en España ou alén das nosas fronteiras, corrobora a aposta da D.O. por uns viños que ano tras ano se consolidan polo seu enorme prestixio e calidade.
 

Un exemplo deste compromiso é a etiqueta de produción controlada promovida por parte do Consello Regulador da D.O. Valdeorras, na que as adegas adscritas sométense a un rigoroso control que non lle permite superar o 6000 kg de uva tinta por hectárea de plantación e o 8000 kg de uva branca.

E é que a colleita 2011 en Valdeorras a recado será lembrada durante moitos anos por uns viños excepcionais e moi especiais.

Amplía información

Talvez poda interesarche
 

Coñece como se realiza a vendima en Valdeorras
 

Coñece como se realiza o proceso de vinificación en Valdeorras

A cociña galega de vangarda e os viños de calidade únense en Valdeorras

Foto cortesía: David A. Panizo

 A D.O. Valdeorras e o prestixioso colectivo da nova cociña galega, Grupo Nove, colaboran na promoción e difusión mutua dos caldos de Valdeorras e a cociña de autor galega.

Para iso van producir e realizar unha serie de vídeos sobre a maridaxe entre os caldos desta denominación de orixe e as receitas de vangarda da nova cociña galega, inspirada na herdanza tradicional e na calidade dos produtos de Galicia.

11 membros do grupo (Miguel Angel Campos, Javier Rodríguez "Taky", Pablo Romeu, Antonio Botana, Alberto González, Iñaqui Bretal, Javier Oleiros, Pepe Solla, Hector López, Javier González e Yayo Daporta) viaxaron até Valdeorras para testificar coa súa presenza a participación no vídeo que se gravou nunha das típicas adegas "covas" da comarca e nun dos seus máis emblemáticas paraxes de viñedos otoñales.

A colaboración entre as partes selouse cun xantar nun restaurante da comarca onde, ademais de apreciar platos típicos de Valdeorras, os cociñeiros gozaron dunha cata de godello e mencía, guiada polo director técnico da DO, Jorge Mazaira, que se encargou de exercer de mestre de cerimonia en tan extraordinario evento.

As receitas de cociña maridadas cos caldos de Valdeorras serán creación exclusiva de Grupo Nove e únicas en todo o panorama da cociña nacional. O primeiro vídeo dunha serie de nove estrearase este próximo nadal e poderedes gozalo en exclusiva no portal Web da D.O. Valdeorras.

Coñece o portal Web da D.O. Valdeorras

Coñece ao Grupo Nove

Talvez poda interesarche

Coñece receitas con viño de Valdeorras