Coñece o programa da XVI Feira do viño DO Valdeorras

Música, humor, gastronomía, exposicións e - sobre todo- grandes viños serán os alicientes da XVI Feira do viño de Valdeorras que, ademais, contará coa emisión do programa líder das mañáns da fin de semana en Radio Nacional de España "No es un día cualquiera". 

"No es un día cualquiera", programa de Radio Nacional de España presentado por Pepa Fernández, elixiu a feira do viño de Valdeorras para pechar a súa tempada de emisión e complementar, desta maneira, uns actos que buscan o goce dos visitantes a través dun nutrido elenco de ofertas que terán o seu punto cúlmen na exhaltación dos viños DO Valdeorras.

Foto xentileza de Radio Nacional de España

Dende exposición de vehículos clásicos, até a participación dun dos máis reputados monologuístas da actualidade española, Rober Bodegas, pasando pola música tradicional galega e todo iso aderezado con maridaxes gastronómicas entre a máis vangardista cociña e a calidade dos viños DO Valdeorras, converterán á comarca de Valdeorras no centro neurálxico da gastronomía e a enoloxía os días 13 e 14 de Xullo. 

Para todos aqueles que desexen asistir á feira, dende a nai do viño ofrecémosvos o programa completo de actividades que marcarán o evento:  

SÁBADO 13 DE XULLO 

De 8:00 a 13:00 horas: Programa en directo de RNE "No es un día cualquiera", presentado e dirixido por Pepa Fernández. Cinema Avenida da Rúa. Entrada libre e gratuíta até completar aforamento

Ás 12:00 horas: Apertura do Recinto Feiral

De 12:00 a 12:30 horas: Banda de Gaitas Abertal de A Rúa

Ás 12:30 horas: Inauguración da XVI Feira do Viño de Valdeorras polas autoridades

Ás 13:00 horas: Actuación do humorista Rober Bodegas co seu monólogo "El umbral de la estupidez"

Ás 14:30 horas: Peche do recinto

Ás 19:00 horas: Reapertura do recinto para a degustación dos viños de Valdeorras

De 19:30 a 21:00 horas: Cociña en directo -Maridaxe culinaria con viños DO Valdeorras-

DOMINGO 14 DE XULLO

De 8:00 a 13:00 horas: Programa en directo de RNE "No es un día cualquiera", presentado e dirixido por Pepa Fernández. Cinema Avenida da Rúa. Entrada libre e gratuíta até completar aforamento

Ás 12:00 horas: Apertura do Recinto Feiral

De 12:00 a 12:30 horas: Banda de Gaitas da Deputación de Ourense 

13:00 a 14:30 horas: Cociña en directo -Maridaxes culinarias con viños DO Valdeorras-

14:30 horas: Clásicos A Rúa - Desfile de coches antigos pola Feira -

14:30 horas: Peche do recinto

19:00 horas: Reapertura do recinto para a degustación dos viños DO Valdeorras

Entrega de premios ás adegas gañadoras da XIV Cata da XVI Feira do Viño de Valdeorras

19:00 a 21:00 horas: Cociña en directo - Maridaxes culinarias cos viños DO Valdeorras -

22:30 horas: Clausura da XVI Feira do Viño de Valdeorras

Fai click sobre imaxe para ampliar

Descarga o programa completo en PDF

Adiantando a participación do irmandado Concello de Almendralejo un ano máis na Feira, nos próximos días irémosvos dando cumprida conta de cada un dos actos, do mesmo xeito que dos seus participantes, a través deste blog e desde as Redes Sociais de A nai do viño. 

Segue as últimas novidades da Feira do viño en Facebook

Coñece a participación do "Rei da comedia" Rober Bodegas

Amplía información sobre a participación de "No es un día cualquiera" na Feira

Coñece a DO Valdeorras

Rober Bodegas apúntase á feira do viño DO Valdeorras

O monologuista, humorista e guionista Rober Bodegas confirma a súa asistencia á Feira do viño DO Valdeorras, onde será o encargado de ofrecer unha calorosa benvida a todos os asistentes, o 13 de Xullo, a través do seu último monólogo "El umbral de la estupidez", de forma gratuíta para os asistentes.

Cuns dos viños máis de moda no panorama internacional como grandes protagonistas, o popular Rober Bodegas - afamado monologuista a nivel nacional-  únese ao programa de Radio Nacional de España "No es un día cualquiera" para complementar un evento no que, ademais do viño, a cultura e a gastronomía xogarán un papel destacado.

