Coñece, unha a unha, todas as adegas que participarán na presentación dos viños D.Ou. Valdeorras en Madrid

Confírmanse as adegas que compartirán as súas excelencias no acto de presentación e degustación dos viños D.O. Valdeorras en Madrid.

Unha vez pechado o sorteo de invitacións para os internautas seguidores da nai do viño, o cal bateu todos os records de participación. Só nos queda agradecer o interese mostrado por todas aquelas persoas participantes, felicitando aos afortunados e enviando unha mensaxe alentadora a todos aqueles que quedaron fóra, lembrándolles que pronto terán a oportunidade de participar en próximos actos desta índole; xa que, o Consello Regulador Denominación de Orixe Valdeorras e os adegueiros, non esquecen o importante compromiso que teñen con todos os públicos.

A este respecto, as adegas D.O. Valdeorras enfundanse as súas mellores galas, que son calidade e saber facer, para compartir a excelencia dos seus caldos con todos os asistente a esta presentación. Que vos lembramos, celebrarase o próximo día 6 de xuño no hotel Palace, Praza das Cortes 7, Madrid. En horario de 12:00 a 14:30horas e de 17:00 a 21:00 horas.

Así, dende a nai do viño temos o pracer de comunicarvos as adegas asistentes ao evento; facilitándovos unha ligazón aos seus Portais Web, que executaredes facendo click sobre o nome da adega, a fin de que teñades a oportunidade de coñecer de primeira man os seus produtos e saber facer.

Adegas participantes:

- Bodegas Ruchel, S.L.

- Bodegas Valdesil, S.L.

- Adega A Coroa, S.A.T.

- Bodega Godeval, S.A.T.

- Adega O Casal, S.A.T.

- Bodega Cooperativa Jesús Nazareno

- Adega Alan, S.A.T.

- Bodegas Carballal, S.L.

- Bodega Germán Rodríguez Prada

- Bodega Mª Teresa Núñez Vega

- Bodega Sampayolo, S.L.

- Bodega Santa Marta, S.A.T.

- Bodega Virxen de Galir, S.L.

- Viña Somoza, Bodegas y Viñedos, S.L.

- Bodega Roandi, S.A.T.

- Adega Quinta da Peza, S.L.

- Guitian y Blanco, S.C.

- Adega da Pinguela, S.L.

- Bodega Eladio Santalla Paradelo

- Bodega Joaquín Rebolledo, S.A.

- Adega Avelina, S.A.T.

- Adega Cepado, S.L.

- Adega Chan de Ouro, S.L.

Amplía información

Talvez poda interesarche

Coñece os vídeos das adegas no Web da D.O. Valdeorras

Sorteo de invitacións para a presentación dos viños D.O. Valdeorras en Madrid

O Consello Regulador da Denominación de Orixe Valdeorras, a través da Nai do viño, pon a disposición dos internautas a posibilidade de asistir á presentación e degustación de viños, que se celebrará o próximo 6 de xuño, no Hotel Palace de Madrid.

Con motivo da presentación e degustación que celebrará a D.O. Valdeorras en Madrid, e que reunirá á "flor e nata" do sector profesional, o Consello Regulador da devandita denominación de orixe, a través da nai do viño, pon a disposición dos internautas a posibilidade de asistir ao evento, de forma completamente gratuíta, por medio da concesión dun elevado número de invitacións para os seus seguidores.

Para buscar a equidade e que todos aqueles que o desexen podan asistir, a nai do viño reservou as 10 últimas invitacións dobres, para entregalas mediante sorteo aos 10 primeiros usuarios que respondan a  pregunta que vos formularemos a continuación.

Para participar, só tes que enviarnos a resposta correcta acompañada do teu nome e o do teu acompañante a: lamadredelvino@dovaldeorras.tv ou mediante mensaxe privado de facebook á conta da nai do viño. Ademais de coñecer aos nosos adegueiros, terás a oportunidade de degustar de forma gratuíta as excelencias dos mellores caldos de Valdeorras.

Vas perder esta oportunidade? 
 

Aí vai a pregunta:
 

Cal é a variedade máis significativa e relevante da D.O. Valdeorras?
 

