PROGRAMA DA XIII FEIRA DO VIÑO DE VALDEORRAS

XOVES 12 DE AGOSTO

ÁS 19:00 HORAS : Precata da XI Cata da XIII Feira do Viño de Valdeorras

VENRES 13 DE AGOSTO

Ás 11:00 horas Final da XI Cata da XIII Feira do Viño de Valdeorras

Ás 22:00 horas Cea Oficial da XIII Feira do Viño de Valdeorras, na que se fará entrega dos premios ás adegas gañadoras da XI Cata da XIII Feira do Viño de Valdeorras

SÁBADO 14 DE AGOSTO

Ás 12:00 horas Apertura do Recinto Feiral

Ás 12:30 horas Inauguración da XIII Feira do Viño de Valdeorras polas autoridades

Ás 14:00 horas peche do recinto

Ás 19:00 horas Reapertura do Recinto para a degustación dos Viños de Valdeorras

Ás 22:30 horas Peche do Recinto

DOMINGO 16 DE AGOSTO

Ás 12:00 horas Apertura do Recinto Feiral

Ás 12:30 horas Inauguración da XIII Feira do Viño de Valdeorras polas autoridades

Ás 14:00 horas peche do recinto

Ás 19:00 horas Reapertura do Recinto para a degustación dos Viños de Valdeorras

Ás 22:30 horas Clausura da XIII Edición da Feira dos Viños de Valdeorras

NOTA: GRATUITAMENTE IMPARTIRANSE NO STAND DO CONSELLO REGULADOR CURSOS DE INICIACIÓN Á CATA. OS INTERESADOS DEBERÁN INSCRIBIRSE NA TAQUILLA DO RECINTO FEIRAL (AFORO: 12 PERSOAS)

Medio Rural protexe o viño de calidade fronte os caldos xenéricos

As adegas que elaboren viños de mesa á marxe dunha denominación de orixe (D.O.) ou identificación xeográfica protexida (IGP) deberán solicitar unha autorización á Xunta para incluír no seu envase referencias ao uso de variedades autóctonas de uva.

A exclusión de toda indicación sobre as variedades autóctonas na etiquetaxe de viños sen denominación de orixe protexida nin indicación xeográfica baséase en "criterios obxectivos e non discriminatorios"cos que, "velando pola competencia leal", trátase de que tanto a produción como a comercialización do viño se axústen ó máximo aos criterios europeos, segundo nos comunica o secretario de Medio Rural Samuel Juárez

Pagos de Galir será Pioneira na elaboración de Reservas dentro do D.O. de Valdeorras

A recente modificación do regulamento por parte do Consello Regulador, abriu as portas á produción deste tipo de caldos que eran unha das aspiracións da adega barquesa desde que foi creada en 2002.

Pagos de Galir, que xa fora pioneira na elaboración e comercialización de Crianzas no ano 2002, cunha comercialización de 18.000 botellas, deberá esperar até o próximo 4 de agosto polo si definitivo. A proposta que se debaterá na xunta do Consello Regulador é a que se inclúe no seu sexto punto: a solicitude de cualificación de viños de reserva para as anadas do 2003 e do 2006 dos viños de mencía que elabora Pagos de Galir.

Amplía información aquí.

O presidente do C.R. D.O do Bierzo solicitou á ministra Espinosa que avale un plan Interreg para os D.O da Ribeira do Sil

"Pedinlle que na súa calidade de galega se convertése na promotora da consecución dun programa Interreg ao redor das denominacións de orixe da ribeira do Sil" explicou o presidente Jaime Arias.

De levarse acabo involucraríase ao Bierzo, Valdeorras, Ribeiro, Ribeira Sacra e Monterrei na consecución dun plan de acción comunitaria que procuraría fondos europeos para a promoción dos viños de calidade que comparten a conca galaico-leonesa.

A adega Valdesil inicia a súa expansión no Bierzo

A ministra de Medio Ambiente e Medio Rural e Mariño, Elena Espinosa inaugurou onte, na localidade de Cacabelos (o Bierzo), as instalacións adquiridas por adegas Valdesil que antes pertencían a "Losada Viños de Leira".

A adega Valdesil, dirixida por Guillermo Prada, é unha das maiores elaboradoras da Denominación de Orixe de Valdeorras, cunha produción que supera as 200.000 botellas, destinado a metade á exportación.

Visita a web de Valdesil premendo aquí.

Vilamartín de Valdeorras prepara “A Ruta das Covas”

O próximo 7 de agosto, terá lugar en Vilamartín de Valdeorras a XIV edición de "A Ruta dás Covas", onde todos os que desexen participar terán a oportunidade de probar os excelentes viños que nos ofrece esta zona.