Con outras actividades complementarias que vos iremos desvelando ao longo dos próximos días, dende A nai do viño adiantamos a colaboración deste memorable humorista que, ademais de ser unha das figuras máis prolíficas e dinámicas do mundo da comedia en Galicia e España, declárase un namorado dos viños DO Valdeorras.

A través do seu último traballo "El umbral de la Estupidez", Rober Bodegas proporá un interesante aperitivo a modo de monólogo, que poderán gozar todos os asistentes á Feira, de forma gratuíta, o sábado 13 a partir das 13:00 horas - apto para supersticiosos - na carpa do Consello Regulador DO Valdeorras, sita no corazón da feira (Área recreativa O Aguillón, na Rúa de Valdeorras). 

Amplía información sobre Rober Bodegas e "El umbral de la estupidez"

Coñece o proxecto conxunto de Rober Bodegas Solocomedia.com

Podedes seguir todas as novidades e noticias de última hora sobre a feira neste blog, ademais de no Facebook e Twitter da nai do viño a través do o hashtag #comparte1valdeorras

Coñece o prestixio dos viños DO Valdeorras en Europa

Coñece o prestixio dos viños DO Valdeorras en Estados Unidos

Coñece o prestixio dos viños DO Valdeorras en Xapón

Coñece a DO Valdeorras

Os viños DO Valdeorras convídante a súa XVI feira do Viño os próximos 13 e 14 de Xullo

Nun destacado marco enolóxico, gastronómico e cultural celebraranse os actos correspondentes á XVI feira do viño DO Valdeorras, que este ano terá como data de celebración os próximos 13 e 14 de Xullo.

Un ano máis a comarca de Valdeorras vístese de gala para dar a benvida á súa anual feira do viño que, este ano, reforzará os seus actos cun nutrido elenco de actividades que complementarán a exaltación duns dos viños máis de moda no panorama vinícola internacional.

Showcookings, personalidades do espectáculo e a realización en directo do programa de RNE "No es un día cualquiera", presentado e dirixido por Pepa Fernández, serán algúns dos grandes alicientes que conformarán unha fin de semana festiva na comarca.

Ademais, desde a organización porase a disposición dos asistentes, transporte público e gratuíto desde O Barco de Valdeorras, para que os visitantes poidan acceder ao recinto feiral - un ano máis na área recreativa do Aguillón, A Rúa - sen necesidade  de usar transporte particular.

Con isto e ao longo dos próximos días, dende A nai do viño irémosvos dando cumprida información de cada un dos actos que centrarán a celebración da XVI edición da Feira do viño DO Valdeorras.

Agardármosvos!    

Coñece o prestixio dos viños DO Valdeorras en Europa

Coñece o prestixio dos viños DO Valdeorras en Estados Unidos

Coñece o prestixio dos viños DO Valdeorras en Xapón

Coñece a DO Valdeorras

4 medallas para o Godello DO Valdeorras nos premios Zarzillo 2013

Información cortesía de Julio Ricarte

Pingadelo Godello, Godeval, Godeval Cepas Vellas  e Bioca Godello condecorados con senllas medallas de prata nos premios Zarcillo 2013.

Os brancos de Godello DO Valdeorras conseguen 4 medallas de prata nos premios Zarcillo 2013, feito que ratifica a gran anada do Godello 2012 en Valdeorras e que sitúa a esta DO como a máis premiada entre as súas homólogas galegas.

Os Premios Zarcillo naceron no ano 1991 con motivo da culminación dos actos do ano Europeo de Turismo por iniciativa das Consellerías de Cultura e Turismo, Agricultura e Gandaría da Xunta de Castela e León, co compromiso de realizar un concurso nacional de viños co obxecto de promocionar e defender a calidade dos viños españois.

Vinte e dous anos despues, os Premios Zarcillo alcanzaron o seu XV edición nacional e a súa VII internacional. Ao longo destes anos fóronse consolidando como o certame nacional máis importante dos viños españois, coa intención de que se converte nun dos Concursos máis prestixiosos a nivel internacional.

Un complexo sistema de recepción de mostras e o rigoroso control informático de tratamento dos datos fornecidos polos xurados, é a metodoloxía utilizada para premiar aos mellores. Ao longo de toda a duración do certame, o regulamento establece que un experto delegado da O.I.V. vele polo cumprimento da normativa co apoio técnico da Estación Enológica de Castela e León. Con iso, durante catro días déronse cita os mellores catadores do mundo, os padais mellor educados do planeta, foron os encargados de ditaminar que viños son os mellores do concurso. A norma establece, que poidan participar nel todos os países produtores do mundo, segundo a definición adoptada pola Organización Internacional do Viño.