A)    Tempranillo
B)           Godello
C)         Albariño

Responde á pregunta e ven a gozar dos viños D.O. Valdeorras en primeira persoa. 

Agardámoste!
 

Amplía información
 

Talvez poda interesarche
 

Coñece a D.O. Valdeorras

As adegas da D.O. Valdeorras presentarán os seus viños o próximo 6 de xuño en Madrid

As adegas da D.O. Valdeorras realizarán unha presentación da súa nova colleita no Hotel Palace de Madrid, o próximo 6 de xuño.

Confírmase a data para a presentación que as adegas D.O. Valdeorras realizarán da súa nova colleita en Madrid. A data e o lugar seleccionados son, o próximo 6 de xuño no Hotel Palace de Madrid, salón Cánovas; en horario de 12:00 a 14:30 horas e 17:00 a 21:00 horas.

Na política da D.O. Valdeorras de achegar as excelencias dos seus caldos a todas as zonas con marcada cultura do viño, non podía faltar a capital española como importante punto de venda e promoción destes caldos. Co cal, o Consello Regulador da Denominación de Orixe Valdeorras, por medio do seu presidente José Luís García Pando, pretende reunir todo o máis destacado dos profesionais do sector, para que as adegas pertencentes e esta D.O. podan lucir as excelencias da nova colleita 2010.

Na súa política promocional, o C.R.D.O. Valdeorras, non quere deixar de lado ao público en xeral. E por medio da nai do viño, porá a disposición a partir do luns, unha serie de invitacións para que todas aquelas persoas non profesionais que desexen acudir ao acto e degustar esta prometedora anada valdeorresa, podan facelo de forma totalmente gratuíta.

Talvez poda interesarche

Coñece a D.O. Valdeorras

A calidade dos viños D.O.Valdeorras sitúaos con forza no estranxeiro

  A calidade dos viños D.O. Valdeorras sitúase con forza en mercados con potencial e cultura de viño.

Actos como o Great Match de Dallas e FENAVIN, son todo un exemplo da gran acollida que están a recibir os viños da D.O. Valdeorras no estranxeiro. A este respecto, aínda que dende o Consello Regulador din que aínda queda moito por facer  a pesar de que se está traballando moi ben; moitas adegas xa empezan a recoller os froitos do traballo de divulgación da calidade dos viños de Valdeorras no estranxeiro.


O traballo de promoción que realizan as propias adegas, reforzado pola política promocional do Consello Regulador, unido ao exquisito traballo dos produtores que se traduce nunha altísima calidade dos viños;  fai que a día de hoxe, os caldos da D.O. Valdeorras sexan altamente demandados en mercados con alto potencial e cultura do viño.

E non hai máis nada que ver as últimas confesións de importantes catadores e críticos gastronómicos alén das  nosas fronteiras, para eliminar calquera tipo de vaidade nestas palabras. Así, para o estadounidense Gerry Dawes, un dos máis importantes críticos gastronómicos e do viño que mellor coñece o noso país,  non pasa desapercibido o gran crecemento que en todas as súas facetas acadaron os viños da D.O. Valdeorras.


Mentres, os adegueiros comezan a palpar os resultados destas políticas que aúnan promoción e calidade, incrementando a demanda de importacións a cada día máis rexións fóra das nosas fronteiras. Dende ValdeSil, fanse eco da mensaxe de recollida de testemuña deixada pola exaltación do Albariño en prol do Godello. E xa falan da demanda dos seus caldos en mercados como o sueco, noruegués, suízo, danés, belga, canadense, xaponés, australiano ou brasileiro. Afirmando que os catadores máis relevantes asinten a súa aposta en criterios de autenticidade e calidade.

Amplía información

Coñece as declaracións de Gerry Dawes
 

Talvez poda interesarche
 

Coñece como se elabora o ciclo do viño en Valdeorras

Os viños de Adegas Ruchel firmán un importante convenio de importación e distribución en Brasil

Adegas Ruchel, a través da mediación da Xunta de Galicia, asina un convenio coa empresa de promoción e distribución Gmg Importaçao e Exportaçao para ofrecer os seus viños en Brasil .

