A Asociación Galega de Sumilleres presenta os mellores viños en: "A emoción dos viños"

Fonte: vinogallego

O vindeiro sábado Tui acollerá un acto dirixido pola Asociación Galega de Sumilleres, baixo o título "A emoción dos viños", e por medio do cal pretende enxalzar as calidades do viño galego encumbrándoo como un dos mellores viños do mundo.

Aproveitando unha contorna tan especial como o Claustro da Catedral de Tui, o vindeiro sábado, a Asociación Galega de Sumilleres (Agasu) dará a coñecer 'A emoción dos viños' un certame que mostra "os viños que emocionan, viños que van máis aló, elaboracións especiais dun grupo de viticultores, enólogos, adegueiros, que representan coas súas creacións vitivinícolas os mil matices da viticultura galega", explica o colectivo.

Estas elaboracións, segun afirma a asociación Agasu, "devolven a Galicia ao lugar onde lle corresponde neste universo do viño, que non é outro que o dos viños de máis calidade de Europa e polo tanto do mundo".
 

"Aqueles viños que deran fama a Galicia, sendo degustados nas mesas máis nobres polos padais máis esixentes do continente e cantados ademais polo rei máis sabio que houbo".

Serán vintecinco adegas de Galicia, acompañadas dunha representación do norte de Portugal e do Bierzo, por ser comarcas que comparten con Galicia unha parte da súa identidade, as que mostrarán "a emoción" dos bos viños.

O acto prolongarase entre as 16.00 e as 21.00 horas. Os socios de Agasu terán entrada libre.
 

Amplía información sobre o acto

Coñece a Asociación Galega de Sumilleres

Talvez poda interesarche

Coñece as tradicións de Valdeorras

19 viños da D.O. Valdeorras fanse co premio "Excelencia 2011"

Información cortesía de: Mercedes González e Luís Paadín

19 viños pertencentes á D.O. Valdeorras álzanse co galardón "Excelencia 2011", entregado pola Asociación Galega de catadores; mentres 20 caldos desta D.O. competirán polo galardón das "Distincións Gallaecia"

No seu afán de coñecer e divulgar os viños e augardentes galegos, a Asociación Galega de Catadores (AGC) puxo en marcha unha serie de catas para valorar os viños do cinco Denominacións de Orixe galegas así como as Denominacións Xeográficas de augardentes e licores tradicionais de Galicia.

Estas catas, sempre 'cegas' (botella tapada), son realizadas polos membros da asociación e a súa análise sensorial servirá para conceder os diplomas "Excelencia".

A Asociación Galega de Catadores (AGC) está formada por profesionais do viño que, unidos polo compromiso de aprender, compartir e difundir coñecementos sobre o viño e os destilados, buscan que a cata non sexa só hedonista e subxectiva, preténdese dentro das posibilidades, difundila algo mais técnica e obxectiva.

A cata de viños do D.O. Valdeorras tivo lugar o pasado 14 de xuño na sede do C. R. D.O. Valdeorras, Vilamartín de Valdeorras (Ourense) e catáronse un total de 66 viños.

Os Viños que se relacionan foron os que obtiveron as maiores puntuacións por tipo:

“PREMIOS EXCELENCIA VALDEORRAS 2011”

Viños Brancos

PUNTOS / MARCA / ADEGA

99 / Godeval Cepas Vellas / 2010 Godeval

98 / Godeval 2010 / Godeval

95 / Erebo 2010 / Carballal

94 / A Coroa 2010 / A Coroa

94 / Casal de Furcos 2010 / Avelina

94 / Cepado 2010 / O Cepado

94 / Viña Somoza 2009 / Viña Somoza

93 / Joaquín Rebolledo 2010 / JoaquínRebolledo

92 / D´Berna 2010 / Guitian y Blanco

92 / Santa Delfina  2010 / Roandi

92 / Valdesil Lías 2010 / Valdesil

90 / Viña Abad 2010 / Jesús Nazareno

Viños Tintos

PUNTOS / MARCA / ADEGA 

95 /Garnacha Vella Do Ramiriño / 2009 Sampayolo

95 / Quinta Da Peza Oro 2009 / Quinta da Peza

94 / Valdouro 2009 / Jesús Nazareno

94 / Viñaredo Sousón / Santa Marta

92 / Valderroa Carballo  2009 / Valdesil

90 / Erebo 2010 / Carballal

90 / Joaquín Rebolledo 2010 / Joaquín Rebolledo

 A Asociación Galega de catadores compartiu un ano máis escena coa Asociación Galega de Sumilleres, "Gallaecia", encargada de outorgar as "Distincións Gallaecia".