Pola súa banda, presentámosvos os viños DO Valdeorras premiados no certame:

Pingadelo Godello 2012, de Cooperativa Virxe das Viñas, posúe unha cor amarela palliza con reflexos dourados. En nariz resaltan os seus intensos aromas froiteiros e varietales. En boca é untuoso e ben constituído.

Ten a acidez adecuadamente marcada e ensamblada, moi viva e equilibrada, cun retrogusto de elegante e agradable persistencia.

A Adega Cooperativa Virxe das Viñas foi fundada no ano 1964 polos viticultores da comarca de Valdeorras pertencentes a catro concellos, Petín, Vilamartín de Valdeorras, O Bolo e A Rúa de Valdeorras que é a mais céntrica e onde se atopa situada.

Actualmente forman a Cooperativa un total de 850 socios e ten 350 hectáreas de viñedo representando aproximadamente o 45% da produción da comarca, garantindo a calidade da súa materia prima.

Os seus viñedos asíntanse en chans pizarrosos, calcáreos, graníticos terrosos e de aluvión que se estenden polas ladeiras e as ribeiras dos ríos Sil e Xares. Esta diversidade de chans unida a un microclina especial que vai desde o mediterráneo tépedo ao mediterráneo fresco dá un carácter único aos seus viños, moi diferenciados doutros caldos, e que recibiron numerosos galardóns e recoñecementos no ámbito nacional e internacional. Os seus viños están elaborados co apoio da máis moderna tecnoloxía a partir das variedades de Godello, Doa Branca e Palomino fino en brancos e Mencía, Garnacha e Gran - negro en tintos 

Amplía información sobre Cooperativa Virxe das viñas

Accede a tenda Online

Godeval 2012, de Adegas Godeval,  é un viño de cor amarela pálido con ribete aceirado. Luminoso e limpo. Nariz de boa intensidade, fresca e redonda, con presenza de variadas froitas brancas ben maduradas, marmelo, leves tons de mel, limón maduro e flor de xasmín. 

En boca é saboroso e pleno, con recordos de froita branca golosa e limpa, notas de mel, herba fresca e pel de limón. De paso franco, cremoso, amplitude media, goloso e refrescante, con final de froitas moi maduras.

Pola súa banda, Godeval Cepas Vellas 2011 procede da selección das uvas dos viñedos máis vellos da sociedade Godeval e dun proceso de vinificación en presenza das súas propias leas durante 6 meses, Todo isto, dá un carácter de untuosidade, elegancia e volume en boca. 

Cunha cor amarela verdosa con tons dourados, caracterízase nun aroma de intensidade media, limpo, envolvente, con recordos a herbas do campo, fiúncho, hierbabuena, flor de tilo e froita madura (mazá, melón e pexego).

En boca móstrase especialmente agradable, cun equilibrio de sensacións doces que achegan corpo e volume, sabores acedos que dan frescura e notas minerais de gran complexidade, achegados pola lousa do chan procedente, ofrecendo un conxunto de sensacións longas e pracenteiras.

Adega Godeval fundouse en 1986, realizando unha primeira vinificación para elaborar un único viño monovarietal a base de uva da variedade Godello.

En 1988 comezaron os traballos de restauración e acondicionamento do Mosteiro de Xagoaza, un belo conxunto medieval dos séculos XII-XIII para convertelo na Adega Godeval e nun centro cultural de primeira orde na rexión.

Desde a súa fundación até o ano 2005, a adega só elabora o viño monovarietal de Godello "Viña Godeval", actualmente denominado "Godeval Clásico".  A partir de 2005 amplía o seu traballo de elaboración a "Godeval Cepas Vellas". Do mesmo xeito, desde 1990 fanse tamén destilados procedentes do bagazo do Godello.

Coñece adegas Godeval

Accede á tenda Online

Bioca Godello 2012, de adegas María Teresa Núñez Vega, é un Viño elaborado 100 por 100 con uva Godello. De cor limón, estilo floral moi acusado, con xasmín e azahar. Bo nivel de acidez, intenso no medio padal, capas de complexidade e un final longo.

Bioca Godello foi un dos grandes embaixadores dos viños DO Valdeorras a nivel internacional, conseguindo facerse acredor de múltiples galardóns en importantes concursos de Europa e Norteamérica.

