A prestixiosa adega ruesa Alán de Val ofrecerá o próximo 11 de Maio, polo módico prezo de 30 euros, unha orixinal oferta enoturística baseada na Gastrosexología.
A cita dará comezo o vindeiro venres 11 de Maio ás 18:00 horas da tarde, coa chegada dos asistentes que desexen gozar do acto a adega Alán de Val.
Tras unha visita polas instalacións, ás 19:00 horas baixarase á cova onde se presentará un convite integrado por diferentes pratos típicos da rexión. Todo iso acompañado pola gran variedade de prestixiosos caldos que produce esta adega adscrita á DO Valdeorras.
Unha vez que os integrantes gozasen destas delicias gastronómicas, ás 20:30 horas e na propia adega dará comezo o relatorio degustación de doces típicos da zona de orientación gastro-sexológica; aderezado, todo iso, coa ampla gama de licores que tamén produce Alán de Val e baixo a batuta da sexóloga Mónica Novas.
Como plus engadido, no acto participará o bicampión galego de bármans, Óscar de Toro, quen porá ao servizo dos asistentes a súa pericia e saber coas variadas bebidas que se poderán gozar nun acto que, a recado, será de grato e intenso recordo para os participantes.
Jorge Mazaira, máximo responsable técnico do Consello Regulador Denominación de Orixe Valdeorras, presentou no día de onte nos supermercados Makro da Coruña as excelencias dos viños DO Valdeorras.
Nun acto enfocado a hostaleiros e restauradores da zona, a presenza de Jorge Mazaira levantou gran expectación entre os asistentes que puideron gozar duns dos viños máis de moda no panorama vinícola internacional.
Os alí presentes valoraron moi positivamente a magnífica evolución dos brancos elaborados coa variedade autóctona de Valdeorras, a Godello, destacando a gran calidade dos mesmos e o excelente envellecemento que os caracteriza.
Tamén se presentaron os tintos de nova tendencia que se están elaborando en Valdeorras mediante crianza en barrica e coas novas variedades amparadas polo Consello Regulador, recibindo unha excelente crítica por parte dos gratamente sorprendidos concorrentes.
O próximo 26 de Maio, as adegas DO Valdeorras incluídas na Ruta do Viño realizarán unha xornada de portas abertas co fin de compartir as súas excelencias co gran público.
Do mesmo xeito que o resto de adegas das diferentes DO galegas adscritas á iniciativa de que se ampara baixo o nome de "a ruta do viño", as adegas DO Valdeorras realizarán unha xornada de portas abertas nas que o público en xeral poderá valorar a excelencia dos seus apreciados viños, ofrecendo á maiores, entrada gratuíta para coñecer as súas instalacións e todo isto amenizado por diferentes actos culturais e ofertas gastronómicas.
Por medio desta iniciativa preténdese achegar ao público adxacente a excelencia duns dos viños máis de moda no panorama internacional, fomentando a variada oferta turística e enolóxica desta rexión.
Despois de catro anos de investigación e con bos resultados nas catas previas realizadas, preséntanse novos avances no proxecto que están a realizar conxuntamente o Consello Regulador DO Valdeorras e o Campus de Ourense da Universidade de Vigo para a obtención e recuperación do viño tostado de Valdeorras.
Un total de doce catadores comprobaron onte os logros do traballo dos investigadores no marco do proxecto de optimización do aroma e da cor nos procesos de obtención do viño tostado a partir de uva garnacha tintorera.
A experiencia, que se desenvolve na adega experimental do Consello Regulador e que se consistiu na cata dun viño licor, un viño seco e un tostado, completouse coa comparativa entre estes viños e outros de similares características de diversas rexións do planeta (Portugal, Austria, Hungría e Sudáfrica) a fin de cotexar e valorar as calidades organolépticas dos mesmos.
A sesión estivo enfoca a un Panel de Cata de viños Tostado con importante representación das adegas adscritas ao selo de calidade DO Valdeorras; xa que, segundo informan os responsables do proxecto: "agora é o momento de que os viticultores de Valdeorras coñezan as características destes viños e da súa realización, animándose a producilos para o mercado".
Desta forma preténdese recuperar un produto de tradición internacional centenaria, tal e como demostra o galardón outorgado a estes viños por parte dos responsables da Exposición Universal de París do ano 1900.
Con motivo da presentación realizada polo Consello Regulador DO Valdeorras no Hotel SH Palace da cidade do Turia, o pasado 12 de Abril e na que se rexistrou un record de afluencia, os viños de 18 adegas adscritas ao selo de calidade DO Valdeorras volvéronse a facer acredores dos máis altos cualificativos outorgados por parte do sector especializado da capital levantina.
Aproveitando o tirón internacional que os viños desta DO galega teñen no estranxeiro, feito que se materializou nun incremento de importación do 93% en 2011, o Consello Regulador DO Valdeorras mostrou o seu firme compromiso co público nacional, en compañía dun elevado número de adegas da comarca e sendo Valencia a cidade elixida para mostrar a excelencia dos seus caldos.
Tomando a testemuña de Barcelona e Madrid en España e de grandes urbes como Dallas, Zúric ou New York alén das nosas fronteiras, unha vez máis, tanto promotores e participantes, como visitantes e invitados coincidiron en denominar o acto de presentación como un auténtico éxito.