Os asistentes poderán gozar, a partir das 17.00 horas do sabado, da degustación dos marabillosos caldos da zona en preto de cincuenta antigas adegas conservadas nas covas de Valdeorras. Os viños acompañaranse de deliciosos e diversos petiscos para completar desta forma unha nutrida oferta gastronómica polas delicias de valdeorresas.

Coñece mellor os viños premendo aquí.

Adegas Sampayolo sacará ao mercado unha edición limitada de vermouth de elaboración propia

As adegas Sampayolo, situadas en Petín (Valdeorras), lanzarán ao mercado 70 botellas de edición limitada dun vermouth de elaboración propia. Cada botella lucirá un exclusivo gravado realizado por afamados artistas galegos e o seu prezo espérase que rolde os 500 euros.

Para a elaboración deste exclusivo e prezado vermouth, a adega empregou un 90% do seu tinto Sampayolo Mencía en combinación co viño godello Sampayolo, ademais de cítricos (laranxa, limón e mazá), froitos secos (noces, avellanas e améndoas) os responsables da súa elaboración utilizaron diversas herbas aromáticas de primeira calidade que dotan ao licor de gran bouquet e exclusividade no padal.

A data da súa comercialización corresponderase coa celebración da XIII Feira do Viño de Valdeorras, que terá lugar os días 14 e 15 de agosto na localidade da Rúa.

Para coñecer máis pulsa aquí.

O Godello de Valdeorras segue recibindo un merecido recoñecemento internacional

Nos últimos vinte anos, o recoñecemento internacional do Godello de Valderorras non deixou de medrar. Son moitos os entendidos que enxalzan a súa finura e o seu delicado padal, todo un merecido recoñecemento para aquelas adegas e produtores que asumiron o risco de apostar pola recuperación da uva autóctona por enriba dunha produtividade de menor calidade.

Así da man de Jamie Drummond, recoñecido Sommelier e editor da prestixiosa “Good Food Revolution”, achéganos unha interesante análise sobre a calidade do Godello de Valdeorras e a súa repercusión internacional. Como valor engadido, este Post ofrécenos unha estupenda maridaxe gastronómica da man dos Chefs Chris McDonald and Doug Penfold de Toronto´s Cave Restaurant.

Disfrutade do Post premendo aquí.

A XIII "Feira do Viño de Valdeorras" ofrece un curso gratuito de iniciación a catas

O Consello Regulador ofrecerá un curso gratuíto de catas, para quen desexe iniciarse nos segredos do viño, durante a Feira do Viño que se celebrará en a Rúa.

Todas aquelas persoas que se mostren interesadas en coñecer os segredos da cata de viños poderán aprendelos de forma gratuíta nos cursos de iniciación que o Consello Regulador levará a cabo na súa caseta da 'Feira do Viño de Valdeorras', que se desenvolverá entre o 12 e o 15 de agosto en a Rúa.

fonte: La Región ed.dix

A Cámara de comercio de Ourense propón unha aposta polo enoturismo internacional

No segundo semestre do ano o sector vinícola será a gran aposta da Cámara de Comercio de Ourense. As actividades propostas céntranse en realizar un concienzudo estudo sobre os modelos de promoción internacional do viño para aplicalos ás denominacións de orixe ourensás.

Países como Estados Unidos, Rusia, Bélxica e Ucraína servirán de campo de Estudo para os investigadores.

Fonte:La Voz de Galicia. ed.dixital

Peter de Garmo diriginte de "Pastaworks" en Portland (Oregón), enxalza o godello de Valdeorras como selo distintivo da gastronomía española

Nunha entrevista concedida a Oregónlive, Peter de Garmo mostra o lado internacional da comida española acompañándoa coa recomendación de un viño para cada prato típico.

Recoñecéndose gran coñecedor da cultura española en todos os seus aspectos, de Garmo non dubida en recomendar o godello Val de Sil Montenovo como acompañamento perfecto para algúns pratos máis significativos da tradición gastronómica española.

Se queres ler o artigo completo preme aquí.

A XIII edición da Feira do Viño de Valdeorras serve de prato forte ás festas de a Rúa

As festas da Rúa daran comezo o vindeiro venres 31 de xullo, cun cara a cara entre Elvis e Mickael Jackson. Continuará o día 6 de agosto co musical "World of Abba" e o día 15 de agosto coa actuación de "Os Tres Tenores". A iso sumásense diversas orquestras, atraccións e competicións deportivas.