Coñece a adega María Teresa Núñez Vega

Accede á tenda Online

O Godello DO Valdeorras gran atractivo para o sector internacional en Vinisterrae

Vinis Terrae, o Salón do Viño e Licores Galegos de Calidade que se celebrou durante a pasada semana en Expourense, pechou a súa quinta edición tras dous días de intensa actividade das adegas expositoras, que mantiveron máis de 500 citas de negocio con importadores dunha quincena de países e con compradores nacionais.

Trátase da feira máis profesional de Galicia, xa que a única finalidade é facer negocio e abrir novos mercados, ademais de contar cun cociente de importadores por adega superior ao doutros eventos do sector, destacaron os organizadores.

Ante un mercado nacional no que descende o consumo de viño e prolifera cada ano o número de adegas, este salón contribuíu novamente a promover a saída ao mercado exterior das pequenas e medianas empresas galegas que mostraron a súa satisfacción pois "eventos como este, de reducido tamaño e con alto nivel de profesionalidade, facilitan o contacto directo co importador e o adegueiro e sentan as bases dunha relación comercial a curto ou medio prazo".

Vinis Terrae consolidouse como un centro de negocios para as pequenas e medianas adegas galegas. Buscando novas vías de negocio a través da internacionalización, os expositores desta edición presentaron viños elaborados con uva autóctona de calidade, moi personalizado e vinculado ao territorio no que se produce. Trátase dun sector, o do viño de calidade, que xerou en 2012 máis de 153 millóns de euros en Galicia.

Pola súa banda, os importadores destacaron a calidade do viño galego e, sobre todo, a súa personalidade.

"Galicia ten todas as vantaxes para situarse no mercado estranxeiro dentro do segmento da calidade. Hoxe en día hai viños bos e despois hai viños baratos. Galicia ten que situarse nos primeiros e competir en calidade, non en prezo, xa que as condicións de produción a pequena escala non o permiten", dixo Bruno Murciano, un dos importadores procedentes de Reino Unido, quen tamén explicou nunha conferencia que "aínda que o albariño é a variedade autóctona galega máis demandada en Reino Unido, o godello está a abrirse paso con forza".

Tamén se estreou neste salón do viño a adega Alan deVal da DO Valdeorras e o seu enólogo, Manuel Sánchez, explicou que a variedade branca godello "está a entrar moi ben en Estados Unidos onde o mercado dos brancos, centrado na variedade albariño, comeza a estar saturada e están receptivos a alternativas o que nos posibilita acceder a ese mercado".

Os tintos de Valdeorras, das variedades mencía, garnacha e brancellao, son atractivos para o Norte de Europa e Reino Unido e, segundo Sánchez, esperan poder entrar en Brasil pois "aínda que a competencia é universal, pois hai variedades estendidas por todo o mundo, as nosas son orixinais e asentadas e xa son apreciadas"

Participaron nesta edición de Vinis Terrae importadores  de Estados Unidos (que representaron a 27 estados), Reino Unido, Holanda, Brasil, Dinamarca e España, os países con maior representación. Ademais, asistiron compradores de Alemaña, Australia, Bélxica, Canadá, Francia, Suecia, México, Portugal e Perú.

Dentro do  programa de actividades desta edición resaltou a posta en marcha do Túnel do Viño, moi concorrido durante as dúas xornadas e no que os visitantes profesionais tiveron a oportunidade de coñecer as características e probar todos os caldos presentes en feira.

Autónomos de Galicia-AUGA organizou un relatorio sobre a venda de viños en Internet, e o mellor catador de España en 2008 e xefe catador do Hotel Ritz de Londres, Bruno Murciano, impartiu unha charla sobre as oportunidades das varietales galegas no mercado do Reino Unido.

A presidenta da Asociación de Catadoras de Galicia Gallaecia, Mercedes González, impartiu o curso sobre criterios de confección de cartas de viños para restaurantes, que contou coa presenza de numerosos restauradores de toda Galicia. Neste curso ensinou a crear un "Libro de Adega· abordando aspectos como o tipo de cociña e a localización xeográfica do restaurante, tendo en conta se se pertence á zona vitivinícola ou que capacidade de almacenamento ten o establecemento.

Coñece o prestixio dos viños DO Valdeorras en Europa

Coñece o prestixio dos viños DO Valdeorras en Xapón

Coñece o prestixio dos viños DO Valdeorras en Estados Unidos

Coñece a DO Valdeorras