13 viños da D.O. Valdeorras distinguidos polos Catadores Galegos.

Onte facíanse públicas as valoracións achegadas pola Asociación Galega de Sumilleres "Gallaecia" que, despois de realizar unha dobre cata nas diferentes Denominacións de Orixe Galegas durante os meses de Xuño, Xullo e Agosto, realizaban no día de onte a cata final onde saíron os galardoados como "Distinguidos Gallaecia 2011", premio recoñecido polo Ministerio de Medio Rural do Goberno de España.

De entre os 21 viños da D.O. Valdeorras seleccionados na cata inicial celebrada na sede do Consello Regulador desta denominación de orixe, premiouse a 13 deles nunha selección que foi definida pola Presidenta da Asociación Galega de Sumilleres, Mercedes González, como "Moi axustada", engadindo "que daba pena deixar algún fóra, pero que tampouco se pode premiar a todos, xa que entón perderíase o rigor destes galardóns"

Para remarcar a profesionalidade e rigurosidade destes premios, a cata final realízase con mostras recollidas directamente do mercado. Xa que segundo nos aclara Mercedes "Nós para a cata final collemos mostras directamente do mercado para asegurarnos do que vai comprar o consumidor é o que catamos; é por iso que o que certificamos é o lote"

En canto ao resultado final do catado, remarca como nota diferencial con respecto a outros anos que "os viños están a evolucionar máis rápido que outras tempadas, debido a que tivemos un verán seco, e entón a frescura queda un pouco máis camuflada e a acidez quedou un pouco tapada". E, a súa vez destacou aos crianza como "uns viños superfrancos e moi lonxevos mantendo a variedade"

Os viños da D.O. Valdeorras distinguidos co galardón "Gallaecia 2011" son os seguintes:

(Podes coñecelos de primeira man facendo click sobre eles)

Viños Brancos

VIÑO/ADEGA

Bioca 2010 / María Teresa Núñez Vega

Godeval 2010 / Godeval

Godeval Cepas Vellas 2010 / Godeval

Valdesil Lías 2010 / Valdesil

Viña Somoza Lías 2010 / Viña Somoza

Viños Tintos

VIÑO/ADEGA

Erebo 2010 / Carballal

Joaquín Rebolledo 2009 / Joaquín Rebolledo

Quinta da peza 2010 / Quinta da Peza

Quinta da Peza 2010 Ouro / Quinta da Peza

Sampayolo 2010 / Sampayolo

Garnacha vella do Ramiriño 2009 / Sampayolo

Valdeorroa Carballo 2008 / ValdeSil

Valdouro 2009 / Jesús Nazareno

Amplía información

Talvez poda interesarche

Coñece o Blog de Mercedes González

Coñece as adegas que conforman a D.O. Valdeorras

Valdeorras prepárase para dar a benvida a "La Vuelta 2011"

O próximo 31 de Agosto a comarca de Valdeorras prepárase para dar a benvida á undécima etapa da Volta Ciclista a España 2011, que se iniciará na veciña comarca de Monterrei e percorrerá a comarca de Valdeorras para concluír cun emocionante final na estación de esquí de Manzaneda.

A Volta volve a terras galegas despois da Saída de Vigo en 2007 cunha etapa moi emocionante e selectiva conformada por catro portos moi esixentes repartidos ao longo da xornada. 

O inicio da etapa efectuarase desde a localidade de Verín ás 12:40 horas cunha saída neutralizada e percorrerá a N-550 até A Gudiña, onde tomará o desvío da OU-553 para entrar na comarca de Valdeorras. O discorrer da etapa realizarase polas localidades de Viana do Bolo, A Veiga, O Barco, Vilamartín de Valdeorras e A Rúa para encamiñarse a un esixente e emocionante final de etapa nun puerto até agora descoñecido para a carreira. 

