A colleita 2012 da DO Valdeorras namora en Suíza

Máis dun cento de profesionais do sector Suízo acudiron á cita cos viños DO Valdeorras en Zúric, onde se eloxiou a nova colleita.

Nun acto no que se suscitou ademais unha gran expectación entre o público en xeral, as valoracións do Consello Regulador DO Valdeorras cualifican de moi positivo esta presenza promocional en terras helvéticas.

 "Somos conscientes do clima de incerteza que vive a economía en xeral, por iso, o feito de poder contar coa presenza de público xerada en Suíza fala de forma clara da evolución e fama que os viños DO Valdeorras están a alcanzar no exterior" explica Jorge Mazaira, director técnico do Consello Regulador DO Valdeorras.

"Que unha cita encarada ao sector profesional reciba unha máis que notable afluencia de público xeral, mostra o gran interese que suscitan os viños DO Valdeorras no consumidor final. Feito que consideramos moi positivo, xa que os nosos viños son coñecidos e valorados por quen realmente os consumen" engade Jorge.

Con respecto á valoración da nova anada 2012 DO Valdeorras, as cualificacións de expertos e asistentes seguen avalando a traxectoria ascendente dos últimos anos " Como ven sendo habitual, os brancos, despois do aval e excelentes críticas por parte dos principais diarios internacionais - The New York Times (EE UU) e The Times (Reino Unido)-, foron valorados polos asistentes dada a súa gran personalidade e diferenciación cos demais brancos do  mundo" engade  Mazaira.

Sendo os tintos os grandes protagonistas do Salón este ano. " os máis de 120 asistentes - distribuidores, importadores e consumidores finais - encomiaron principalmente as excelencias dos nosos tintos, atopándoos moi frescos, agradables e de perfecta maridaxe coa súa gastronomía", finaliza o director técnico.

Con este balance positivo péchase a presentación DO Valdeorras en Suíza, pondo xa as miras nas próximas citas de Cidade Real e Xapón do 7 ao 9 de Maio e do 12 ao 14 de Maio, respectivamente. 



Coñece as adegas DO Valdeorras presentes en Suíza

Coñece as valoracións de The New York Times sobre o Godello DO Valdeorras

Coñece as valoracións de The Times sobre o Godello DO Valdeorras

Coñece o mellor tinto xove de España

Coñece a DO Valdeorras

O viño DO Valdeorras pecha unha venda histórica no mercado de Brasil

Fonte info e foto: La Voz de Galicia

 As cooperativas Jesús Nazareno de O Barco -amparada pola Denominación de Orixe Valdeorras- xunto a Viña Almirante de Portas -de Rías Baixas- protagonizaron unha operación histórica de venda de viño ao mercado brasileiro. Ambas as empresas axuntaron esforzos para vender, nun único pedido, 50.000 botellas de viño. 

A operación comezou a fraguarse fai agora cinco anos, despois de que as empresas participasen en Expovinis, a feira do viño máis importante de Brasil. Alí entraron en contacto co club do viño de Latinoamérica, que ten 25.000 socios e a sede en Sao Paulo. 

A operación pechouse con este club, quen levará a cabo unha importante campaña de promoción. Viña Almirante e Jesús Nazareno protagonizarán unha reportaxe na publicación do Club do viño de Latinoamérica, e os viños sairán ao mercado emparellados, estuchados de dous en dous. 

Desde as cooperativas esperan que esta operación sexa só a primeira de moitas no mercado brasileiro e confían en que o seu traballo sirva «para pór unha punta de lanza nese mercado» e para poder «aumentar as vendas de viño galego neste país».

Para alcanzar o acordo, ambos caldos tiveron que superar rigorosos controis e unha serie de catas moi duras. As duas marcas están chamadas a facer historia nun difícil mercado que poderá valorar en breve a excelencia do viño DO Valdeorras.

