A-DI-VIÑAS DO DÍA V

Comeza por M... Nomea unha das primeiras cepas de uva introducidas na Península Ibérica.

A-DI-VIÑAS DO DÍA IV (RESPOSTA)

En referencia á cuestión plantexada onte na sección A-DI-VIÑOS hoxe coñecemos a reposta.

O valdeorrés que plantou a primeira cepa foi Lucio Pompeyo Reburro.

A-DI-VIÑOS DO DÍA V

Cales son as formas de botella que máis utilización tiveron na industria vinícola ó longo da historia?

A-DI-VIÑOS DO DÍA IV (RESPOSTA)

En referencia á cuestión plantexada onte nas ección A-DI-VIÑOS hoxe coñecemos a reposta.
O viño branco envellece antes nas botellas claras porque o vidrio verde detén mellor as radiacións ultravioleta e violeta, deixa pasar poucas radiacións azuis e moitas amarelas, retendo moitas outras, polo que o viño queda máis protexido.

V: Curiosidades de Valdeorras

Sabías que o Camiño de Santiago tamén discorre pola comarca de Valdeorras? É o denominado Camiño de Inverno, que parte de Camiño Francés en Ponferrada e, para evitar a dura ascensión por Pedrafita (sobre todo no inverno coa neve) así como gozar dun trazado tranquilo, enlaza co Camiño da Prata en Lalín.

V: Curiosidades da botella

Sabías que os recipientes viñateiros de barro, cerámica, peltre, louza ou albastro alteraban pola súa propia decoración e impermeabilización, a propia composición do viño?

V: O universo de Valdeorras

A partir do medievo, o cultivo da vide foise impoñendo de forma dominante na paisaxe valdeorresa ata o punto de que a mediados do século XVIII, segundo datos do Catastro de Ensenada, constátasea existencia de viñas en case todos os pobos da comarca. Ademáis segundo o inventario e apeo de 1789 contabilízanse máis de 200 leiras dedicadas ó cultivo da vide.

V: O universo da botella

No 1640, o membro da Corte Británica Sir Kenelm Digby, inaugurou a primeira fábrica de botellas que utilizaba nos seus fornos carbón de hulla, e anque non foi o primeriro en utilizar esta técnica si foi o primeiro en patentala e polo tanto é a quen tradicionalemente se lle atribúe esta invención.

A estrela do día: Santuario das Ermidas

O Santuario das Ermidas é o santuario mariano máis importante de toda a bisbarra. Antigo seminario, é un conxunto monumental e arquitectónico de grande relevancia. Foi declarado Ben de Interese Cultural (BIC) no 2006.

Localizado nunha zona privilexiada mantén as característcias intrínsecas dunha terra que dende a chegada dos romanos se dedica o cultivo das vides. É por iso que as súas columnas posúen racimos de uvas.