Fai click sobre a imaxe para ampliar o percorrido

A estación de esquí de Manzaneda, cos seus trinta quilómetros de ascenso, é o cume máis emblemático do Macizo Central ourensán e espérase que poda provocar cambios na clasificación xeral coa aparición de novas figuras para a disputa de "A malla Vermella". Os Nibali, Rodríguez, Chavanel, Escarponi, Sastre, Nieve, Antón ... e todo o groso do pelotón que conforma esta "Volta 2011", deberán empregarse a fondo nesta esixente etapa para manter as súas opcións á vitoria final de Madrid. 

Fai click sobre a imaxe para ampliar o perfil da etapa

Pero todo o esforzo que supón este esixente deporte, a recado verase recompensado pola calor do público ourensán en xeral  e o valdeorrés en particular; que xa sexa a pé de estrada ou dende os seus coidados viñedos, colleitando o fantástico e apreciado froito cultivado con esforzo, sacrificio e saber facer durante o ano, transmitirán todo o seu apoio aos deportistas nunha histórica etapa que augura unha histórica colleita 2011.

Amplía información sobre a 11 etapa da Volta Ciclista a España 2011

Talvez poida interesarche

Ven a gozar "A Volta" e alóxate en Valdeorras

Coñece o que Valdeorras pode ofrecerche  

A adega María Teresa Núñez Veiga dá o pistoletazo de saída á Vendima 2011 en Valdeorras

Fonte artigo: La Región
As altas temperaturas rexistradas e a combinación dos ventos atlánticos e mediterráneos propiciaron a maduración óptima da uva nos viñedos da adega María Teresa Núñez Veiga, situada na localidade valdeorresa de Petín.

Aínda que o groso de adegas pertencentes á D.O. Valdeorras aínda esperarán como mínimo unha semana máis. A excelente maduración do froito, propiciada pola óptima meteoroloxía que caracterizou a tempada en Valdeorras, predispuxo que a adega afincada na localidade de Petín dea o pistoletazo de saída á vendima 2011.

O domingo comezaban cos preparativos e este mesmo luns recollían pola mañá ao redor dos 2.000 quilos de godello, do que destacan 'a súa elevada calidade' e unha gradación que rolda os 13 graos.

A adega de Petín prevé que en 15 días rematarán a recollida da produción das dúas variedades de uva que hoxe en día despachan, godello e mencía, e das que esperan recoller ao redor dos 47.000 quilos. 'Mantemos que as cifras roldarán máis ou menos as do pasado ano, aínda que poida que haxa un incremento do 10%', sinala Celestino Noveira, copropietario desta adega e enólogo de Bioca. 

Dende o Consello Regulador recalcan a intensa calor vivida durante os meses primaverais nesta comarca e que auspiciou, que agora en agosto,  se adiántese a vendima. Aínda que tradicionalmente, o Consello marcou sempre a data de principios de setembro para a recollida da uva, este ano, as temperaturas de 35 graos vividas durante practicamente todo o mes de agosto e a combinación dos aires atlánticos e mediterráneos favoreceron este adianto.

Jorge Mazaira, director técnico do Consello Regulador da D. O. Valdeorras, asegura que a colleita deste ano superará 'sen problema' os 5,5 millóns de quilos que se rexistraron o ano pasado.'Temos e teremos unha boa produción, e unha colleita moi boa en canto a cantidade e calidade', asegura Mazaira.

Amplía información

Talvez poda interesarche

Coñece as adegas María Teresa Núñez Vega e o seu premiado viño "Bioca"

Coñece o resto de adegas que conforman a D.O. Valdeorras

Achégase unha vendima que trae consigo unha colleita excelente e abundante.

O adianto da vendima, condicionado pola bonanza climatolóxica dos últimos meses, augúrase histórica en canto a cantidade e calidade en Galicia.