A empresa brasileira Gmg Importaçao e Exportaçao, rubricou un acordo comercial para a promoción, distribución e ofrecemento en Brasil dos viños elaborados por adegas Ruchel e enmarcados dentro do selo de calidade do C.R.D.O. Valdeorras. O acto, no que intermediou a Xunta de Galicia por medio dos Conselleiros do Medio Rural, Samuel Juárez, e do Mar, Rosa Quintana, xunto co xerente de Galicia Calidade, Carlos Vila Enriquez ao que se sumo o secretario nacional de Defensa Agropecuaria do Ministerio de Agricultura de Brasil, Francisco Sergio Herrera; pechou a firma dun convenio de importación e promoción en Brasil dos produtos de catro importantes empresas do sector alimentario en Galicia.

Desta forma, Adegas Ruchel, con ampla experiencia no sector da elaboración, distribución e exportación de viños, sitúase de maneira firme nun mercado con amplías expectativas de crecemento no que ao sector do viño se refíre. E así, ve recompensado o seu exquisito mimo en salvagárla esencia pura do godello, dentro da que se rexeita o uso de fermentos que podan producir sabores e aromas impropios desta variedade; o que xa lle  o encumbrou como mellor branco de Galicia en 2010, condecorándoo co selo de "Galicia Calidade".

 

 Amplía información

Coñece Adegas Ruchel

 

Talvez poda interesarche

Coñece o proceso de elaboración do viño Godello en Valdeorras 

Bélxica, Estados Unidos e Suecia. Semana internacional a tres bandas para os viños D.O. Valdeorras

Semana internacional para os viños D.O. Valdeorras; que en tres rexións alén das nosas fronteiras reciben eloxios en forma de premios, recoñecementos e visitas.

Se hai apiques uns días falabamos do interese de importadores belgas polos viños galegos; este frutificou no certame  'Concours Mondial de Bruxelles' no que os caldos galegos brilaron con luz propia recollendo nin máis nin menos que 27 galardóns. Entre estes viños destaca Joaquín Rebolledo godello 2010, cun galardón de ouro para a súa nova colleita, o que nos transmite de maneira firme a excelencia da nova anada valdeorresa.

Mentres isto sucedía, o Consello Regulador da D.O. Valdeorras preparaba as súas armas, a calidade e o saber facer , para emprender a travesía atlántica rumbo ao Great Match de Dallas. Onde onte representou con gran éxito a calidade dos caldos españois en terras Texanas, mediante un seminario - cata, na que se enxalzaron as virtudes dos viños elaborados en Valdeorras.

E xa para concluír a semana; tamen onte, os compañeiros de vinogallego.com comunicábannos  a visita dos responsables de compra da empresa pública que ostenta o monopolio na venda de viño en Suecia, Systembolaget. Quen visitaron a denominación de orixe Valdeorras para coñecer mellor os viños galegos elaborados a partir da variedade Godello.

A comitiva está formada polos gañadores do concurso sobre viños de España organizado pola Oficina Comercial de España en Estocolmo, similar ao Nariz de Ouro, cuxo premio consiste na visita á zona vinícola do noso país que eles elixan para coñecer os seus viños de primeira man. Josef Andirik, Hans Olding e Lars Fagerber non dubidaron en seleccionar a comarca de Valdeorras, onde foron  recibidos por Guillermo Prada, responsable da adega ValdeSil, quen lles guiou polos viñedos e mostroulles as prácticas innovadoras da viticultura galega, ofrecéndolles unha cata das anadas en curso.

Foto: vinogallego.com

Esta visita non é baladí para os intereses dos viños valdeorresés no país escandinavo; xa que,  Systembolaget, xestiona un total de 430 establecementos e acapara o 90% das vendas de alcol que se realizan en Suecia.

E así se pecha esta importante semana internacional para os viños valdeorresés, desexándovos dende a nai do viño un estupendo fin de semana acompañado dun bo viño; aínda que, iso si, gozado sempre con moderación.

Amplía información sobre 'Concours Mondial de Bruxelles'
 

Coñece os viños e adegas representados polo C.R.D.O. Valdeorras en Dallas
 

Amplía información sobre a comitiva de Suecia en Valdeorras
 

Talvez poda interesarche 

Coñece a D.O.Valdeorras

Coñece os viños e as adegas que representarán mañá a Valdeorras no Great Match de Dallas

Mañá dará comezo a XVIII edición do Great Match que se celebrará en Dallas; e dentro do cal xogará un papel destacado o C.R.D.O. Valdeorras.

