Datos oficiais da Vendima 2011 en Valdeorras

Art: La Región

 As adegas da Denominación de Orixe Valdeorras pecharon as súas portas á entrada de uva o pasado domingo. Até ese momento, o Consello Regulador de Valdeorras rexistrou 7.627.358 quilos de uva. Á espera da confirmación definitiva, hai que retroceder até 2006 para atopar unha colleita maior, de 7.710.859 quilos.

Os rexistros do Consello tamén permiten observar fortes aumentos das producións das variedades preferentes e, en particular, das uvas de godello (2.731.594 quilos) e mencía (2.178.777). A favorable climatoloxía tamén repercutiu nas colleitas de jerez (967.090) e alicante (1.725.125), repartíndose os 24.772 quilos restantes entre o merenzao, alvarello, sousón, doa branca e tempranillo.

As condicións meteorolóxicas foron determinantes no aumento dun 75 % da produción da última vendima respecto dos 4.355.084 quilos da anterior. 'A vendima foi longa porque o tempo acompañou. Non houbo os problemas doutros anos, cando houbo que darse presa ó meter as uvas porque podían podrecer', dixo José Luís García Pando, presidente do Consello Regulador.

As producións da última vendima resaltan o avance das variedades preferentes, fundamentalmente mencía e godello, respecto de jerez e alicante. No ano 2000, antes de que comezase o programa de reestruturación do viñedo, a vendima pechouse coas seguintes producións: godello (1.690.091 quilos), mencía (997.012), jerez (1.760.204) e alicante (2.865.614). As subvencións, que nalgúns casos superaron o 80 % dos custos de arrincar as vellas cepas e da súa substitución por outras variedades, favoreceu este cambio, segundo José Luís García.

Estes datos foron facilitados polo Consello Regulador aos compañeiros do diario La Región, e así se recollen textualmente na súa edición Online.

Accede ao artigo orixinal

Amplía información sobre a vendima en Valdeorras

Talvez poda interesarche

Coñece a D.O. Valdeorras

A D.O. Valdeorras, cunha colleita de calidade excelente, incrementará a súa produción nun 63% con respecto á pasada campaña

A poucas semanas para a finalización da vendima, na D.O. Valdeorras as previsións de recollida da uva achéganse aos 7 millóns de quilogramos; un incremento do 63% con respecto á anterior campaña, que ven acompañado por unha calidade excelente da uva.

Os mellores presaxios seguen cumpríndose para o viño de calidade da D.O. Valdeorras que, cunha produción amplía en cantidade e excelente en calidade, asenta os alicerces dunha colleita histórica que a recado dará moito e moi bo de falar nas contornas máis esixentes do sector vinícola internacional.

Se os factores climatolóxicos puxeron todo ao seu favor para acadar estes logros, agora é a quenda dos adegueiros e elaboradores de ofrecer o seu toque de sapiencia e bo facer á hora de elaborar uns excelentes caldos.

Os diferentes terruños que se enmarcan dentro desta denominación de orixe únense ás preferencias dos diferentes adegueiros á hora de realizar a recollida, xa sexa con máis ou menos graos ou maior ou menor maduración, para ofrecer un toque diferencial a uns caldos de altísima calidade pero no que  cada un é único e inconfundible na súa esencia.

A pesar de todo, o lado menos positivo chéganos da man dos viticultores que, cunha produción tan elevada, víronse obrigados a baixar o prezo da uva. Palomino e Alicante son as grandes damnificadas nesta dinámica económico-produtiva, sendo relegadas a un moi macado segundo plano pola calidade da historicamente autóctona Godello e  prestixosa Mencía. 

ixo
Amplía información
 

Talvez poda interesarche
 

Coñece o proceso de vinificación dos brancos de Valdeorras
 

Coñece o proceso de vinificación dos tintos de Valdeorras
 

Coñece a D.O. Valdeorras