Diversos medios de comunicación recollen o sentir xeral dos colleiteiros galegos baixo as palabras de «Posiblemente, a mellor colleita da historia». A influencia climatolóxica que marcou Galicia desde a primavera, agarda con anhelo as previsións de choiva ditadas para as próximas xornadas, a fin de establecer a data exacta do comezo dunha recolección que se prevee abundante en criterios de calidade e cantidade.

Mentres que varias Denominacións de Orixe, caso de Rías Baixas e Ribeira Sacra, xa teñen moi definido o comezo da vendima para finais de agosto, Ribeiro e Valdeorras aínda preveen mellorar un pouquiño máis a cantidade e calidade, agardando unhas desexadas precipitacións que definan unha colleita histórica nas súas respectivas zonas. 

En criterios de cantidade, o sentir xeral do groso de denominacións de orixe galegas é que se supere o record de 2006, alcanzando unha cantidade que se achegue, ou mesmo supere, os 50 millóns de quilogramos de uva recollida. Deles, as adegas adscritas ao Consello Regulador da Denominación de Orixe Valdeorras esperan achegar unha cantidade que supere os 6 millóns de quilogramos, superando con fartura as cantidades recollidas a tempada pasada.

Pola súa banda a calidade non se vai a quedar atrás, xa que se define por ter un froito maduro e estar nunhas condicións óptimas de salubridade. A este respecto, desde o Consello Regulador da D.O. Valdeorras, faise público que as cepas se atopan cunha cantidade de carga elevada, aínda que garante unha óptima calidade e un froito cun estado de maduración avanzado e perfectas condicións para producir uns viños excelentes. Só se agarda que as previsións de choiva se cumpran para poñer a guinda a unha colleita que se agarda excelente e abundante.

A pesar de que a climatoloxía axudou a todas as D.O. galegas, regando con choiva cando tocaba e madurando o froito con sol cando correspondía, a gran damnificada en criterios de cantidade este ano parece que vai ser a D.O. Monterrei, xa que moitos produtores non puideron frear a tempo a popularmente coñecida enfermidade do "Balrog", que reduciu a produción a unhas cotas que roldarán as da campaña 2010 e que situará a cantidade de uva recollida ao redor dos 2 millóns de quilogramos.

Amplía información

Coñece as previsións meteorólogicas para os próximos días en Valdeorras

Talvez poida interesarche

Coñece as variedades que se cultivan en Valdeorras

O monovarietal de Sousón, unha xoia por explotar.

"Hoxe queremos compartir con todos os seguidores da Nai do viño este interesante artigo sobre a variedade Sousón, recomendándovos o blog de IvinOurense para que gocedes de interesantes artigos sobre o mundo viño nesta provincia galega". 

Galicia, sorprendente terra de viños, de gran diversidade de terruños, climas, altitudes e de centos de variedades autóctonas, perdidas e esquecidas polas modas e tendencias. 

Unha delas é a magnífica variedade tinta Sousón. Trátase dunha das variedades máis difíciles de cultivar, unha das dificultades é que é de ciclo longo, o que quere dicir que chega á súa maduración óptima no mes de Outubro e se a iso sumamos que é moi sensible a cambios bruscos de temperaturas, ao sol, pragas e coas choivas e xeadas do outono condicionase o seu desenvolvemento. Os acios son de tamaño pequeno de forma cónica cos ombreiros moi compactos, o hollejo é fino e con moita pruina. Claro que toda esa fraxilidade e delicadeza unida ao seu alto contido en materia tánica e a súa alegre acidez configuran uns tintos elegantes de gran sutileza das que poucas uvas poden presumir. Son maduros, de potente bouquet e intensos aromas. 

Con todo aqueles tempos de deixar de lado as variedades que daban problemas xa quedaron atrás e podemos estar moi orgullosos do esforzo que fan os viticultores galegos en recuperar as variedades autóctonas que están a sorprender seducindo aos padais máis esixentes do panorama vinícola mundial. 