Coñece cooperativa Jesús Nazareno

Coñece os premios nacionais outorgados aos viños DO Valdeorras en 2013

Coñece os premios internacionais outorgados aos viños DO Valdeorras en 2013

Coñece a DO Valdeorras

Os viños DO Valdeorras viaxan a Suíza mentres o mencía DO Valdeorras de Joaquín Rebolledo é condecorado como mellor tinto xove de España

O Consello Regulador DO Valdeorras e  nove adegas adscritas á DO viaxan a Zúric para a presentación dos seus viños ante o sector profesional. Mentres, a semana pasada dentro dos actos do Salón Gourmets de Madrid, condecorouse a Joaquín Rebolledo Mencía 2011 como o mellor tinto xove de España.

Joaquín Rebolledo Mencía 2011 foi condecorado como mellor tinto xove de España segundo a guía de viños Gourmets 2013, que entregou os galardóns aos mellores viños de España no marco do XXVII Salón de Gourmets, Feira Internacional de Alimentación e Bebidas de Calidade, que acolle Feira de Madrid-IFEMA.

O premio, que se deu a coñecer o pasado mes de Novembro, ratifica a gran calidade de Joaquín Rebolledo Mencía 2011 que, entre numerosos galardóns internacionais, tamén foi condecorado como mellor tinto de Galicia en 2012.

Desta forma referéndase o éxito e calidade da colleita 2011 cun novo galardón que encumía a un viño que posúe as seguintes notas de cata:

Vista: Cor vermella cereixa con bordos violáceos.

Aroma: Cereixa, amora e framboesa, notas especiadas de cacao. Minerais (xiz, pizarra) e lixeiramente balsámico.

Boca: Completo, fresco e saboroso. Boa untuosidade. Luz e armónico, fácil de beber cun final afroitado longo.

Maridaxe e Servizo Joaquín Rebolledo Mencía 2011: Gratinados, comida italiana e mediterránea, estofado, caza, asados, bacallau en calquera das súas modalidades, aplicación gastronómica sen límites.

Temperatura de servizo 16-18ºC.

 O Grupo Gourmets publicou  a nova edición da Guía Gourmets, Os Mellores Viños de España 2013.Tras 241 sesións nas que os 22 profesionais máis cualificados do sector vinícola realizaron 4.820 catas a cegas, analizándonse os cambios do mundo vitivinícola.

A guía segue o sistema xa tradicional nas anteriores edicións: a cata a cegas -a máis obxectiva e independente-, o equipo humano -formado por destacados profesionais do sector-, límite de cata por sesión para salvagardar a ecuanimidade e eficacia - nunca excede de 20 referencias -.

Esta edición para 2013 conta ademais cunha completa actualización dos datos das adegas apuntadas, Consellos Reguladores, DD.OO., zonas vinícolas- inclúe os históricos de catas de viños escumosos e xenerosos, como premio ás traxectorias de viños e adegas. A sección o "Noticiario do Viño" recolle os principais feitos que se sucederon no mundo do viño até setembro de 2012. O novo Cadro de Honra dos Mellores Viños de España recolle os viños que alcancen ou superen a cualificación de 7/10.

Apostando pola internacionalización, inclúe unha análise da viticultura dos Países do Leste, realizadas polo experto Helio San Miguel. Incorpora o fallo dos premios Guía Gourmets 2013, ademais de fotos de familia e entrega dos galardóns 2012.

Coñece a adega Joaquín Rebolledo

Coñece todos os premiados na Guía Gourmets 2013

Amplía información sobre os galardóns internacionais de Joaquín Rebolledo

Coñece como se elaboran os viños na DO Valdeorras

Pola súa banda, o Consello Regulador e as adegas DO Valdeorras xa viaxan a Suíza para a próxima presentación que terá lugar o xoves 18, no Hotel Metropol de Zúric.