Hai xa 11 anos que a Asociación de Sumilleres de Galicia, Gallaecia  viu homologado o seu concurso de viños e é un dos galardóns máis consolidado no panorama nacional como Concurso Oficialmente Recoñecido polo Ministerio de Medio Ambiente ,Rural e Mariño do Goberno de España.

É á súa vez un dos concursos onde máis viños cátanse  e coa particularidade da dobre cata, en ambos os casos cata cega a botella tapada. Nunha primeira fase as catas realízanse nos CCRR das D.O. nas datas máis idóneas para as D.O. tanto pola evolución dos seus viños como  polo número de caldos xa en mercado. A ficha de cata utilizada é a da O.I.V (Organización Internacional do Viño) que doutra banda é moi similar,por non dicir idéntica ,á propia de Gallaecia.

 Destas primeiras precatas nos CCRR selecciónanse os viños que irán á cata final na segunda quincena de agosto e que nesta edición será na provincia de Lugo, máis concretamente en Ribeira Sacra. Nesta cata final as mostras que se seleccionaron previamente nas precatas dos CCRR farase con mostras  de mercado(tendas especializadas , distribución,onde se asegure o bo coidade dos viños) para asegurar que os viños premiados correspóndense co que se atoparán  os consumidores.

Da D.O. Valdeorras seleccionáronse os seguintes caldos:
 

TIPO/ MARCA /ADEGA

BLANCO/10 A COROA / A COROA, S.A.T.

BLANCO/10 BIOCA / Mª TERESA NUÑEZ VEGA

BLANCO/10 D, BERNA / GUITIAN Y BLANCO, S.C.

BLANCO/10 EREBO / CARBALLAL, S.L.

BLANCO/10 GODEVAL / GODEVAL, S.A.T.

BLANCO/10 GODEVAL CEPAS VELLAS / GODEVAL, S.A.T.

BLANCO/10 LAGAR DO CIGUR / MELILLAS, S.L.

BLANCO/10 SANTA DELFINA /  ROANDI, S.A.T.

BLANCO/10 VALDESIL LIAS / VALDESIL, S.L.

BLANCO/10 VIÑA SOMOZA LIAS/ VIÑA SOMOZA, BODEGAS Y VIÑEDOS, S.L.

TINTO/09 BACALES/09 ROANDI, S.A.T.

TINTO/10 EREBO / CARBALLAL, S.L.

TINTO/09 GRANACHA VELLA DO RAMIRIÑO/ SAMPAYOLO, S.L.

TINTO/09 J. REBOLLEDO / JOAQUIN REBOLLEDO, S.A.

TINTO/10 QUINTA DA PEZA / QUINTA DA PEZA, S.L.

TINTO/09 QUINTA DA PEZA ORO/ QUINTA DA PEZA, S.L.

TINTO/10 SAMPAYOLO / SAMPAYOLO, S.L.

TINTO/08 VALDERROA CARBALLA/ VALDESIL, S.L.

TINTO/09 VALDOURO/ COOP. JESUS NAZARENO

TINTO/ VIÑAREDO SOUSON /SANTA MARTA, S.A.T.

Amplía información sobre os galardóns "Excelencia 2011"

Amplía información sobre "Distinciones Gallaecia"

Tal vez poda interesarche

Coñece o ciclo do viño na D.O. Valdeorras

Nova cita dos viños da D.O. Valdeorras en Salimat 2011

Os viños da D.O. Valdeorras preparan unha nova cita con distribuidores, importadores e público en xeral na XV edición do Salón de Alimentación do Atlántico, Salimat, que se celebrará dende hoxe até o próximo día 19 de Xuño en Silleda.