Até hai pouco tempo era impensable atopar un viño monovarietal 100 % Sousón e até pode resultar estraño xa que a práctica habitual era utilizar esta variedade como complementaria con outras variedades.

Viños elaborados a partir da variedade Sousón cunha singularidade única que merecen moito a pena ser bebidos e apreciados. 

VX Cuvée Caco 2007 Sousón, de adega Coto de Gomariz é un claro exemplo da consolidación desta nobre variedade. O enólogo Xosé Luís Sebio é quen dirixe esta sorprendente creación e quizais sexa o home que mellor coñeza o comportamento desta cepa.

Quinta Muradella Sausón, elaborado por José Luís Mateo que sen dúbida é un dos novos viticultores que cos seus escasísimos viños esta reivindicando á perfección o terruño e as variedades autóctonas.

Viñaredo Sousón, tras a recuperación de pequenas parcelas da cepa Sousón nace este singular veu da adega Santa Marta situada na bela localidade de Valdeorras comandada polo enólogo José Moreno Galindo que a pesar de ser a súa segunda anada pódese apreciar que hai un gran potencial.

Aínda que a Sousón sexa aínda unha xoia por explorar, con este tres grandes exemplos xa consolidados de terruños diferentes é evidente que volver ao pasado é a mellor innovación. 

Se temos en conta que hoxe en día se elabora viño en case todos os recunchos do mundo e unido que o consumidor está cada vez máis sofisticado, entendido e quere gozar, divertirse e probar viños con identidade que expresen o terruño, aí é onde Galicia ten un gran papel xa que conta cunha gran diversidade de variedades autóctonas, climas, chans etc. 

E non nos esquezamos que dentro dunha botella de viño á marxe da variedade de uva e da zona onde se elabore, vai algo máis dentro, a nosa cultura, o clima, os ríos, os cheiros das ladeiras, en definitiva nosa forma de vivir e de entender o viño.

Accede a IVINOURENSE

Coñece as adegas Santa Marta

Accede á tenda online de Viñaredo

Segue as últimas noticias das adegas Santa Marta en Facebook

Talvez poda interesarche

Coñece o resto de adegas da D.O. Valdeorras

Celebrando cen mil compañas

Para sentirme en Valdeorras, máis nai do viño ca nunca,

hoxe, tería máis de cen mil motivos...

Pero abonda ter sentido, coa vosa axuda, un universo en cada unha das vosas compañas,

para celebrar, as cen mil visitas a calquera dos meus universos.

Recibide, con todo cariño e agradecemento, un brindis polos nosos maridaxes pasados, presentes e futuros.

Saúde!

A Nai do Viño

Ven a compartir Valdeorras connosco

Rotundo éxito da XIV edición da Feira do viño de Valdeorras

Á primeira hora da noite de onte clausurábase a XIV edición da Feira do Viño de Valdeorras cualificada como un éxito polo presidente do Consello Regulador que anunciou que se cumpriron as mellores expectativas.

A feira que foi inaugurada o pasado sábado polo Conselleiro de Medio Rural, Samuel Juárez que, baixo encomios ao gran traballo realizado por viticultores, adegueiros e consello regulador, quixo destacar o gran éxito internacional que lograron estes caldos nos últimos anos: "A súa proxección está a progresar nos últimos anos, pasando de ser unha D.O. coñecida case en exclusiva polos amantes do viño a ocupar un posto privilexiado, tanto nas guías especializadas como nas cartas dos restaurantes".

Con respecto á afluencia á feira, pódese afirmar que o incremento de público con respecto a edicións anteriores foi considerable. A falta dunha análise máis detallada, os primeiros datos móstrannos unhas cifras próximas aos 3500 visitantes que, pese ao simulacro climatolóxico do domingo, asistiron a degustar uns dos viños máis recoñecidos do panorama actual. En palabras do presidente do Consello Regulador, José Luís García Pando, a feira resúmese así: "a feira cumpriu á perfección cos seus obxectivos, que non son os mesmos dun salón profesional, se non que se busca que o evento sirva como punto de encontro para os diferentes axentes do sector así como para que as adegas dean a coñecer os seus viños".