A través deste acto - encarado a profesionais do sector, prensa especializada e grandes vinotecas helvéticas - as adegas DO Valdeorras regresan á capital Suíza para reforzar o éxito cultivado a finais de 2011 coas seguintes adegas confirmadas:

Podes acceder a cada unha delas facendo click sobre o seu nome

Adega A Coroa

Adega O Casal

Adega Godeval

Adega Cop. Jesús Nazareno

Adega Roandi

Adega Ruchel

Adega ValdeSil

Adega Joaquín Rebolledo

Adega Santa Marta

Este acto servirá como punto de partida ás presentacións internacionais dos viños DO Valdeorras no primeiro semestre de 2013, e completarase coa presentación de Xapón - "Vinalitur" - os próximos 13 e 14 de Maio.

Amplía información sobre los actos promocionais da DO Valdeorras en Zúric e Xapón

Tal vez poda interesarche

Coñece a DO Valdeorras

Os viños DO Valdeorras representarán a Galicia en Madrid e Zúric as próximas semanas

O Salón Gourmets de Madrid - do 8 ao 11 de Abril - e a presentación en Zúric - 18 de Abril - serán as próximas citas nas que tomará parte a DO Valdeorras en representación do produto de calidade de Galicia.

Un ano máis o Salón Gourmets de Madrid contará coa presenza dos viños DO Valdeorras quen, dende a Caseta do Consello Regulador situada no Pavillón 6 Caseta 6F10, representarán o produto de calidade galego a través do viño e en maridaxe con outras delicias culinarias da terra.

Desta forma e inmersos nos diferentes actos que organiza o Salón, unha das maridaxes estrela será a que se celebrará en conxunto coa Organización de Palangreiros Guardeses, ORPAGU.  Así, o xoves día 11 a Organización de Palangreiros Guardeses participará nunha cata de conservas e naturais maridada cos viños do Consello Regulador DO Valdeorras. 

Esta cata, na que poderán degustarse distintas receitas de peixe espada ao natural e en conserva únicas no mundo, celebrarase ás 12 do medio día e porá de manifesto o mellor da gastronomía galega en combinación cuns dos viños máis de moda no panorama vinícola internacional.

O Salón de Gourmets (SG) naceu en 1987 coa vocación de ser escenario de produtos de alimentación e bebidas delicatessen co fin de promover os seus valores diferenciais: naturalidade, diversidade, calidade e prezos razoables.

Elixiuse para situar o devandito escenario á cidade de Madrid, que confirmou nos últimos anos a súa condición como centro neurálxico de España. A súa posición como capital levouna a ser modelo social, cultural e económico, baseado sempre no dinamismo, a internacionalización e o seu afán de progreso.

Coñece o Stand do Consello Regulador DO Valdeorras no Salón Gourmets

Accede ao Salón Gourmets

Presentación Zúric Oct 2011 

En adicción, o próximo día 18 de Abril os viños DO Valdeorras retornan a Suíza para a súa presentación anual en Zúric.

O acto, encarado a profesionais do sector, prensa especiazializada e grandes vinotecas helvéticas, regresan á capital Suíza para reforzar o éxito cultivado a finais de 2011 coas seguintes adegas confirmadas:

Podes acceder a cada unha delas facendo click sobre o seu nome

Adega A Coroa

Adega O Casal

Adega Godeval

Adega Cop. Jesús Nazareno

Adega Roandi

Adega Ruchel

Adega ValdeSil

Adega Joaquín Rebolledo

Adega Santa Marta

Amplía información sobre os actos promocionais da DO Valdeorras en Zúric y Xapón

Tal vez poda interesarche

Coñece a DO Valdeorras

O Consello Regulador DO Valdeorras xa traballa na próxima feira do viño e amplía a promoción dos seus caldos a Suíza e Xapón

Os distribuidores de viños xaponeses e suízos saborearán os caldos da Denominación de Orixe Valdeorras en maio e abril, respectivamente. A presenza dunha representación das adegas nos citados países conta co beneplácito do Consello Regulador que preside José Luís García Pando. Pola súa banda, o sector tamén estará presente nunha feira nacional. Trátase de Fenavin, o acontecemento que se desenvolverá a principios de maio en Cidade Real.