O Salón de Alimentación do Atlántico chega á súa 15ª edición co obxectivo de ofrecer aos sectores da alimentación e a gastronomía un efectivo espazo  de promoción e negocio. O seu parque expositivo foi deseñado para que novidades e propostas tradicionais de calidade conformen un completo e atractivo escaparate que chamará a atención da demanda. A área de negocio do salón terá un papel protagonista, converténdoo nunha inmellorable plataforma de comercialización a través dos seus encontros internacionais e nacionais de compradores.

Internacionalización, intenso intercambio comercial e promoción da calidade e innovación serán os eixos dun salón dirixido ao sector profesional os seus dous primeiros días e ao consumidor final o fin de semana.

O mellor da nova colleita 2010, que recibiu grandes acollidas en EE.UU, Francia, Rusia e Suecia, ademais de prestixiosos halagos por parte de importantes figuras do mundo do viño a nivel internacional como é o caso de Gerry Dawnes, entre outros;  mostrará as súas excelencias  ao público de forma gratuíta os seguintes días:

Sábado 18 de xuño

12.00 h.:en maridaxe cos produtos

da D.O.

Mexillón de Galicia

Domingo, 19 de xuño

13.30 h.: xunto á presentación dá 

Lamprea do Miño 

Desta forma, os viños da D.O. Valdeorras seguen firmes na súa convicción de mostrar a inigualable calidade dos seus caldos non só ao sector profesional, senón ao que para os viticultores, adegueiros e Consello Regulador é o seu gran adaíl e o que mellor aprecia as súas excelencias sen ningún tipo de interese máis que o goce da calidade incomparable que ofrecen ano tras ano os seus caldos, e que non é outro que o público en xeral.

Coñece Salimat

Talvez poda interesarche

Coñece como se elaboran os caldos da D.O. Valdeorras

A Asociación Galega de Sumilleres "Gallaecia", valorará mañá a excelencia dos viños D.O. Valdeorras.

Catorce integrantes da Asociación Galega de Sumilleres "Gallaecia" viaxarán mañá a Valdeorras para avaliar a calidade dos viños desta denominación de orixe.

Con motivo da fase previa dos premios "Distinguidos Gallaecia", que celebrarán a súa fase final o próximo mes de Agosto en Monforte de Lemos, catorce integrantes da Asociación Galega de Sumilleres visitarán mañá día 14 a comarca de Valdeorras, para seleccionar aqueles viños amparados baixo o selo desta denominación de orixe que terán a oportunidade de competir  na fase final do concurso. A selección de cata realizarase en base ao criterio de presenza en mercado dos viños.

Os caldos que superen a valoración de 79-80, serán os que compitan na fase final de Agosto en Monforte por facerse un oco entre os "Distinguidos Gallaecia 2011"

Coñece a Asociación Galega de Sumilleres "Gallaecia"

Talvez poda interesarche

Coñece a D.O. Valdeorras

O norteamericano Gerry Dawes, reputado especialista gastronómico e do mundo do viño, realiza a súa visita anual a adegas A Coroa

O norteamericano Gerry Dawes, reputado especialista gastronómico e do mundo do viño entre, outros labores, e un dos mellores especilistas que coñece a cultura española. Realiza a súa visita anual a adegas A Coroa realizando grandes valoracións dos seus caldos.  

A grandes liñas, o neyorquino Gerry Dawes é escritor, fotógrafo e conferenciante especialista na gastronomía, os viños e a cultura de España. Viviu en Andalucía durante oito anos, leva case 40 viaxando polo país e ten unha media de sete viaxes gastronómicos anuais a España. Foi galardoado co Premio Nacional de Gastronomía "Marqués de Busianos" 2003 pola Academia Española de Gastronomía e A Confraría da Boa Mesa e é o único estranxeiro honrado co Premio Cea dos Once Viños. 