XII cata da XIV Feira do viño de Valdeorras

A noite anterior a que comezase a Feira do viño de Valdeorras, tivo lugar a entrega dos premios da XII cata oficial da Feira do viño de Valdeorras, que conta co recoñecemento do Ministerio de Agricultura e Medio Ambiente e nos que Alán de Val Pedrazais Barrica 2009 (de adegas Alán) levou a mención especial á colleita.

En canto aos viños brancos presentados a concurso (un total de 22) o primeiro premio foi para Erebo, de adegas Carballal; o segundo para Pagos de Galir, de Virxen de Galir; e o terceiro para Viñaredo, de Santa Marta. En tintos (dos 26 a concurso) gañou Ventura, de Adega dá Pinguela; o segundo foi para Joaquín Rebolledo, de Joaquín Rebolledo; e o terceiro para Quinta dá Peza ouro, de Quinta dá Peza.

Podes acceder ás adegas e coñecer de primeira man os viños facendo click sobre o nome de cada adega.

Con todo iso dáse por pechada unha nova edición da Feira do viño de Valdeorras que segue demostrando o crecemento, aceptación e prestixio que teñen os viños desta D.O. no panorama vinícola internacional.

Talvez poda interesarche

Amplía información de man de Mercedes González da Asociación Galega de Sumilleres
 

Coñece as adegas que conforman a D.O. Valdeorras

Preto de 50 viños compiten na XII Cata da Feira do viño de Valdeorras

Fonte inf. María Cobas / La Voz

Vinte adegas compiten por lograr algún dos premios da Feira do viño de Valdeorras, cuia valoración comezou onte coa precata e continuou durante toda a mañá de hoxe.

Será de noite, no transcurso dunha cea que se celebra no recinto feiral do Aguillón rués, onde mañá e o domingo será a exhibición vitícola, cando se coñeza o nome dos tres viños brancos, de entre os 22 presentados, e o tres tintos, de entre os 26 que van a concurso, que lograrán facerse cun dos galardóns, que conta con recoñecemento oficial por parte do Ministerio de Medio Rural.

Enólogos da zona, membros da Asociación Galega de Sumilleres e até unha especialista norteamericana participan na valoración dos caldos. A precata de onte serviu para descartar marcas até quedar cun mínimo de 6 e un máximo de 10, por categoría. Ademais, haberá unha mención especial á colleita dunha adega.

Para poder participar nos premios é preciso que as adegas estean na feira que mañá  comeza e que, dos viños que leven a concurso, teñan 1.000 litros en reserva e 500 botellas listas para vender.

Este acto serve de punto de partida para unha feira que abrirá  as súas portas ao público mañá 13 de agosto ás 12:00 da mañá, e que contará coa presenza de 23 das adegas máis destacadas adscritas a D.O. Valdeorras.

Coñece, unha a unha, todas as adegas participantes na XIV Feira do viño de Valdeorras

Accede ao programa da Feira do viño de Valdeorras

Talvez poda interesarche

Coñece a D.O. Valdeorras

Coñece, unha a unha, todas as adegas que participarán na XIV Feira do viño de Valdeorras

Clicka sobre a imaxe para ampliar 

Coñece, unha a unha, todas as adegas que participarán con Caseta propia na Feira do Viño de Valdeorras  e que concorrerán na XII cata de Valdeorras.

Con motivo da XIV Feira do viño de Valdeorras, que se celebrará os próximos 13 e 14 de Agosto, dende A nai do viño presentámosche todas as adegas que participarán con Stand propio na feira e que poderán ser visitadas polos asistentes ao acto.

