Elena Espinosa e Samuel Juárez padriños da XIII edición da Feira do viño de Valdeorras

A ministra de Medio Ambiente e o conselleiro de Medio Rural, respectivamente, compartirán protagonismo nos actos que se celebrarán no Aguillón en a Rúa.

As 22 adegas participantes abrirán as súas casetas en horario de 12.00 a 14.30 e de 19.00 a 22.30 do sábado; e atoparanse acompañadas por postos nos que se poderá degustar dende carne ó caldeiro até polbo a Feira. Ademais, a velada completarase a partir das 23.00 coa actuación do grupo de Os Tres Tenores de Colombia que ofrecen unha homenaxe os seus homónimos: José Carreiras, Luciano Pavarotti e Plácido Domingo.

Coñece o programa completo da feira do viño premendo aquí

Esta noite coñeceranse os mellores viños de Valdeorras

Fot: LOLITA VÁZQUEZ

Onte comezaron as catas, que se resolverán esta noite co veredicto que premiará aos mellores viños dun total de 53 caldos participantes.

25 brancos e 28 tintos preséntanse a concurso en representación de 22 adegas das 45 amparadas no D. O. de Valdeorras. Este ano, o panel de cata estará formado por integrantes da asociación galega de sumelliers, a asociación galega de catadores, o comité de cata e integrantes de prensa especializada. Os resultados coñeceranse esta noite durante a celebración dunha cea en O Pazo do Castro (O Barco), á que confirmou a súa asistencia o consellerio de Medio Rural, Samuel Juárez.

Para ampliar información presione aquí.