Con estas próximas citas xa pechadas, o Consello Regulador está a traballar en organizar novas presentacións en axuste co orzamento da DO para esta campaña. As súas contías dependerán das feiras ás que se decida asistir e das subvencións que reciba o Consello Regulador por acudir a elas.

En adicción, desde o Consello Regulador xa se puxeron en marcha para preparar a 'XVI Feira do Viño de Valdeorras', que se desenvolverá no Concello da Rúa durante o próximo mes de agosto. Desde a directiva, o propio presidente José Luís García Pando argumentou que a organización non garda relación coa preparación dun evento feiral único para as denominacións de orixe galegas, que anunciou recentemente a Xunta de Galicia. 'Será para outro ano e hai que planificalo con calma e acorde ás necesidades de cada DO. Trátase dunha feira para toda Galicia, apoiada por todos', explica.

No relativo á feira valdeorresa, está a traballarse en decidir tanto as datas como o programa. Un aspecto que si está practicamente descartado é a posibilidade de ampliar o ámbito da feira e permitir a presenza de expositores de empresas relacionadas coa actividade vitivinícola no recinto, até agora ocupado exclusivamente polas adegas.

A próxima semana, desde a nai do viño anunciaremos todas as adegas participantes na feira de Zúric, dando cumprida conta de todas as novidades e o enfoque que se lle outorgará a este acto promocional.

Amplía información sobre os actos promocionais da DO Valdeorras en Zúric e Xapón

Coñece os proxectos de I+D da DO Valdeorras

Talvez poda interesarche

Coñece a DO Valdeorras

A Unión Española de Catadores Enxalza aos tintos DO Valdeorras nos seus premios Bacchus

Bacchus de prata 2013 concedido pola Unión Española de Catadores para os viños Memoria de Ventura Garnacha 2011 de Adega da Pinguela e para Joaquín Rebolledo Mencía Barrica 2011 da adega homónima.

O undécimo aniversario da gran cita española co mundo do viño, Bacchus 2013, xa coñece os seus resultados. Un palmarés que demostra tanto o carácter internacional de Bacchus como o potencial dos tintos DO Valdeorras en España.

Entre os premiados, e por segundo ano consecutivo, Joaquín Rebolledo co seu Tinto Barrica 2011 volve estar na elite dos viños españois, conseguindo a Medalla de Prata.

As 40 ha de viñedo en propiedade, xunto á súa dilatada historia e co título de mellor tinto xove de España 2012, son a mellor carta presentación da adega.

 Esta tinto barrica é unha selección de Mencía, cunha crianza de 6 meses en barricas de roble francés e unha parte de americano. Destaca polos seus aromas de pementa branca e frambuesa, sendo moi fresco e goloso no seu conxunto.

Coa Mencía como variedade tinta por excelencia no norte peninsular, o prestixio de Joaquín Rebolledo en Tintos é mítico e continúa gañado prestixiosos premios de primeiro nivel internacional: no ano 2006 Joaquín Rebolledo Mencía gañou a Medalla de Ouro na modalidade de Mencías do Concurso de Viños do Noroeste. En 2007 Joaquín Rebolledo Mencía fíxose co Acio de Prata outorgado pola Xunta de Galicia. En 2010 gaña o Baco de Bronce outorgado pola Unión Española de Catadores, 96 puntos outorgados pola Asociación Galega de Catadores e Medalla de Ouro no Concurso Internacional "Premios Arribe 2010". 

O parque de barricas da adega é o suficientemente complexo para que os viños de Joaquín Rebolledo sexan moi característicos. Roble francés, americano e caucásico copan a cova da adega. Alí, cunhas condicións de humidade, temperatura e silencio concretas, os viños adquiren unha diferenciadora expresión, que se traduce nun máis que notable recoñecemento no sector vinícola internacional. 