A través deste post poderás acceder ao portal Web de cada unha das adegas participantes na XIV edición da Feira do viño de Valdeorras,  tendo a oportunidade de coñecer de primeira man os seus produtos, información, tenda online, ofertas de etnoturismo, así como todos os premios e calidades que encúmian  aos caldos D.O. Valdeorras como uns dos máis destacados do panorama vinícola internacional nos últimos anos.

As adegas participantes son as seguintes:

Adega Alan S.A.T (Alan de Val)

Adega O Cepado S.L.

Adega A Coroa S.A.T

Adega  Carballal S.L.

Adega Chan de Ouro S.L.

Adega da Pinguela S.L.

Adega Melillas e fillos S.L.

Adega O Casal S.A.T

Adega Cooperativa Virxe das Viñas ( A Rúa)

Adega Sampayolo S.L.

Adega Santa Marta S.A.T ( Viñaredo)

Adega Ruchel S.L.

Adega Avelina S.A.T

Adega Quinta da Peza

Adega Eladio Santalla Paradelo

Adega Virxen de Galir S.L. (Pagos de Galir)

Adega Viña Somoza S.L.

Adega Joaquín Rebolledo S.A.

Adega Coop. Jesús Nazareno

Adega Coop. Sta. Mª dos Remedios (Larouco)

Adega Roandi S.A.T

Adega German Rodriguez Salgado

Adega Guitián e Branco S.C.

+

AGACA

CRDO VALDEORRAS

CONCELLO DE A RÚA

Baixo o recoñecemento e amparo do Ministerio de Medio Rural, as adegas participantes poderán presentar dous dos seus viños para que un panel de expertos avalíeos con motivo da XII cata da feira do viño de Valdeorras. Na precata, que se celebra hoxe, seleccionaranse entre seis e dez viños por categoría (brancos e tintos), que serán catados de novo mañá na gran final. Desta cata final sairán os tres gañadores, que serán anunciados na cea oficial celebrada mañá pola noite no recinto feiral.

Coñece o programa da XIV edición da Feira do viño de Valdeorras

Talvez poda interesarche

Amplía información sobre a XII cata da XIV edición da Feira do Viño de Valdeorras

Coñece como se elaboran os caldos da D.O. Valdeorras

Programa da XIV Feira do Viño de Valdeorras.

Con motivo dos actos de celebración da XIV Feira do Viño 2011 de Valdeorras, presentamos aqueles  abertos ao público do evento que terá lugar na área recreativa do Aguillón, situada na localidade da Rúa.

Tras os éxitos de afluencia cultivados polos adegueiros particulares na pasada "Festa das Covas" de Vilamartín de Valdeorras, reflectido nunha máis que prolífica asistencia que alagou as rúas da vila valdeorresa; agora é o sector profesional quen prepara as súas mellores galas para presentar os caldos da colleita 2010 que lograron un importantísimo éxito internacional.

A XIV edición da Feira do viño de Valdeorras celébrase baixo a sombra das cualificacións de Robert Parker, que situou 34 caldos da DO Valdeorras por encima dos 90 puntos. Convertendo a esta Denominación de Orixe na segunda de Galicia en número de cualificacións cunha cantidade moito menor de adegas que a súa antecesora, Rías Baixas.

Os actos, que comezan de forma particular o xoves coa preacata da XII cata da XIV Feira do viño e que terá a súa grande final o Venres cando se encumiarán aos viños máis destacados da comarca, terán o seu punto de partida na apertura ao público o sábado a partir das 12:00 horas.

O calendario será o seguinte:

Xoves 11 de Agosto

19:00 horas: Precata  da XII cata da XIV Feira do Viño de Valdeorras

Venres 12 de Agosto

11:00 horas: Final da XII cata da XIV Feira do Viño de Valdeorras

22:00 horas: Cea Oficial da XIV Feira do Viño de Valdeorras, onde se fará entrega dos premios ás adegas gañadoras da XII cata da XIV edición da Feira do Viño de Valdeorras.