Pero un dos pratos fortes porao a XIII edición da Feira do Viño de Valdeorras que, desde o xoves 12 ao domingo 15 de agosto, ofrecerá unha nutrida oferta de actividades relacionadas co viño para todos aqueles que queiran participar.

Amplia información premendo aquí.

A USC estuda o carballo galego para a crianza dos viños

Para determinar as propiedades que esta madeira lle outorga aos caldos, 900 litros da colleita do ano pasado das denominacións de orixe Ribeira Sacra e Valdeorras repousan dende hai varios meses en catro barricas elaboradas con carballo de terra.

Esta investigación está financiada pola Comisión Interministerial de Ciencia e Tecnoloxía e conta co respaldo do Consello Regulador da denominación de orixe Valdeorras.

Aínda que o viño aínda repousa nas barricas, unha adega, Algueira, e o Consello Regulador de

Valdeorras, que reúne a maior superficie de viñedos de Galicia, mostraron o seu interese por esta investigación.

Se os resultados son positivos, nun futuro inmediato os viños Mencía poderían comezar a madurarse en barricas elaboradas con carballo galego, substituíndo aos tradicionais recipientes de carballo francés ou americano, que teñen unha composición química diferente e custan uns 1.500 euros por unidade.

Fonte: ABC ed.dix

Euskadi premia a D. O. de Valdeorras con dous galardóns.

A cata da 'Irmandade de Centros Galegos en Euskadi' premiou dous viños tintos da adega ruesa "Alan".

Dous viños da adega situada na Rúa 'Alan', pertencente ao D.O. de Valdeorras foron premiados no concurso de viños tintos que organiza a 'Irmandade de Centros Galegos en Euskadi'.

O primeiro premio da 'X Cata-concurso de viños tintos galegos' levoullo 'Alan de Val-Escada' da anada do 2008. Acompañado polo mencía 'Alan de Val' do 2009, que recibiu o terceiro premio do certame.

Premios Arribe 2010

A Feira Agroalimentaria de Arribes, dentro do Salón Internacional do Viño e a súa Cultura presenta os premios arribe 2010 que terán lugar o próximo mes de agosto.

Nesta edición amplíanse o número de galardóns na categoría Arribe de Ouro debido ao éxito e calidade de pasadas tempadas.

No referente ao comité de cata, na edición deste ano distribuirase equitativamente entre xuíces españois e portugueses, facendo énfase en profesionais estreitamente relacionados aos medios de comunicación.

Para participar ou ampliar información prema aquí.

A Veiga dá inicio a "Trevenatio. I encontro de lecer, conservación e natureza"

Unha cata de viños inicia hoxe, ás 11:00 horas, o certame "Trevenatio. I encontro de lecer, conservación e natureza", que se desenvolverá até o vindeiro domingo. Os asistentes poderán degustar os caldos brancos do cinco denominacións galegas.

Este certame complementarase a partir das 20:00 coas xornadas gastronómicas "Sabores de Trevinca" que se desenvolverá en catro establecementos: "Eidos dás estrelas", "As Chairas", "Aira dá Petada" e "Hotel o Cervo".

Importadores de viño mexicanos visitan as adegas de Valdeorras

A internacionalidade dos viños da D.O. de Valdeorras maniféstase na visita dunha delegación de importadores mexicanos que permanecerán preto dunha semana en Galicia. Durante este tempo visitarán as adegas de:"Santa Marta", en Vilamartín; "A Coroa" e "Joaquín Reboredo" na Rúa.

O Barco, beleza histórica

O Barco, situado na chaira do Sil, é unha vila que conxuga en perfecta harmonía a tradición histórica coa modernidade e o desenvolvemento.

De calado histórico de importancia significativa, a beleza e riqueza destas paraxes é ben coñecida xa dende época romana;onde, estes, deixaron o seu sinal en forma de vide para comezar unha tradición milenaria selo identificador desta terra. Hoxe a vila é centro comercial e neuralxico da rexión, e nela conflúe a comodidade e o goce con paraxes naturais de monumental beleza .

Desta zona de sublime fermosura obtéñense uns viños de igual personalidade; carácter robusto pero extremadamente agradables ao padal. A historia da rexión fúndese coa tradición e a modernidade nuns caldos de finísima calidade e armoniosa sensibilidade para dar a benvida a todo aquel visitante que se achegue a fermosura desta terra.

Coñece mellor os nosos viños premendo aquí.