Coñece a adega Joaquín Rebolledo

Amplía información sobre o mellor tinto xove de España

Coñece a todos os premiados na Guía Gourmets 2013

Amplía información sobre os galardóns internacionais de Joaquín Rebolledo

Coñece como se elaboran os viños na DO Valdeorras

Pola súa banda e como complemento do excepcional traballo que se realiza desde a DO Valdeorras cos tintos, a Unión Española de Catadores tamén outorgou un Bacchus de Prata a Memoria de Ventura Garnacha 2011, sumándose este galardón a outros como os 91 puntos da última Guía Peñín no Salón dos mellores viños de España .

Este premio serve ademais para recoñecer as enormes potencialidades da uva garnacha, apartada durante anos das producións de calidade e recuperada nos últimos anos tanto na DO de Valdeorras como noutros puntos de España.

O Memoria de Ventura Garnacha ten unha produción limitada (1.000 botellas). Para a súa elaboración localizáronse cepas vellas das ladeiras pizarrosas do val do Sil. Francisco Núñez, o adegueiro, explica que "o cultivo destas cepas en vaso é laborioso, xa que practicamos unha viticultura respectuosa coa contorna, pero o esforzo paga a pena xa que o resultado é un viño que representa ben a súa orixe".

Para Núñez, este garnacha foi a súa primeira aposta por explorar as posibilidades doutras variedades de tinto. O ano pasado presentaron Memoria de Ventura Castes Nobres, que inclúe sousón e brancellao. "Todos os expertos coinciden en que os viños tintos galegos están a protagonizar unha revolución no panorama nacional e estamos orgullosos de achegar algo a esa nova tendencia de viños con personalidade".

 Faite fan de da Pinguela en Facebook 

Segue as últimas novidades de Adega dá Pinguela en Twitter

Coñece adegas da Pinguela

Accede ás adegas DO Valdeorras

Os viños DO Valdeorras incluídos na selección de mellores viños de Galicia preséntanse o vindeiro mércores 20 de Marzo en Madrid

O próximo 20 de marzo cita obrigada para os amantes do bo viño no Palacio de Amezúa (C/ Casado do Alisal, nº 8 - 28014 Madrid ), Casa de Galicia de Madrid e actual sede da Xunta de Galicia na capital.  Este será o lugar onde os viños DO Vadeorras incluídos na selección de 50 mellores viños de Galicia porán de maniefiesto a súa calidade ante o gran público.

Organizado por Servino.net, a Asociación Madrileña de Catadoras e a Casa de Galicia en Madrid, terá lugar o vindeiro mércores 20 de Marzo o Tunel do Viño dos mellores caldos de Galicia baixo o nome de GALICIAN WINES.

No evento daranse cita os viños premiados pola "guía de Viños, Destilados e Adegas de Galicia" que edita Luís Paadin e na cal locen varios viños DO Valdeorras, son os seguintes:

podes acceder a información de cada un deles facendo clik sobre o seu nome

Brancos

A Coroa 2011 – Adega A Coroa

As Sortes 2011 – Adegas Rafael Palacios

Bioca Selección 2011 – Adega María Teresa Núñez Vega

Godeval Cepas Vellas 2011 – Adegas Godeval

Vía Nova 2011 – Adega Virxe de Galir

Tintos

Alan de Val Pedrazáis 2010 – Adega Alan de Val

Joaquín Rebolledo Mencía 2011 – Adega Joaquín Rebolledo

Memoria de Ventura 2011 – Adega da Pinguela

Traste 2011 – Adega José Aristegui

Garnacha Vella da Chaira do Ramiriño – Adegas Sampayolo

Actualmente, por volumes e parámetros de diversidade e calidade, os Viños e Destilados de Galicia alcanzaron as maiores cotas da súa historia. Se deste momento doce seleccionamos os mellores, e esta selección está realizada por 27 dos máis expertos catadores de Galicia, podemos garantir que GALICIAN WINES reuniu a máis de 50 dos mellores Viños e Destilados da terra galega na historia para os profesionais do sector da hostalaría e da prensa especializada de Madrid. Poderíase incorporar algún máis, pero todos os Viños e Destilados alí presentes son EXCELENTES.