Sábado 13 de Agosto

 12:00 horas: Apertura do recinto feiral.

 12:30 horas: Inauguración da XIV Feira do viño de Valdeorras polas autoridades.

 14:00 horas: Peche do recinto feiral.

 19:00 horas: Reapertura do recinto feiral para a degustación dos viños de Valdeorras

 22:30 horas: Peche do recinto.

Domingo 16 de Agosto

 12:00 horas: Reapertura do recinto feiral para a degustación dos viños de Valdeorras.

 14:00 horas: Peche do recinto feiral.

 19:00 horas: Reapertura do recinto feiral para a degustación dos viños de Valdeorras.

 22:30 horas: Clausura da XIV edición da Feira do viño de Valdeorras.

Amplía información

Alóxache na Rúa de Valdeorras

Talvez poda interesarche

Coñece a D.O. Valdeorras

Arrinca a "Festa das Covas 2011" na súa XV edición

Todo preparado para que de comezo a XV edición da Festa das Covas.

Cunhas previsións que agura que a climatoloxía respectará aos coveiros, a localidade de Vilamartín de Valdeorras enfundase as súas mellores galas para dar comezo a unha das festas con maior repercusión de afluencía do agosto ourensán. 

Os actos, que darán comezo hoxe cunha media ruta dás covas adicada aos oriúndos do lugar que por diversos motivos non poidan asistir mañá á gran festa. Esta comporase dunha sardiñada para os maiores e atraccións e inchables que farán as delicias dos máis pequenos, e servirá de punto de partida para recibir ao gran fluxo de persoas que chegarán de todas partes de España e Portugal para degustar os caldos dos elaboradores particulares da zona.

A festa dará comezo mañá a partir das 20:30, hora a partir da cal se entregarán as cuncas, os panos e un plano das covas, que polo módico prezo de 10 euros, permitirá degustar os diferentes caldos e petiscos ofrecidos polas  máis de 50 adegas particulares participantes.

Desta forma dá comezo a semana máis importante do viño na comarca valdeorresa, que terá o seu colofón final e punto forte o próximo fin de semana coa Feira do Viño que se celebrará na Rúa.

A semana estará marcada por diferentes actos privados, entre os que resalta o concurso realizado polo Consello Regulador DO Valdeorras e secundado polo ministerio para seleccionar o mellor caldo entre as adegas participantes. A este respecto, realizarase unha precata o xoves 11 que seleccionará os viños que participarán na gran final do día seguinte.

Se queres gozar dunha semana máxica, nun lugar de incomparable beleza e rodeado duns dos caldos máis apreciados no panorama internacional, vente a pasar esta semana  a Valdeorras e goza de todo o que esta terra pode ofrecerche. Poderás visitar adegas, degustar a apreciada gastronomía da comarca, facer rutas naturais e coñecer a esencia dunha terra.

Alóxache en Valdeorras

Oferta de rutas naturais 

Talvez poda interesarche

Coñece os viños da D.O. Valdeorras 

96 puntos para o monovarietal de Brancellao de adegas Alan de Val "A Costiña" 2007

A publicación vivir o viño, no seu guía 2011 outorgou unha máis que sobresaliente puntuación de 96 ao monovarietal de Brancellao, A Costiña 2007, elaborado por adegas Alan de Val.

Este monovarietal, criado en barrica de roble fránces e americano durante 8 meses e en botella durante 6, ten unha gradación de 14º e a súa produción que alcanza as 1.100 botellas pódese adquirir polo módico prezo de entre 30 e 40 euros a botella.

As súas notas de cata son as seguintes: Intensidade alta e complexa. Destacan os aromas de froita vermella e negra. Notas de pementa e cravo sobre un fondo de finos coiros, xara e  tomiño. En boca é amplío, saboroso, acidez mineral e cun final complexo e persistente.