O Great Match é a iniciativa máis importante de promoción vinícola española no importante mercado de EE.UU. Nesta edición, e debido á gran acollida que ano tras ano reciben os viños D.O. Valdeorras neste país, o Consello Regulador Denominación de Orixe Valdeorras será o encargado, xunto a C.R.D.O.CA Rioja, de exaltar a excelencia dos viños españois no mercado vinícola de importación máis potente a nivel mundial.

Por medio dun seminario-cata, que se celebrará mañá no Old Red Musseum, en horario de 12:30 a 13:30 para D.O. Valdeorras  e 16:30 a 17:30 para D.O.CA Rioja (horario de Dallas), os dous Consellos Reguladores terán a importante misión de representar ao nutrido grupo de adegas españolas con presenza, ou esperanzas de presenza, postas neste mercado.

Da gran cantidade de viños de calidade que saen da comarca valdeorresa, seleccionáronse os seguintes para participar no acto, segundo fontes da organización de Great Match.
 

Adegas Godeval
Godeval Godello 2009
 

Adegas Virxen de Galir
Vía Nova Godello 2009
Vía Nova Mencía 2009
Pagos de Galir Mencía Crianza 2005
 

Adegas ValdeSil
ValdeSil Godello 2008
ValdeSil Montenovo Godello 2010
 

Adegas Ruchel
Ruchel Godello 2009
Ruchel Mencía 2009
 

Adegas A Coroa
A Coroa Godello 2009
 

Adegas O Casal
Casal Novo Godello 2009
Casal Novo Mencía 2009
 

Adegas Ladeira Sacra
Castelo do Papa Godello 2009
 

Preme sobre a adega para visitar a súa web e tenda online
 

Amplía información
 

Talvez poda interesarche 

Accede ás actividades que desenvolve Great Match
 

Coñece as adegas da D.O. Valdeorras

El Ibérico, primeiro xornal en español para Londres, celebra o seu aniversario con viños da D.O. Valdeorras

 A Adega Alán de Val, pertencente a D.O. Valdeorras, xunto ao Cheff Nacho do Campo; foron os seleccionados para maridar a degustación gastronómica española no acto de celebración do primeiro aniversario do xornal "O Ibérico".

O Ibérico é o único xornal quincenal escrito en español para a comunidade española de Londres. A idea de crear o xornal naceu despois dun longo proceso no que se observou a gran cantidade de españois que vivían na capital británica. Mentres outras comunidades xa dispuñan do seu propio xornal, a nosa carecía deste soporte fundamental que servise por unha banda, para informar da actualidade española e británica e por outro, para crear vínculos entre os lectores e empresas da cidade.
 
O Ibérico está presente cada quince días en máis de 100 puntos crave de Londres onde existe unha ampla presenza de españois e hispanohablantes. Ademais, son o único medio de comunicación escrito en español presente nas tradicionais caixas situadas nas estacións de metro crave como Vitoria, Charing Cros, St James Park, Queensway, Tower Hill, Baker Street, Camden Town, etc..
 
Desta forma, a adega valdeorresa segue reafirmando a gran calidade que atesouran os seus caldos tanto dentro como fóra das nosas fronteiras. Reforzando o seu posicionamento comercial no importante mercado das Illas Británicas, onde xa son coñecidas as súas excelencias.

Coñece a Adega Alán de Val

 

Tal vez poda interesarche

Coñece o resto de adegas da D.O. Valdeorras

O Consello Regulador da D.O.Valdeorras abandeirará aos viños españois en EE.UU. o próximo 19 de maio

O Consello Regulador da D.O. Valdeorras xunto ao organismo homónimo da Rioxa, serán os encargados de abanderiar aos viños españois no Great Match de Dallas o próximo 19 de Maio.

O próximo día 19 celebrarase en Dallas a XVIII edición do Great Match. De novo nesta edición terá un papel destacado o Consello Regulador da D.O. Valdeorras; que, no seu afán de achegar a excelencia dos seus caldos a todos os recunchos do mundo, presenta a nova colleita de caldos valdeorresés no mercado máis potente do sector.
 