O próximo 20 de marzo no Palacio de Amezúa (C/ Casado do Alisal, nº 8 - 28014 Madrid ), Casa de Galicia de Madrid e actual sede da Xunta de Galicia na capital, en horario de 11.00h a 14.00h e de 17.00h a 21.00h.

Imprescindible facer reserva en:  info@servino.net

Amplía información sobre o acto no blog de Alan de Val

Coñece os viños DO Valdeorras condecorados "Cum Laude" na guía de viños, destilados e adegas de Galicia

Coñece a DO Valdeorras

Suíza e Xapón novos destinos promocionais para os viños DO Valdeorras

Mentres a Caseta do Consello Regulador DO Valdeorras recibiu multitude de visitas na Feira Xantar 2013, desde a directiva deste organismo xa se preparan as próximas actividades promocionais que levarán aos viños DO Valdeorras  a visitar Suíza e Xapón.

Unha vez concluída a Feira Gastronómica de Galicia, Xantar 2013, que se desenvolveu entre gran expectación e visitas á Caseta do Consello Regulador DO Valdeorras; este organismo porá en marcha a seguir unha serie de preparativos para comezar unha xira promocional, que levará aos viños desta DO a importantes mercados internacionais como o suízo e o xaponés.

Caseta do Consello Regulador DO Valdeorras en Xantar

Xantar, que pechaba o domingo as súas portas, desenvolveu as súas actividades entre unha gran expectación que recaeu, de forma especial, sobre os viños DO Valdeorras. Desta forma, a comitiva estranxeira invitada á Feira, este ano Perú, puido gozar e valorar de primeira man dos viños DO Valdeorras.

Comitiva do Perú desfrutando dos viños DO Valdeorras

Neste ambiente con marcada tinguidura internacional, o punto de partida das próximas presentacións iniciarase en terras helvéticas o 18 de Abril, no hotel METROPOL de Zúric.

 Ao acto, ao que acudirán algunhas das adegas máis destacadas da DO e das que vos daremos cumprida información en próximas crónicas, reunirá á flor e nata do sector profesional da rexión centroeuropea, e servirá como importante complemento ás exitosas presentacións realizadas neste país en anos anteriores.

Unha vez culminada a cita co sector especializado Suízo, o Consello Regulador marcará a súa próxima cita en FENAVIN -  do 7 ao 9 de Maio - onde, desde a Caseta propia do organismo, farase cumprida representación dun diverso número de adegas.

Foto: EFE ARQUIVO /   Frack Robichon

Esta feira abrirá paso á gran cita de Xapón: VINALITUR, que se celebrará  os próximos 13 e 14 de Maio en Tokio.

Nesta feira, o Consello Regulador DO Valdeorras actuará en representación de 7  adegas cos seus viños, e porase a disposición, a través da nai do viño, dunha serie de invitacións para todos aqueles que desexen asistir.

 A través destes actos, dos que vos iremos dando cumprida conta ao longo das próximas semanas, iniciarase  a primeira serie de actos promocionais que o Consello Regulador ten programados para 2013 e, a través dos cales, preténdese reforzar o prestixio internacional do que se fixeron acredores os viños DO Valdeorras no panorama vinícola internacional.   

