Os viños DO Valdeorras preséntanse en exclusiva en A Coruña os días 7, 8 e 9 de Agosto.

16 adegas e 38 marcas comerciais amparadas baixo o selo de calidade DO Valdeorras preséntanse en A Coruña, compartindo a súa calidade co público asistente e colaborando co Banco de Alimentos Rías Altas.

Esta iniciativa solidaria preséntase a través da colaboración entre o Consello Regulador DO Valdeorras e a empresa de promoción SERVINO quen, axuntando calidade e compromiso, achegarán ao público unha proposta única e innovadora no sector.

Os actos darán comezo o mércores 7 cunha cata aproximación guiada e dirixida polo director técnico do Consello Regulador DO Valdeorras, Jorge Mazaira, que se celebrará na aula de Cata de SERVINO - Rúa Europa 3, A Coruña -. Ademais, será dentro deste acto onde se presentará de forma oficial o proxecto e facilitaranse os datos máis destacados da DO aos Medios de Comunicación.

A posta de longo do evento trasladarase os próximos xoves día 8 e venres día 9 de Agosto ao Salón Miramar do Centro Hostaleiro Hesperia Finisterre - Paseo do Parrote 2-4. A Coruña - onde, ambos os días e en horario de 18.00 a 22.00 horas, presentarase o Tunel do Viño DO Valdeorras.

O funcionamento do Tunel do viño, no que os asistentes poderán degustar un total de 38 marcas comerciais pertencentes a 16 adegas DO Valdeorras, caracterízase pola non presencia de adegueiros, sendo o propio director técnico do Consello Regulador en compañía de dous destacados Catadores de primeiro nivel, os encargados de asesorar ao público asistente e completar as explicacións das fichas técnicas dos viños alí expostos.

A gran novidade que presentará o Salón céntrase na posibilidade de adquirir os viños participantes "in situ", optimizando a visita dos asistentes e ofrecendo a posibilidade de que cada que se poda levar a casa os viños máis destacados dende o propio Salón.

Para participar, cada un dos asistentes deberá achegar 1Kg de alimentos non perecedoiros que a DO cederá ao Banco de Alimentos Rías Altas coa firme convicción de achegar unha particular axuda á xente máis necesitada nestes momentos difíciles.

Para participar, debes solicitar o tua reserva de invitación en info@servino.net 

Valdeorras e os seus viños espérante nesta aposta solidaria: non podes faltar!

Coñece o posicionamento internacional dos viños DO Valdeorras

Coñece o prestixio dos viños DO Valdeorras en Europa

Coñece o prestixio dos viños DO Valdeorras en Estados Unidos

Coñece o prestixio dos viños DO Valdeorras en Xapón

Coñece a DO Valdeorras

Os viños DO Valdeorras viaxan a Suíza mentres o mencía DO Valdeorras de Joaquín Rebolledo é condecorado como mellor tinto xove de España

O Consello Regulador DO Valdeorras e  nove adegas adscritas á DO viaxan a Zúric para a presentación dos seus viños ante o sector profesional. Mentres, a semana pasada dentro dos actos do Salón Gourmets de Madrid, condecorouse a Joaquín Rebolledo Mencía 2011 como o mellor tinto xove de España.

Joaquín Rebolledo Mencía 2011 foi condecorado como mellor tinto xove de España segundo a guía de viños Gourmets 2013, que entregou os galardóns aos mellores viños de España no marco do XXVII Salón de Gourmets, Feira Internacional de Alimentación e Bebidas de Calidade, que acolle Feira de Madrid-IFEMA.

O premio, que se deu a coñecer o pasado mes de Novembro, ratifica a gran calidade de Joaquín Rebolledo Mencía 2011 que, entre numerosos galardóns internacionais, tamén foi condecorado como mellor tinto de Galicia en 2012.

Desta forma referéndase o éxito e calidade da colleita 2011 cun novo galardón que encumía a un viño que posúe as seguintes notas de cata:

Vista: Cor vermella cereixa con bordos violáceos.