Exposición artística, enológica e gastronómica no "Camiño de Inverno"

Unha iniciativa cultural que conxugará pintura, escultura música e gastronomía do "Camiño de Inverno"

O complexo hostaleiro "Paladium" en Vilamartín acolle a primeira edición da mostra "Valviñart" unha exposición que nos amosa a confluencia entre a arte e a vida xurdidos do coñecido como "Camiño de Inverno". Esta mostra que aúna diversos aspectos culturais presentarase o próximo 16 de xullo, ás 20.00 horas.

Petín un pobo de Cine

A beiras do Sil e asentado na "Vía Nova" dos romanos, a historia de Petín vese estreitamente ligada a un crisol cultural que marcou o seu sinal na poboación e no territorio, dotando ao lugar dunha enorme riqueza cultural.

A bucólica beleza destas paraxes atraeu facía si as miradas de importantes directores de cinema como "Chano" Piñeiro e Ignacio Villar que plasmaron nas súas obras o espírito das xentes Petín. Tamén diversos grupos musicais como "Ovnis" ou "Luar na Lubre", souberon beber desta fonte de inspiración que é a rexión valdeorresa.

O viño desta zona é unha clara mostra da conxunción da historia co espírito das súas xentes. Mostrándose como un viño gallardo e robusto pero á vez hospitalario e suave no trato. Todo un selo de calidade identificadora que conxuga na súa xusta medida a máis antiga das tradicións coa modernidade de procesos para dotar aos caldos desta rexión dunha calidade incomparable.

Para coñecer mellor os seus viños pica aquí.

Este verán O Barco ofrece unha ampla axenda cultural para toda a familia

Dende o 15 de xullo ao 15 de setembro a vila de O Barco ofrece un nutrido número de actividades culturais e de lecer que farán as delicias de toda a familia. Teatro, música, baile, festas medievais e romarías; acompañadas polo noso viño, son unha visita obrigada para todo aquel que queira gozar da hospitalidade da nosa terra.

Podes consultar o programa en:

http://www.concellodobarco.org/fileadmin/obarco_user/o_barco_cultural/programacion_veran_2010.pdf

Retrata o Mundo do Viño en Valdeorras

Saca a túa mellor instantánea!

Abrése a convocatoria para o Concurso de fotografía e imaxe dixital: O mundo do Viño en Valdeorras.

Envía as túas fotografías a:
lamadredelvino@dovaldeorras.tv

Ata vinte fotografías podedes presentar ao certame para resultar gañadores de fantásticos premios que poderedes desfrutar coa compaña dos vosos:

- Fin de semana para dúas persoas no Hotel Palladium (O Barco de Valdeorras)
- Cea para seis persoas na Casa Galaica (O Barco de Valdeorras)
- Cea para seis persoas no Restaurante Fernando III (O Barco de Valdeorras)

Tedes de prazo ata o vindeiro 22 de setembro! Animádevos a participar!

Gallaecia e AGC acoden a Valdeorras a catar os seus viños

A Asociación de Sumillieres de Galicia Gallaecia e a AGC (Asociación Galega de Catadores) xuntaron esforzos e decidiron facer as súas catas conxuntamente nos distintos Consellos Reguladores de Galicia. O pasado martes 15 de xuño cataron no Consello Regulador de Valdeorras.

A conclusión foi unánime, unha anada excelente. Para Mercedes, a Presidenta de Gallaecia sen dúbida é o mellor ano desde que empezou a catar en Valdeorras, polo menos á vista dos viños que se presentaron a concurso. Todos foron viños sans, ben elaborados, equilibrados, estruturados, moi varietais os que teñen que selo e cunha excelente resposta á crianza os que decidiron someter o seu viño ao paso do tempo. Se volvesen pasar o romanos camiño do Arde Lucus en Lugo sen dúbida volverían facer unha longa parada para tomarse uns viños.

Valdeorras sumaráse ao proxecto interfronteirizo de Rutas do Viño

Os responsábeis municipais dos concellos integrados na Asociación Ruta do Viño de Valdeorras reuníronse onte cos técnicos de Agader para recibir información sobre a nova xestión conxunta que terá esta iniciativa dentro do proxecto transfronteirizo que aglutina a cinco rutas galegas e unha portuguesa e que conta con financiamento europeo.

A asociación para promover a Ruta do Viño de Valdeorras creouse hai un ano con 12 membros entre adegas e os concellos de O Barco, Petín e A Rúa. Na actualidade hai outros 16 candidatos esperando á súa inclusión: unha ducia de adegas, tres establecementos hostaleiros e o Concello de Rubiá. Aínda que durante algúns meses o proxecto apenas avanzou, a pasada primavera volveu a impulsarse e xa se están iniciando os traballos de sinalización.