Coñece o prestixio internacional dos viños DO Valdeorras

Coñece as valoracións do sector profesional sobre os viños DO Valdeorras

Nova York unha segunda casa para o Godello DO Valdeorras

Talvez poida interesarche

Coñece a DO Valdeorras

Jancis Robinson, crítica de viños do Financial Times e asesora das adegas da raíña Isabel II de Inglaterra, móstrase entusiasmada co Godello DO Valdeorras

A crónica semanal da DO Valdeorras vén marcada polo especial adicado dende o diario líder en Inglaterra, Financial Times, encumiando ao Godello DO Valdeorras. En adicción, esta excepcional noticia complementarase coa presenza do Consello Regulador DO Valdeorras na feira Xantar 2013 en Ourense.

A crítica de viños de fama e recoñecemento mundial, Jancis Robinson, elaborou un especial sobre a súa nova paixón, o Godello DO Valdeorras, no que encumia a esta variedade  no sector internacional do viño.

En adicción Robinson, Master of Wine e crítica de viños de fama mundial, situou a dous viños brancos DO Valdeorras  "As Sortes 2011 e Sorte Ou Soro 2011", da adega Rafael Palacios, na súa lista de Viños Brancos Mellor Valorados do Mundo, concedéndolles unha puntuación de 18,5 puntos respectivamente. 

 Colaboradora semanal do diario inglés Financial Times, a experta encomiou estes viños por pertencer a " vendima máis marabillosa dunha gran selección" e polo seu "fantástico corpo e equilibrio a pesar da súa mocidade", referíndose ás Sortes 2011; e polo súa "intensidade e profundidade de matices" en relación a Sorte O Soro 2011.

Este feito vén reafirmar a gran paixón de Robinson por estes viños, xa que o pasado ano outro Godello DO Valdeorras, neste caso Valdesil, engrosou a lista de 25 mellores brancos do mundo de Financial Times.

Jancis Mary Robinson (nada en Cumbria o 22 de abril de 1950) é unha crítica británica de viño que pertence á Orde do Imperio Británico, Master of Wine (MW). Xornalista e editora de diversos libros relacionados co mundo do viño. Na actualidade escribe unha columna semanal no Financial Times e mantén os contidos da súa páxina web jancisrobinson.com. Jancis é conselleira de viños para os viños da adega da raíña Isabel II do Reino Unido.

Coñece a valoración de Jancis Robinson sobre o Godello DO Valdeorras

Amplía información sobre as valoracións de Jancis Robinson sobre os viños de Rafael Palacios

Coñece máis sobre Jancis Robinson e o Godello DO Valdeorras

 Pola súa banda, o Consello Regulador DO Valdeorras comezará a súa xira promocional no Salón Galego de Gastronomia e Turismo, que se celebrará entre o 6 e o 10 de marzo en Expourense.

Como punto de partida dunha serie de eventos promocionais que levarán ao Consello e a varias adegas a visitar diversos países e salóns internacionais, Ourense acollerá unha varios actos nos que o público poderá gozar da calidade e prestixio internacional que atesouran os viños DO Valdeorras.

Con Caseta propia en Xantar, onde se poderán degustar os viños das diferentes adegas, o Consello Regualdor DO Valdeorras tamen tomará parte en diferentes actos conxuntos con outros produtos da terra, para mostrar a sinerxía do produto galego en toda a súa esencia.

Así, o xoves día 7 ás 13:00h e baixo o amparo da Conselleria de Medio Rural, organizarase unha cata - degustación de viños DO Valdeorras xunto a ANFACO e Pan de Cea.

Xa o sábado 9, ás 19.00, realizarase unha presentación dos viños DO Valdeorras para os 20 primeiros asistentes que reserven a súa presenza mediante solicitude á organización no teléfono 988 366 030.

Non o perdas

Amplía información sobre Xantar 2013

Amplía información sobre as iniciativas do Consello Regulador DO Valdeorras

Coñece a DO Valdeorras

O viño "Godello A Coroa" gana por segundo ano consecutivo o Tender do Monopolio Sueco

O viño godello de Adega A Coroa, adscrito ao selo DO Valdeorras, reafirma o seu posicionamento no mercado Sueco ao gañar por segundo ano consecutivo o tender de monopolio estatal, para seguir comercializando os seus viños neste país.