Aroma: Cereixa, amora e framboesa, notas especiadas de cacao. Minerais (xiz, pizarra) e lixeiramente balsámico.

Boca: Completo, fresco e saboroso. Boa untuosidade. Luz e armónico, fácil de beber cun final afroitado longo.

Maridaxe e Servizo Joaquín Rebolledo Mencía 2011: Gratinados, comida italiana e mediterránea, estofado, caza, asados, bacallau en calquera das súas modalidades, aplicación gastronómica sen límites.

Temperatura de servizo 16-18ºC.

 O Grupo Gourmets publicou  a nova edición da Guía Gourmets, Os Mellores Viños de España 2013.Tras 241 sesións nas que os 22 profesionais máis cualificados do sector vinícola realizaron 4.820 catas a cegas, analizándonse os cambios do mundo vitivinícola.

A guía segue o sistema xa tradicional nas anteriores edicións: a cata a cegas -a máis obxectiva e independente-, o equipo humano -formado por destacados profesionais do sector-, límite de cata por sesión para salvagardar a ecuanimidade e eficacia - nunca excede de 20 referencias -.

Esta edición para 2013 conta ademais cunha completa actualización dos datos das adegas apuntadas, Consellos Reguladores, DD.OO., zonas vinícolas- inclúe os históricos de catas de viños escumosos e xenerosos, como premio ás traxectorias de viños e adegas. A sección o "Noticiario do Viño" recolle os principais feitos que se sucederon no mundo do viño até setembro de 2012. O novo Cadro de Honra dos Mellores Viños de España recolle os viños que alcancen ou superen a cualificación de 7/10.

Apostando pola internacionalización, inclúe unha análise da viticultura dos Países do Leste, realizadas polo experto Helio San Miguel. Incorpora o fallo dos premios Guía Gourmets 2013, ademais de fotos de familia e entrega dos galardóns 2012.

Coñece a adega Joaquín Rebolledo

Coñece todos os premiados na Guía Gourmets 2013

Amplía información sobre os galardóns internacionais de Joaquín Rebolledo

Coñece como se elaboran os viños na DO Valdeorras

Pola súa banda, o Consello Regulador e as adegas DO Valdeorras xa viaxan a Suíza para a próxima presentación que terá lugar o xoves 18, no Hotel Metropol de Zúric.

A través deste acto - encarado a profesionais do sector, prensa especializada e grandes vinotecas helvéticas - as adegas DO Valdeorras regresan á capital Suíza para reforzar o éxito cultivado a finais de 2011 coas seguintes adegas confirmadas:

Podes acceder a cada unha delas facendo click sobre o seu nome

Adega A Coroa

Adega O Casal

Adega Godeval

Adega Cop. Jesús Nazareno

Adega Roandi

Adega Ruchel

Adega ValdeSil

Adega Joaquín Rebolledo

Adega Santa Marta

Este acto servirá como punto de partida ás presentacións internacionais dos viños DO Valdeorras no primeiro semestre de 2013, e completarase coa presentación de Xapón - "Vinalitur" - os próximos 13 e 14 de Maio.

Amplía información sobre los actos promocionais da DO Valdeorras en Zúric e Xapón

Tal vez poda interesarche

Coñece a DO Valdeorras

Os viños DO Valdeorras presentarán as súas excelencias en Bruxelas

  Tras os éxitos cultivados en Nova York e Madrid, o Consello Regulador e as adegas DO  Valdeorras continúan coa súa  campaña promocional e, os próximos días 26 e 27 de Novembro, presentarán en Bruxelas o prestixio internacional dos seus viños.

Nun marco de presentación que se desenvolverá por partida dobre, tanto adegas como Consello Regulador porán a disposición do público local e internacional o crédito e prestixio que converteron aos viños DO Valdeorras nun referente de Galicia no estranxeiro.

Desta forma, o primeiro acto que terá lugar no Hotel Meridiam, o luns 26 de novembro en horario de 11:00 a 17:00 horas, estará adicado a distribuidores, restauradores e profesionais do sector belga coa finalidade de realizar accións comerciais e promocionais.

