As adegas da D.O. Valdeorras adiantan o lanzamento da nova colleita cun incremento de viño para comercialización do 20%

Os alentadores datos da comercialización de viños da D.O. Valdeorras, reflíctense nun adianto do lanzamento da nova colleita e nun incremento de etiquetaxe para comercialización do 20%, con respecto á campaña anterior.

O bo momento que viven os viños da D.O. Valdeorras, que non os fai alleos ás grandes catas e convérteos en punto de referencia das máis importantes mesas, produciu que se adiante o lanzamento da nova colleita, cun incremento do 20% na súa etiquetaxe para a comercialización con respecto á produción da campaña anterior. Desta maneira o presidente do Consello Regulador,  José Luís García Pando,  móstrase satisfeito ante a incesante demanda da que estes caldos se fan acredores.

E é que a calidade indiscutible que os atesoura, únese a uns prezos moi competitivos;  e, se a todo iso sumamos a cada vez maior especialización por parte do consumidor,  atopámonos cunha aposta segura para calquera tipo de evento e mesa.

Amplía información

Talvez poida interesarche

Coñece adega por adega a D.O. Valdeorras