Nun acto aberto tanto a público profesional como a público en xeral, o Consello Regulador da D.O. Valdeorras, será o encargado de transmitir as excelencias dos caldos galegos, representados polos pertencentes a D.O. Valdeorras, mediante un seminario de cata e comercio dirixido a distribuidores, winesgeeks, prensa especializada ... que se celebrará o próximo 19 de Maio, en horario de 12:30 a 13:30 (horario Dallas), no Old Red Museum , 100 Houston Street, Dallas.O acto pecharase con outro seminario de cata e comercio impartido esta vez polo Consello Regulador da D.O. Rioxa en horario de 16:30 a 17:30 (horario Dallas), tamén no Old Red Museum.

Desta forma, estas dúas denominacións de orixe serán as encargadas de introducir dunha maneira máis específica as excelencias das múltiples adegas españolas participantes, por medio duns dos  mellores brancos  e uns dos mellores tintos producidos no noso país.

Neste vídeo presentámosvos a participación da D.O. Valdeorras no Great Match celebrado en 2010 en Nova York

Reserva a túa asistencia ao Great Match

Coñece as adegas participantes no Great Match

Talvez poda interesarche 

Coñece máis sobre o Consello Regulador da D.O. Valdeorras

Os caldos da D.O. Valdeorras miden as súas excelencias ante os grandes "Gurús" do viño

Fonte da foto orixinal: FENAVIN

Os caldos da D.O. Valdeorras presentes en FENAVIN, medirán as súas calidades nun marco que se complementa coa asistencia dos grandes "Gurús" do mundo do Viño.

Hoxe dá comezo a Feira Nacional do Viño, FENAVIN,  en Cidade Real con grandes expectativas de comercio para as adegas participantes nesta V edición. Segundo datos facilitados pola organización, espérase un total de 4.500 distribuidores, dos que xogarán un papel destacado os 700 importadores chegados alen das nosas fronteiras, en representación de 50 países.  Neste marco móvese a armada valdeorresa, representada por dez adegas que contarán co apoio do Consello Regulador, en representación daquelas que non tiveron a oportunidade de asistir. Desta forma; A Coroa, Virxen de Galir, Valdesil, Sampayolo, Jesús Nazareno, Godeval, Santa Marta, Viña Somoza e Adegas do Campo afían as súas armas, que son calidade e saber facer, para lanzarse á conquista dos padais máis esixentes.

E se falamos de padais esixentes, pódese afirmar que nesta edición de FENAVIN atoparémonos con algúns deles. Xa que, segundo nos comuníca a organización, grandes nomes do mundo do viño internacional compartirán os seus coñecementos en distintas actividades estes días. Este é o caso de Jay Miller, colaborador de Robert Parker en The Wine Advocate, e un dos prescriptores máis respectados a nivel mundial; Robert Joseph, considerado unha das 50 personalidades máis influentes do mundo do viño internacional, fundador do International Wine Challenge, quen tentará desvelar as claves para coñecer os gustos dos consumidores en distintos países; ou David Seijas, catador de El Bulli, e autor de "111 viños para 2011", quen falará sobre os criterios que se utilizan no equipo de Ferrán Adriá para elixir os viños que acompañan os sorprendentes pratos que propoñen; ou Robin Goldstein, un revolucionario blogger norteamericano que, dende o seu espazo na web, The Wine Trials, loita contra as clasificacións dos grandes gurús mundiais.

Tamén diversas personalidades do mundo da cultura estarán presentes nesta cita. Entre outros, escritores como Carmen Posadas, Espido Freire, Clara Sánchez, Luís Landero, Luís Antonio de Villena, Ana Rosetti, Marta Rivera de la Cruz e Rosa Regás; actores como Antonio Resines, Concha Cuetos, Manuel Galiana ou Paco Valladares; xornalistas de recoñecido prestixio como Juan Cruz, José Ribagorda, Marta Robles ou Nativel Preciado e deportistas de primeira liña, participarán en distintas propostas durante os tres días de feira.
 

Amplía información 

 

Talvez poda interesarche
 

Coñece a D.O. Valdeorras