É Contributing Editor de Food Arts, Wine News, Santé e varias revistas do ICEX e publicou centenares de artigos sobre os viños, a gastronomía e viaxes de España. Presentou relatorios e presentacións en Culinary Institute of America - Napa Valley, Christie's New York, Encontro Verema (Valencia), Philadelphia Museum of Art (seis ceas durante a exposición de Dalí), International Association of Culinary Professionals (Congreso Anual), IberWine, Madrid Fusión, Fenavin, Viño a Toda Vela e presentador dos Spain's Ten (10 mellores chefs españois en New York). Foi Chairman da Cea-Poxa James Beard Fundation en 2004 que foi dedicado a España, honrou a Ferran Adrià e Juan Mari Arzak e bateu todos os records da fundación.

Gerry, declárase un namorado dos godellos de Valdeorras e o pasado mércores realizou a súa anual visita de rigor ás adegas A Coroa, onde nesta ocasión foi recibido en compañía de Emmanuel Dupuy, xerente de varias viñotecas en numerosos estados de Norteamérica.

"Gerry vén todos os anos a catar o noso viño porque é un namorado del e dos godellos en xeral" transmítenos Marta Sertaje de adegas A Coroa. "Di que temos un gran potencial en Valdeorras, e que nós co noso esmero e esforzo conseguimos manter a calidade do noso viño ano tras ano". En primeiro lugar catou A Coroa 2010 e A Coroa 2010 lías. "El prefire sempre o viño sen lías e sen madeira porque di que a variedade godello ten un gran potencial para elaborar viño en por si, sen necesidade de polo en madeira nin con lías. A pesar de todo, dixo que o noso viño sobre lías está moi ben feito e que logramos ensamblarlo moi ben" puntualiza Marta.

"Démoslle a catar tamén unha botella de 2007 e quedou moi gratamente sorprendido; aínda que xa sabe que a godello é unha variedade que evoluciona moi ben en botella. Tamén comentou que é unha pena que estes viños se consuman no ano no canto de deixalos en botella 1 ou 2 anos para empezar a consumilos" explícanos.

Desta forma faise patente o interese que suscita a calidade dos caldos valdeorreses tanto fóra como dentro das nosas fronteiras, baseándose sempre nun exquisito traballo realizado por parte dos viticultores, adegueiros e Consello Regulador amparados baixo esta denominación orixe.

Coñece adegas A Coroa

Amplía información sobre Gerry Dawes 

Talvez poda interesarche

Coñece as adegas da D.O. Valdeorras

Viños D.O. Valdeorras: de Dallas a Madrid.

A política promocional do Consello Regulador D.O. Valdeorras en prol da difusión da excelencia dos seus caldos a nivel mundial, dá os seus froitos recollendo unhas impresionantes acollidas en EE.UU. e España.

A dinámica evolutiva dos caldos valdeorreses nos últimos anos, fiel reflexo do traballo ben feito por parte de viticultores, adegueiros e consello regulador; dá os seus froitos recibindo impresionantes acollidas tanto no estranxeiro como en España.

Así, considérase de gran éxito a visita do pasado 18 de Maio ante ao cada vez máis esixente e especializado sector profesional estadounidense, gran seguidor dos viños D.O. Valdeorras, dos que non dubida en valorar a súa diferenciación e coidada calidade como emblema identificativo dos viños amparados baixo esta marca de calidade á que, cada día máis, considérase a D.O. Valdeorras.

A todo isto, hai que lembrar a día de hoxe que un dos selos que se utiliza como modelo exemplificador  no mundo do viño no noso país e como arquetipo a seguir en evolución de calidade, diferenciación, distribución, promoción e prezo; ese é o da D.O. Valdeorras. 

Seminario impartido polo Consello Regulador da Denominación
de Orixe Valdeorras en Dallas
Este reflexo faise palpable en actos como o celebrado o pasado luns en Madrid, cunha afluencia próxima ás 1500 persoas, entre profesionais do sector e público en xeral. Todos eles supuxeron un importante incremento de acollida con respecto a anos anteriores, facendo patente, e permítanme a redundancia, a evolución de calidade que ano tras ano se realiza por parte das adegas desta D.O. sen un incremento notable no prezo dos seus caldos.