Mentres que, na liña de seguir compartindo a calidade dos seus viños co gran público, ao día seguinte, martes 27 e en horario de 18:30 a 21:00, a comitiva valdeorresa desprazarase ao centro da Fundación Galicia - Europa, para realizar unha presentación ante as altas institucións internacionais, dando cabida á participación do público en xeral que desexe asistir.

Lembrámosvos que se queredes participar no acto, dende xa podedes solicitar a vosa invitación remitindo un email co voso nome completo a: lamadredelvino@dovaldeorras.tv

Para completar a presentación do acto, ao longo da semana irémosvos dando cumprida información das adegas participantes, así como as últimas novidades en referencia ás solicitudes de asistencia. Estade atentos, haberá sorpresas.

Coñece a Fundación Galicia - Europa

Accede á crónica da presentación de Nova York

Accede á crónica da presentación de Madrid

Coñece o prestixio internacional do Godello DO Valdeorras

Coñece todo o que a DO Valdeorras pode ofrecerche

Ourense converterase na capital galega do viño con "Auria Vinum"

 Ourense confirmarase como un dos centros neurálxicos do viño os próximos 2, 3 e 7 de xullo, a través do evento "Auria Vinum".

Tras os primeiros avances, o acto dedicado ao gran público desenvolverase o sábado 7 de xullo a través do particular túnel do viño da capital ourensá, contando cunha ampla representación do sector do viño galego: as 4 Denominacións de Orixe situadas na provincia de Ourense, a Asociación Galega de Viticultura (AGV), Federación Rural Galega, a Asociación Galega de Sumilleres (AGASU) e Javier González representante do colectivo de Vangarda Culinaria de Galicia "Grupo Nove".

O evento, que se ampara baixo o selo institucional de "Ourense Capital Termal"

 e "Concellería de Turismo - Concello de Ourense", celebrarase no Museo Municipal da capital de As Burgas (Rúa Lepanto 6 - Ourense) , onde cada adega participante contará cun micro espazo de atención ao público.

Polo módico prezo de 5 euros, os asistentes poderán degustar a calidade de todo o amplío panorama de viños galegos; ofrecéndose, a maiores, a posibilidade de participar nunha cata maridaxe dos caldos das 4 denominacións de orixe fincadas en Ourense, todo iso dirixido polo prestixioso Cheffs da vangarda gastronómica galega e integrante de Grupo Nove, Javier González ( Restaurante a Rexidora).

 Cunha ampla representación das adegas DO Valdeorras (polo momento confirmaron a súa participación Adega Alan de Val e Adega José Aristegui, pero prevese confirmación do groso total das adegas adscritas a esta DO) presentaranse diversas propostas vinícolas, que baixo o modelo "Show Room", ofrecerán dende catas exclusivas a maridaxes gastronómicas cos máis apreciados produtos de Galicia.

A reserva de participación para a cata-maridaxe pódese realizar a través do teléfono: 988 388 108

Fai click sobre a imaxe para ampliar información

 Como complemento ineludible enfocado aos profesionais da restauración, os días 2 e 3 de Xullo realizaranse as catas dirixidas ao sector hostaleiro na contorna do Restaurante Café Maimón ( estrada de Reza, Paque do Maimón - Ourense). Esta iniciativa  realizarase baixo a batuta de Antonio Portela (comunicador especializado e prestixioso blogger) e Carlos Portela (Campión Galego de Catadores), ambos os integrantes da Asociación Galega de Sumilleres (AGASU).

Os profesionais da restauración poden reservar a súa praza de participación no seguinte teléfono: 988 388 108

Fai click sobre a imaxe para ampliar información

 A medida que se vaian facilitando máis datos, irémosvolos transmitindo a través do Blog "Un universo en cada botella" e desde as contas de Socialmedia de "La madre del vino"

Segue as últimas noticias dos viños DO Valdeorras en Facebook

Coñece as últimas noticias de Adega Alan de Val

Coñece Adega José Aristegui

Coñece ao Cheff de "Grupo Nove" Javier González

Coñece a tradición vitícola de Valdeorras

Coñece as adegas DO Valdeorras que están a presentar as súas excelencias en Londres

A DO Valdeorras, a través do seu organismo regulador, compartirá as súas excelencias co público londiniense no Excel Exhibition Center da capital británica, dentro dos actos que conforman a London International Wine Fair.