O feito de lograr o máximo recoñecemento por parte deste mercado en dous anos consecutivos, é  cualificado como "excepcional" por parte Systembolaget - organización estatal sueca que rexe o monopolio -, xa que moi raras veces una mesma adega faise coa máxima puntuación dous anos seguidos.

A Adega D.O. Valdeorras A Coroa, que comercializa o 50 % da súa produción nalgúns dos máis importantes mercados vinícola internacionais - Estados Unidos, México, Panamá, Porto Rico, República Dominicana, Xapón, Australia, Nova Zelandia, Reino Unido, Bélxica, Holanda, Suíza, Alemaña, Suecia -, cualifica este feito como unha grande oportunidade de seguir reafirmando o seu posicionamento en Suecia e o mercado nórdico .

A oferta de Systembolaget, encarada aos viños galegos e que obtivo a resposta de 33 adegas, saldouse cunha puntuación de 23 sobre 27 votos para Adega A Coroa, situándoa cunha ampla marxe de diferenza con respecto ás súas competidoras.

A empresa estatal sueca Systembolaget, ou monopolio, non ten parangón en ningún outro establecemento do mundo. Dispón de 2.300 referencias de máis de 40 países diferentes, que inclúen cervexa, viño e licores. Ademais, os seus provedores teñen en stock ao redor de 8.500 referencias dispoñibles baixo pedido en calquera tenda do país. Lánzanse aproximadamente 2.000 novos produtos ao ano.

Actualmente, conta con 418 tendas e con máis de 500 axentes que dan servizo a comunidades máis pequenas. Os empregados son xente cualificada para poder ofrecer o mellor servizo aos clientes, expertos en comida e bebida. Todos eles realizan unha exhaustiva preparación e todos os produtos, independentemente da súa procedencia, han de gozar do mesmo trato.

Desde Adega A Coroa atópanse encantados de pertencer, un ano máis, ao elenco de produtos que forman a carta do monopolio sueco, xa que supón pasar un estrito control de calidade e tamén unha cata de profesionais que elixen os mellores caldos entre todas as candidaturas que chegan á súa sede en Suecia.

Segundo a directora comercial e Export Manager da Adega, Marta Sertaje: "para unha adega familiar como A Coroa o feito de destacar un ano máis neste mercado, é unha oportunidade única de poder reafirmar a nosa presenza no exterior. O ano pasado xa se exportou o 50% da produción da adega e batéronse os records de vendas no dez anos que os nosos viños levan no mercado"

Adega A Coroa, aínda sendo unha adega familiar, conta cun equipo de vinificación actual e moderno. Unha viticultura racional, aproveitando a personalidade da variedade Godello e buscando sempre a calidade; esta é a filosofía que impulsa o traballo na Coroa, convencidos de que o viño se consegue principalmente no viñedo.

A elaboración céntrase nun trato minucioso e racional da uva, que fai uso da mellor tecnoloxía e respecta a heteroxeneidade dos terreos, sendo a primeira adega adscrita ao selo D.O. Valdeorras que utiliza a produción controlada nos seus viñedos.

O prestixio internacional dos viños A Coroa vén abalado por infinidade de premios, entre eles os máis destacados de 2012 son:

Best wine - The New York Times Selection - Cata a cegas

Medalla de Ouro - Selección Mundial de Viños de Canadá

Medalla de Ouro - Concurso Internacional de Viños de Lyon

Medalla de Prata - Mellores Viños españois para EE UU

Gran Mesquita de Ouro - Premios Mesquita 2012

Gran Ouro - Guía de Viños de Galicia

Distinción Gallaecia 2012

Bacchus de prata 2012 - Outorgado pola Unión Española de Catadores

Coñece Adega A Coroa

Coñece o prestixio internacional de Adega A Coroa

Accede á tenda Online da Adega

Coñece todas as adegas DO Valdeorras e os seus viños