Alan de Val ten
o pracer de presentarlles o programa do proxecto de Adega Escola para a
formación Teórico-práctica de Viticultura, Enoloxía, Cata e Comercialización de
Viños.
A Adega Escola Alan
de Val presenta unha innovadora e eficaz acción formativa para a aprendizaxe
real da viticultura e a enoloxía dentro do marco teórico- práctico da adega, os
seus viñedos e os seus viños.
As claves que
ofrece Alan de Val para unha exitosa formación residen na experiencia persoal
do alumno a través da posta en práctica dos coñecementos adquiridos, e supón
unha estratexia revolucionaria na formación tanto profesional como educativa
para a comprensión de todos os procesos da vide e o viño.
O Programa
Formativo" Experience " en Viticultura, Enoloxía e Cata de Viños vai
dirixido aos seguintes colectivos:
· Emprendedores na
área agro/rural que queiran adquirir os coñecementos necesarios para crear e
desenvolverse nunha nova actividade vitivinícola, xa sexa explotación dun
viñedo ou posta en marcha dunha adega familiar.
· Alumnos que acabaron os seus estudos de enoloxía e desexen
realizar as prácticas correspondentes á súa formación así como adquirir as
claves de éxito para unha viticultura e enoloxía eficaz e razoada.
· Calquera persoa que desexe experimentar o mundo da vide e
o viño en todas as súas fases produtivas, resultando unha vivencia inesquecible
á vez que didáctica e de gran coñecemento cultural e rigoroso.
O programa "Experience" terá unha duración de 2 meses,
dando comezo o 17 de setembro ( coincidindo coa data de inicio de vendimas na
D.O. Valdeorras ) e finalizará o 16 de Novembro.
As horas lectivas
totais son de 384 horas repartidas en 160 horas de teoría e 224 horas de
prácticas en horario de luns a venres.
O curso inclúe a estancia e hospedaxe dos días lectivos, a
pensión completa alimenticia correspondente, todo o material formativo e
didáctico (cadernos, manuais, libros e demais elementos necesarios), o
equipamento de protección individual (EPI) así como o vestiario de adega e viña
e a totalidade das clases do programa formativo que se impartirán na viña,
adega, laboratorio de análise e na aula de cata e o seu prezo total é de
2900 euros.
O prazo para
a inscrición e
matriculación comeza o día 20 de Agosto e finaliza o 14
de Setembro. A preinscrición poderá realizarse a través de mail ou mediante
solicitude adxunta debidamente cuberta e
acompañada de fotocopia do
DNI. O pago
da matrícula poderá efectuarse
a través de ingreso bancario ou
en efectivo.
Folleto Bodega Escuela
Entradas