O Consello Regulador DO Valdeorras atópase promocionando a excelencia dos caldos adscritos a esta denominación de orixe, nun dos actos máis importantes do sector vinícola internacional nas illas británicas: a London International Wine Fair.
Os asistentes que así o desexen, poderán coñecer de primeira man as calidades duns dos caldos máis de moda no panorama vinícola internacional, na Caseta do Consello Regulador DO Valdeorras, entre o día de hoxe o vindeiro xoves, en horario de 9:30 horas a 18:00 horas ( horario británico), dentro do pavillón que ICEX (Instituto Español de Comercio Exterior) ten na feira.

Ademais das últimas novidades en viños tostados e de nova xeración nos que traballa a DO, os participantes terán a oportunidade de coñecer algúns dos caldos máis representativos de Valdeorras a través das seguintes adegas:

  Adega Stª Marta 

 

Adega Ruchel 

Adega A Coroa

Adega Roandi 

Adega O Casal

  

Adega Alan de Val

Adega Coop. Jesus Nazareno 

Adega Valdesil

  

Adega Mª Teresa Nuñez 

 

Adega Virxen de Galir

 

Adega Guitian y Blanco 

Adega Joaquín Rebolledo 

Podes ampliar información sobre cada unha das adegas facendo click sobre o seu nome

Amplía información sobre a London International Wine Fair

Talvez poida interesarche

Amplía información sobre os viños tostados DO Valdeorras

Ven a coñecer de primeira man as adegas que conforman a DO Valdeorras

Coñece como se elaboran os viños DO Valdeorras

Londres próximo destino para as presentacións DO Valdeorras

  A embaixada DO Valdeorras ultima os últimos preparativos para a súa próxima presentación que se celebrará os próximos días 22, 23 e 24 de Maio en Londres.

O Excel Exhibition Center da capital londiniense converterase no centro neurálxico para o sector internacional do viño entre os días 22 e 24 de Maio, con motivo da celebración da London International Wine Fair. 

Nun marco no que máis de 35 países e 20.000 viños daranse cita, o Consello Regulador DO Valdeorras xogará un papel destacado en representación da flor e nata dos viños adscritos a esta DO.

 A DO Valdeorras gozará de Caseta propia dentro do pavillón español que Icex, Instituto Español de Comercio Exterior, ten na devandita feira. Será dende este punto, nas datas anteriormente sinaladas e en horario de 9:30 a 18:00 horas (horario británico), desde onde a DO Valdeorras compartirá con todos os asistentes as excelencias que converteron aos seus caldos nuns dos viños máis de moda no panorama internacional do sector.

Desta forma, a armada valdeorresa pon rumbo ás illas británicas para seguir conquistando e sorprendendo aos padais máis esixentes do sector internacional do viño.

Amplía información sobre a London International Wine Fair

Coñece a gran acollida das presentacións DO Valdeorras 

Ven a coñecer os viños DO Valdeorras en toda a súa esencia 

Talvez poda interesarche 

Coñece a DO Valdeorras

Coñece as adegas DO Valdeorras que presentarán as súas excelencias hoxe en Xixón.

Máis dunha vintena de adegas DO Valdeorras presentarán as súas excelencias hoxe no hotel NH Xixón, nos salóns Avant Garde; C/ Pª do Doutor Fleming, 71. Horario de 17:00 a 22:00 horas.

 Na presentación desta tarde en Xixón, os asistentes poderán gozar das novas anadas dalgunhas das adegas máis de moda no panorama vinícola internacional. Ademais, dende o organismo regulador preparan sorpresas aos asistentes coa presentación de viños de nova tendencia e a cata-degustación de variedades descoñecidas para todos.