Este feito reflíctese nas manifestacións compartidas por parte do organismo regulador, en boca do seu responsable técnico, Jorge Mazaira, que nos ofrecen as seguintes declaracións: - Quedamos entusiasmados coa expectación a modo de afluencia que espertou o acto, ademais da amplísima cobertura mediática que se outorgou ao mesmo. Á súa vez, a participación de importantes grupos técnicos da Comunidade Valenciana han acompañado o acto con cualificativos como "moi notable" e "excelente", reforzadondo a imaxe da DO no levante penínsular -.
Pola súa banda, e reafirmando as declaracións de Jorge Mazaira, desde o colectivo da Asociación de Catadoras da Comunidade Valenciana (FASCV) trasládannos as seguintes valoracións: - A calidade dos viños é sorprendente e excelente. Os godellos maridan á perfección coa nosa gastronomía e os mencías, garnachas e sousones resultan moi interesantes e un complemento perfecto para aqueles pratos máis intensos- . Declaracións que se traduciron na invitación formal por parte dos Catadores Valencianos á DO Valdeorras de participar nunha das feiras vinícolas máis importantes da Comunidade Valenciana: "A Gran Feira do Viño de Gandía 2012"
A valoración do acto por parte do sector dos adegueiros participantes chéganos da man de Marta Sertaje, directora comercial de Adega A Coroa. A Coroa é unha das adegas con máis galardóns internacionais pola súa colleita 2010, que presentou en rigorosa exclusiva en Valencia a súa nova colleita 2011. Estas son as declaracións de Marta: - A presentación tivo moito éxito. Eu non esperaba tanta afluencia de xente, pero unha vez que deu comezo, e non moi tarde, xa que só houbo que esperar unha hora para que a sala estivese. O público tivo a oportunidade de probar os caldos que facemos en Valdeorras e marabillouse pola calidade dos mesmos. Eu, no meu caso, levei a nova anada 2011, embotellada desde hai só 15 días e a pesar da súa mocidade, apunta maneiras e á xente encantoulle tanto A Coroa 2011 como A Coroa Lias 2010. O público foi moi profesional no sentido de que case todos viñan catar e degustar os viños, sendo a maioría, propietarios de restaurantes e persoal que traballa neles - .
Unha vez finalizado o acto, o Consello Regulador DO Valdeorras e un gran número de adegas xa se puxeron en marcha para trasladar as súas excelencias ao próximo acto promocional que se celebrará en Londres do 22 ao 25 de maio.
O Hotel SH Palace da capital levantina é o lugar escollido para os actos de presentación da nova colleita 2011 por parte da flor e nata das adegas adscritas á DO Valdeorras.
Tras os excepcionais éxitos cultivados nos últimos anos dentro do sector vinícola internacional, e baixo o selo do Consello Regulador desta Denominación de Orixe, un nutrido grupo de adegas valdeorresas presentarán a excelencia dos seus caldos o vindeiro xoves 12 de Abril, a partir das 17:00 horas, no Hotel SH Palace de Valencia.
As seguintes adegas serán as encargadas de facer patente a revolución enolóxica do Século XXI amparada polo selo de calidade DO Valdeorras:
Como proposta de sobremesa para esta semana Santa, Yayo Daporta, prolífico Cheff do grupo de vangarda culinaria de Galicia "Nove", ofrécenos esta paradigma da cociña tradicional galega cun delicado toque innovador e vangardista.
Yayo Daporta é unha das máis destacas e emerxentes figuras da nova cociña de Vangarda en España e, dende logo, en Galicia. O seu lema resúmese nun enfoque da cociña galega actualizado, complementado con chiscadelas do mellor doutras zonas. Él preséntase da seguinte maneira:
"Estudei cociña sen ningunha convicción e a verdadeira vocación chegoume cando coñecín a cociña de Casa Solla, foi o meu primeiro traballo e tamén o que espertou a miña curiosidade pola cociña de vangarda. Iso levoume a outros restaurantes de España. E hoxe baseo a miña cociña no bo gusto e o sentido común, non pretendo ser creativo e manteño a miña cociña dacabalo entre o tradicional e as vangardas"
O seu chalé-restaurante, situado no Cambados antigo, caracterízase na súa planta, e tras a pedra, polo deseño nobremente funcional. Avisa, e non defrauda, de que estamos ante un estilo moderno que aplica os coñecementos do novo século a uns produtos de sempre, proporcionados pola lonxa inmediata, a depuradora de mariscos familiar, ou pola horta e cabana do fértil val do Salnés.
De novo o sector internacional volve premiar o traballo realizado polas adegas valdeorresas; sendo, unha vez máis, a Adega A Coroa galardoada cunha medalla de prata no CONCURSO INTERNACIONAL DE VIÑOS DE LYON 2012.
Gran comezo de ano para os viños da DO Valdeorras que seguen sumando numerosos recoñecementos internacionais. Esta vez o galardón chega de Francia, sendo o CONCURSO INTERNACIONAL DE VIÑOS DE LYON 2012 o encargado de incluír entre o seu palmarés á colleita 2011 do branco xove de A Coroa.
Desta forma, a adega ruesa suma un novo recoñecemento ás súas vitrinas en 2012; dotado este de notoria importancia ao destacar a variedade godello entre un preponderante número de viños franceses.
Entradas