E é que se os premios e recoñecementos a nivel nacional e internacional amparan a estes viños; para os adegueiros e Consello Regulador o premio máis importante é o que lle transmitides todos vós co voso interese, acollida e gran valoración que facedes dos seus viños.  

Da nosa parte e da dos adegueiros da D.O. Valdeorras, envíamosvos o nosas máis sincero agradecemento desexando compartir con todos vós moitas reunións como estas.

Presentación degustación dos viños D.O. Valdeorras
en Madrid

Amplía información

Talvez poda interesarche

Coñece a D.O. Valdeorras

Coñece todo sobre o Godello de Valdeorras

A través do especial sobre os brancos de Valdeorras emitido polo programa "Devino", de V televisión, presentámosche todo o mundo que rodea ao Godello en Valdeorras; dende a súa historia, as súas adegas, enfoque comercial até a súa recente actualidade e expectativas de futuro.

A variedade máis significativa da comarca valdeorresa, que está a recibir grandes recoñecementos a nivel nacional e internacional, aséntase nun coidado traballo que se basea en axuntar tradición e modernidade para dotar aos seus caldos dunha calidade incomparable que os encumbra como uns dos mellores viños brancos do mundo.

A través deste especial de V televisión, propómosvos unha maneira de coñecer de forma amena, didáctica e divertida cales son as cualidades específicas destes caldos; desde a súa historia, elaboración, cata, maridaxe, posicionamento e expectativas de futuro.

Desexo que o disfrutedes!

Accede ao vídeo en alta calidade 

Talvez poda interesarche

Coñece todas as características do ciclo do viño en Valdeorras

Éxito de acollida dos viños D.O. Valdeorras en Madrid

Fonte do artígo: EFE
A Denominación de Orixe (DO) de Valdeorras está a resistir ben a crise e mesmo aumentou as súas vendas nos últimos anos, unha tendencia que queren consolidar a través de medidas de promoción, como a presentación de oitenta dos seus caldos que se celebrou onte en Madrid, facendo partícipes a todos os públicos: desde distribuidores a público en xeral.

O presidente do Consello Regulador desta DO, José Luís García-Pando, explicou a Efeagro que na súa Denominación non ten "queixa" de como se están desenvolvendo as vendas e que as adegas de Valdeorras están "a vender un pouco máis" do que se estaba distribuíndo. 

Con xornadas como a presentación de onte en Valdeorras, esta denominación de Orixe persegue que os seus viños sexan "un pouco mellor coñecidos", porque ao ser unha Denominación "pequena" os seus caldos non chegan a todas as canles de distribución. 

Por iso, insistiu en que teñen que "seguir movéndose" para facer chegar as súas excelencias a todos os públicos e, con este obxectivo, a DO Valdeorras celebrará unha xornada similar en Barcelona; outro dos seus mercados "máis importantes", segundo García-Pando. 

Á xornada de presentación, celebrada no hotel Palace de Madrid, acudiron 23 adegas da Denominación de Orixe que expuxeron uns 80 viños. 

Os organizadores, a expensas dunha análise máis exhaustiva, estiman que a asistencia roldou os 1500 visitantes, dende profesionais do sector, catadores, representantes da restauración, distribuidores e público en xeral porque, como lembrou García-Pando, "eles son os que elixen finalmente o viño". 

Entre os caldos, recomendou especialmente o que se elabora coa variedade Godello, autóctona da zona, que xa é coñecida no mercado nacional e internacional e que segundo García "no seu paso pola boca parece máis un tinto que un branco".