Desta forma Alán de Val cultiva un novo recoñecemento para un viño único no mundo, xa que é o único elaborado integramente coa variedade Brancellao. 

O Brancellao é unha variedade autóctona da Galicia interior, moi escasa e de moi baixo rendemento, que a filoxera estivo a piques de facer desaparecer a finais do século XIX e principios do XX; e que grazas ao traballo dos viticultores galegos estáse a lograr recuperar.

Así, o paciente traballo dos viticultores de Alán de Val segue recollendo o seu merecido premio engadindo un novo galardón aos múltiples cultivados por este viño único no mundo.

Anímate a coñecer o encomiable traballo de Alán de Val e o resto de adegas pertencentes á DO Valdeorras os próximos 13 e 14 de Agosto na Feira do viño que se celebrará na Rúa.

Visita o portal Web de adegas Alán de Val

Visita a tenda online

Segue as últimas noticias de Alán de Val en Facebook

Talvez poda interesarche

Coñece o resto de adegas da DO Valdeorras

13 e 14 de agosto cita coa Feira do viño de Valdeorras

Confírmanse as datas de celebración da XIV edición da Feira do viño de Valdeorras os próximos 13 e 14 de agosto.

Un ano máis a ribeira do Sil, no area recreativa do Aguillón situada na localidade da Rúa; acollerá unha nova edición da Feira do viño de Valdeorras.

Despois da prolífica acollida recibida tanto a nivel nacional como internacional polos viños pertencentes á DO Valdeorras, chega o momento de presentar as excelencias destes caldos dentro da súa máis pura esencia transmitida pola súa terra.

Así, a localidade da Rúa vestirase de festa os próximos días 13 e 14 de Agosto para acoller a flor e nata das adegas valdeorresas que presentarán as súas excelencias na festa do viño máis profesional da comarca de Valdeorras. E que mellor lugar para realizar tal celebración que nun marco de incomparable beleza situado ás beiras do río Sil, fonte de vida que enriquece esta terra.

Se desde Estados Unidos a Rusia, atravesando Europa e sentado sólidas bases no continente asiático, xa se renderon ás excelencias destes caldos, vaste  perder o poder degustalos en primeira persoa? 

Dende a comarca valdeorresa ofrécese unha nutrida oferta etnoturística para que todos os amantes do viño podan gozar destes caldos como máxima expresión e reflexo dunha terra.

Completa a túa oferta etnoturística

Alóxache en Valdeorras

Coñece a repercusión internacional dos viños DO Valdeorras

Coñece Valdeorras

Vilamartín prepárase para a Festa dás Covas 2011

O vindeiro sábado 6 de agosto a localidade valdeorresa de Vilamartín acollerá unha nova edición da Festa dás Covas.

Unha das festas por antonomasía da cultura gastronómica e vinícola ourensá celebrarase o vindeiro sábado 6 de Agosto na comarca valdeorresa de Vilamartín. Desde as 20.30 da tarde todos os asistentes a esta popular romaría poderán gozar dos diferentes caldos elaborados polos adegueiros particulares acompañados por diferentes petiscos típicos da gastronomía da zona.

Nun marco de incomparable beleza, preto de 50 covas abrirán as súas portas un ano máis para acoller a todos aqueles visitantes que polo símbolico prezo de 10 euros, desexen participar nunha das festas de máis soleira do panorama galego.

Amenizada por diferentes bandas de música popular da comarca, os asistentes realizarán un interesante percorrido por preto de 50 covas escavadas na roca. A ruta  finalizará  pasada a media noite na Rodeleira, onde se degustará a tradicional queimada baixo as notas musicais do grupo Os Brothers. 

Se desexas gozar da gastronomía característica desta terra non podes perderte A Festa dás Covas 2011.

Coñece a gastronomía de Valdeorras

Talvez poda interesarche

Coñece a D.O. Valdeorras