Para ir entrando en materia, dende a nai do viño ofrecémosvos a listaxe de adegas asistentes ao acto, a través do cal poderedes ampliar información sobre estas adegas facendo click no nome de cada unha delas.

 Bodegas Ruchel, S.L.

 Bodega Sampayolo, S.L.

 Bodega Santa Marta, S.A.T.

 Bodega Roandi, S.L.

 Guitián y Blanco, S.C.

 Bodega Cooperativa Jesús Nazareno

 Bodega Joaquín Rebolledo, S.A.

 Bodegas Carballal, S.L.

 Adega A Coroa, S.A.T.

 Bodega Virxe de Galir, S.L.

 Adega Alan, S.A.T.

 Bodega Valdesil, S.A.T.

 Bodega Germán Rodríguez Prada

Viña Somoza, Bodegas y Viñedos, S.L.

Adega Quinta da Peza, S.L.

 Bodega Godeval, S.A.T.

 Bodega Mª Teresa Núñez Vega

 Adega da Pinguela, S.L.

 Bodega Eladio Santalla Paradelo

 

 

 

Tal vez poda interesarche

Coñece as maridaxes gastronómicas que che ofrece DO Valdeorras

Amplía información sobre as adegas adscritas á DO Valdeorras

 

A DO Valdeorras presentará as súas excelencias este xoves en Valencia

O Hotel SH Palace da capital levantina é o lugar escollido para os actos de presentación da nova colleita 2011 por parte da flor e nata das adegas adscritas á DO Valdeorras.

Tras os excepcionais éxitos cultivados nos últimos anos dentro do sector vinícola internacional, e baixo o selo do Consello Regulador desta Denominación de Orixe, un nutrido grupo de adegas valdeorresas presentarán a excelencia dos seus caldos o vindeiro xoves 12 de Abril, a partir das 17:00 horas, no Hotel SH Palace de Valencia.

As seguintes adegas serán as encargadas de facer patente a revolución enolóxica do Século XXI amparada polo selo de calidade DO Valdeorras:

 Bodegas Ruchel, S.L.

 Bodega Sampayolo, S.L.

 Bodega Santa Marta, S.A.T.

 Bodega Roandi, S.L.

 Guitián y Blanco, S.C.

 Bodega Cooperativa Jesús Nazareno

 Bodega Joaquín Rebolledo, S.A.

 Bodegas Carballal, S.L.

 Adega A Coroa, S.A.T.

 Bodega Virxe de Galir, S.L.

 Adega Alan, S.A.T.

 Bodega Valdesil, S.A.T.

 Bodega Germán Rodríguez Prada

Viña Somoza, Bodegas y Viñedos, S.L.

Adega Quinta da Peza, S.L.

 Bodega Godeval, S.A.T.

 Bodega Mª Teresa Núñez Vega

 Adega da Pinguela, S.L.

 Bodega Eladio Santalla Paradelo

 

Tal vez poda interesarche

Coñece as maridaxes gastronómicas que che ofrece DO Valdeorras

Amplía información sobre as adegas adscritas á DO Valdeorras

 

Londres e Valencia primeiros destinos confirmados para a DO Valdeorras en 2012

Valencia en abril e Londres en maio, son as primeiras datas confirmadas para as presentacións que o Consello Regulador DO Valdeorras celebrará fóra de Galicia en 2012.

Un ano máis, o Consello Regulador DO Valdeorras en compañía da flor e nata das adegas adscritas a este selo de calidade, iniciará unha presentación dos seus caldos por diferentes cidades de diversos países.

Á espera da confirmación definitiva doutras cidades e países habituais no devir da DO nos últimos anos; tal é o caso de Madrid, Barcelona, Suíza e Estados Unidos. Dende a nai do viño podémosvos adiantar as datas oficiais para as presentacións de Valencia (12 de Abril) e Londres ( do 22 ao 25 de Maio); instándovos a que sigades atentos ás publicacións que se realizan neste Blog e Socialmedia, para poder participar de forma gratuíta e coñecer de primeira man uns dos viños máis de moda no panorama internacional.