Se asistiches e desexas compartir as túas impresións, podes deixar o teu comentario neste artigo 

Amplía información

Talvez poda interesarche

Coñece a D.O. Valdeorras

Importante comitiva rusa visita dúas adegas da D.O. Valdeorras

Un grupo de importadores e hostaleiros rusos coñecerán hoxe os viños de Godeval

Mentres diversas adegas preparan as súas mellores galas para lucir as excelencias dos seus caldos en Madrid. O prestixio internacional que atesouran os viños D.O. Valdeorras, reflectido nas últimas visitas realizadas "in situ" ás adegas Valdeorresas por parte de numerosas comitivas do estranxeiro; tradúcese na importante visita dunha destacada comitiva a Adega Godeval, que recibe hoxe  xoves, 2 de xuño,  a un grupo de visitantes moi especial. Son hostaleiros e importadores de varias cidades rusas que están interesados en coñecer as excelencias da adega valdeorresa. Os cales, atópanse realizando un tour para coñecer algunhas das  denominacións máis significativas de España e na que non podía faltar Valdeorras, incluíndo no seu plan de viaxe a visita a dúas adegas desta D.O.

A visita a Godeval realizarase ao mediodía, onde terán a posibilidade de visitar  os viñedos e as instalacións onde se elaboran os exquisitos viños de godello: Godeval Clásico e Cepas Vellas.

  

Esta comitiva conta nas súas filas con destacados  importadores, aos que se suman dous someliers de restaurantes das cidades de Samara, Novosibirsk, Perm, Ekatrerinburg e San Petersburgo.

Coñece a Adega Godeval

Talvez poda interesarche

Coñece o resto de Adegas da D.O. Valdeorras

Coñece, unha a unha, todas as adegas que participarán na presentación dos viños D.Ou. Valdeorras en Madrid

Confírmanse as adegas que compartirán as súas excelencias no acto de presentación e degustación dos viños D.O. Valdeorras en Madrid.

Unha vez pechado o sorteo de invitacións para os internautas seguidores da nai do viño, o cal bateu todos os records de participación. Só nos queda agradecer o interese mostrado por todas aquelas persoas participantes, felicitando aos afortunados e enviando unha mensaxe alentadora a todos aqueles que quedaron fóra, lembrándolles que pronto terán a oportunidade de participar en próximos actos desta índole; xa que, o Consello Regulador Denominación de Orixe Valdeorras e os adegueiros, non esquecen o importante compromiso que teñen con todos os públicos.

A este respecto, as adegas D.O. Valdeorras enfundanse as súas mellores galas, que son calidade e saber facer, para compartir a excelencia dos seus caldos con todos os asistente a esta presentación. Que vos lembramos, celebrarase o próximo día 6 de xuño no hotel Palace, Praza das Cortes 7, Madrid. En horario de 12:00 a 14:30horas e de 17:00 a 21:00 horas.

Así, dende a nai do viño temos o pracer de comunicarvos as adegas asistentes ao evento; facilitándovos unha ligazón aos seus Portais Web, que executaredes facendo click sobre o nome da adega, a fin de que teñades a oportunidade de coñecer de primeira man os seus produtos e saber facer.

Adegas participantes:

- Bodegas Ruchel, S.L.

- Bodegas Valdesil, S.L.

- Adega A Coroa, S.A.T.

- Bodega Godeval, S.A.T.

- Adega O Casal, S.A.T.

- Bodega Cooperativa Jesús Nazareno

- Adega Alan, S.A.T.

- Bodegas Carballal, S.L.

- Bodega Germán Rodríguez Prada

- Bodega Mª Teresa Núñez Vega

- Bodega Sampayolo, S.L.

- Bodega Santa Marta, S.A.T.

- Bodega Virxen de Galir, S.L.

- Viña Somoza, Bodegas y Viñedos, S.L.

- Bodega Roandi, S.A.T.

- Adega Quinta da Peza, S.L.

- Guitian y Blanco, S.C.

- Adega da Pinguela, S.L.

- Bodega Eladio Santalla Paradelo

- Bodega Joaquín Rebolledo, S.A.

- Adega Avelina, S.A.T.

- Adega Cepado, S.L.

- Adega Chan de Ouro, S.L.

Amplía información

Talvez poda interesarche

Coñece os vídeos das adegas no Web da D.O. Valdeorras