Coñece o prestixio internacional dos viños DO Valdeorras

Talvez poida interesarche

Coñece as Adegas adscritas á DO Valdeorras

Coñece a DO Valdeorras

O sector internacional réndese á revolución enóloxica da DO Valdeorras cun aumento de importacións do 93%

 As adegas da Denominación de Orixe case duplicaron as súas exportacións en 2011, respecto ao ano anterior. O volume de 166.469 litros vendido no exterior é un 93 % maior que os 86.196 litros de 2010, segundo os datos que o Consello Regulador logrou recompilar entre os embotelladores. Só o período de 2007, con 209.577 litros, supera a cantidade da última campaña.

En canto ao tipo dos caldos exportados, 106.757 litros foron brancos e 59.712 de tintos. Estas cifras demostran o bo momento da variedade godello, que son as uvas que encabezan as preferencias dos consumidores nas dúas citadas variedades.

O continente americano é o principal mercado das adegas valdeorresas. Cara a él viaxaron 68.643 litros. Máis do dobre, 47.022, son brancos, que atopan no mercado estadounidense un cliente nada despreciable, ao levar 42.262. A Unión Europea, con 42.327 litros, ocupa o segundo lugar na relación de importadores. Os seus compradores mostran unha clara inclinación polo branco, como  demostran os 38.599 litros que adquiriron deste tipo de caldos. No resto de Europa sucede todo o contrario, pois as súas preferencias inclínanse polos tintos, comprando 28.868 litros desta variedade.

Estados Unidos e Suíza, con 49.834 e 31.845 litros, respectivamente, son os maiores importadores. Este dato xustifica plenamente as cidades estranxeiras elixidas polo Consello Regulador para presentar os viños da  Denominación. O pasado 24 de outubro, unha ducia de adegas deron a coñecer os seus caldos en Zúric (Suíza). Cinco meses antes, o 19 de maio, sete embotelladores levaron os seus caldos ao 'Great Match' de Dallas (Estados Unidos).

'Os actos promocionais que organiza o Consello foron programados para os países que reflicten as maiores exportacións e tamén nos que están presentes máis adegas valdeorresas', dixo o presidente do citado Consello Regulador de Valdeorras, José Luís García Pando.

O Consello Regulador remítese a unha combinación favorable de 'calidade, prezo, materia prima e desenrolo' para xustificar o auxe dos viños da Denominación.Unha proba do éxito son os premios e valoracións dos expertos en enoloxía. O último recoñecemento conseguiuno a adega Godeval, polo seu viño de uva godello 'Godeval 2010'. Foi clasificado no posto 71 dos 100 mellores viños do mundo pola prestixiosa revista norteamericana 'Wine Spectator', sendo o único branco español.

'Non é unha sorpresa. Antes xa se nos valorou moi favorablemente', dixo Horacio Fernández Presa, director técnico de Godeval. A adega barquense ten os seus principais mercados en Estados Unidos, Canadá, China, Xapón e Reino Unido, exportando o 40 % dunha produción de 150.000 botellas. Esta porcentaxe supera amplamente o 4 % da produción que a Denominación destina á exportación.

Pola súa banda, a adega ruesa A Coroa sitúase de forma consolidada en Asia obtendo unha máis que destacable medalla de Prata no certame "Mellores viños españois para Asia", celebrado en Hong Kong. Desta forma, o godello de Valdeorras logra un merecido recoñecemento á súa calidade, abanderiado polo traballo que dende hai algúns anos levan realizando algunhas adegas para darse a coñecer nestes novos mercados.

Mentres isto sucede, o compromiso da DO Valdeorras cos seus seguidores faise patente con novos apostas de maridaxes, para que poidades gozar destes mágnificos caldos na súa máxima esencia.

Accede a fonte de información do artigo

Amplía información sobre a presentación de Dallas

Coñece a gran acollida dos viños DO Valdeorras en Suiza

Desfruta do mellor branco español para os críticos de EE. UU

Conoce, una a una, as adegas que conforman a gran familia da DO Valdeorras