Os viños DO Valdeorras embaixadores do I Salón Excelencia de produtos de Galicia e Norte de Portugal

 Varios viños de adegas DO Valdeorras vestirán as súas mellores galas para participar no I Salón de Produtos de Excelencia da Eurorexión Galicia e norte de Portugal, que se celebrará na vila valdeorresa de O Barco.

O Paseo do Malecón de O Barco será escenario do I Salón de Produtos de Excelencia, que se desenvolverá os días 14 e 15 de xullo e no que varias adegas DO Valdeorras compartirán protagonismo con outros 22 produtores de Galicia e o Norte de Portugal.

Como xa adiantaramos en pasadas publicacións, algunhas das adegas máis significativas da comarca compartirán a súa excelencia dentro deste marco no que, esa mesma excelencia, serve como selo identificativo da calidade das manufacturas.

Previa confirmación oficial do montante total de adegas participantes, aventurámonos a citar as xa confirmadas:

Podes ampliar información sobre cada unha delas facendo click no seu nome

Adega Godeval

Adega Quinta da Peza

Adega Santa Marta - Viñaredo

Adega Alan de Val

Un dos alicientes que ofrece a organización, adxudicada a 'Imaxina Solucións', é o concurso popular de "montadiños". Nel poderán participar todos os interesados, que só deberán reunir un requisito: incluír nas súas creacións un dos produtos expostos no 'Salón Gastronómico'.

  Outorgaranse tres premios ás mellores creacións, consistentes noutros tantos fins de semana en Sarria, Barcelos e o Pazo do Castro barquense.

A medida que se vaía ampliando información, irémosvola transmitindo a través do blog "Un universo en cada botella" e as redes sociais de "A nai do viño"

 


Segue as últimas noticias do I Salón de Produtos de Excelencia en Facebook

Amplía información sobre a noticia

Segue as noticias dos viños DO Valdeorras en Facebook

Coñece o prestixio internacional do Godello DO Valdeorras segundo especialistas europeos

Coñece as valoracións do sector profesional norteamericano sobre o Godello DO Valdeorras

Coñece as propostas gastronómicas de vangarda que che ofrecen a DO Valdeorras e Grupo Nove

A nova adega DO Valdeorras, José Aristegui, presentará o seu viño de autor, Traste, en Auria Vinum

Fonte info: Adega José Aristegui / Adega Alan de Val

"Traste", viño de autor de Adega Jose Aristegui, será presentado en primicia no certame AURIA VINUM de Ourense, organizado pola Asociacion Galega de Viticultura.

Adega José Aristegui, despois de presentar os seus viños José Aristegui Godello e José Aristegui Mencia no certame internacional de Premios Novo Viño, facéndose acredores de senllas medallas de Bronce e Ouro respectivamente, presentará agora e en exclusividade no certame Auria Vinum de Ourense, o TRASTE, un tinto selección de cepas centenarias de Garnacha Tintorera e Mecía con crianza en barrica de carballo francés de primeiro ano.

 A Garnacha Tintorera, en Valdeorras, camiñou da par da Godello ou a Mencia durante a  historia recente relegada a un segundo plano como variedade utilizada en viños correntes ou utilizada para incrementar cor e estrutura en mesturas de tintos. É unha variedade moi estendida en toda a DO, aínda que para manifestar todo o seu potencial necesita do terruño adecuado.

As adegas DO Valdeorras,  entre elas Adega José Aristegui, coñecen ben os caprichos deste varietal, seleccionando exclusivamente uvas procedentes de viñedos centenarios situados en ladeiras de lousa e arxila. É nestes viñedos onde aparece o potencial impresionante da Garnacha Tintorera alcanzando unhas maduracións excepcionais cun bo equilibrio grao alcol /acidez. En combinación coa Mencia obtense un viño potente, fresco, con moita estrutura, redondo e saboroso. Traballado en cubas de carballo francés de primeiro ano mostra unha perfecta conxunción dos dous varietales con aromas a froitos negros e café. Desta forma, adega José Aristegui presentará un viño de Alta Expresión con moita vida por diante.

Pola súa banda, as adegas que representarán a excelencia dos viños DO Valdeorras en Auria Vinum acompañando a José Aristegui son:

Podes acceder á Web destas adegas facendo click sobre elas

Adega Alan de Val

Adega María Teresa Núñez Veiga - Bioca

Adega Roandi

Auria Vinum é un evento especializado do sector vinícola galego que se celebrará entre os días 2 e 3 de xullo, con dedicación ao sector da hostalaría e restauración en Restaurante Café Maimón (estrada de Reza, Paque do Maimón - Ourense), e o día 7 de xullo con dedicación ao público en xeral no Museo Municipal de Ourense (Rúa Lepanto 6 - Ourense)

A través desta iniciativa preténdese achegar a todos os públicos a calidade internacional que atesouran  os caldos galegos en xeral, e os das 4 denominacións de orixe ourensás en particular.

Podes reservar a túa asistencia a calquera dos dous actos a través do seguinte teléfono: 988 388 108

 

Amplía información sobre Auria Vinum

Coñece o prestixio de adegas Alan de Val

Coñece os premios internacionais de Bioca

Descobre as variedades de viños Roandi

Coñece os premios de Adega José Aristegui 

Coñece as variedades de uva DO Valdeorras

Bonito con vinagreta de Tomate seco, Mazá e Tomiño en maridaxe con Godello DO Valdeorras

O verán chegou e con el, por cortesía de Grupo Gastronómico de Galicia  "Grupo Nove" e Consello Regulador Denominación de Orixe Valdeorras, dende A nai do viño presentámosvos en exclusiva un menú gastronómico de Vangarda para que gocedes, nestas datas, da mellor gastronomía de Galicia en Maridaxe cos uns dos caldos máis de moda no panorama vinícola internacional.

Antonio Botana, prestixioso Cheff de Grupo Nove e rexente do restaurante Pandemonium en Cambados  (Pontevedra), ofrécenos esta receita típica do verán a fin de que, todos aqueles que así o desexedes, poidades gozar nas vosas casas da mellor cociña de vangarda en estreita maridaxe co prestixio dos viños DO Valdeorras.

Antonio Botana describe a súa cociña da seguinte maneira:

"A sensibilidade, a paixón e o coñecemento deben figurar con letras maiúsculas no libro de ruta desta procura inconformista e constante que entendemos que debe ser a cociña. Definímonos como os buscadores desa mensaxe que está dentro do produto. O noso único labor é descifralo e que canto máis o estudemos e canto máis profundemos nel, máis preto estaremos de atopar a súa excelencia".

Con todo iso, así nos presenta Antonio a súa receita:

O seu restaurante, Pandemonium, encádrase nun proxecto que pretende desenvolver unha cociña de autor baseada no produto autóctono e nunha procura incesante da mensaxe que a propia materia prima poida transmitir; para todo iso, enténdese como feito dunha importancia suprema o acceso directo ao produto e o estudo do mesmo para tratar de atopar a súa maior expresión. Tamén se busca como fundamentais outros factores que contribúan a que o cliente do restaurante teña unha experiencia que transcienda ao mero feito culinario, isto reflíctese nun servizo dinámico e eficaz, unha oferta vinícola de amplo espectro e unha imaxe do restaurante que complemente todo a viva esencia do pracer culinario.

Con esta primeira receita pretendemos abrir unha porta para convidarvos a que os próximos venres sigades descubrindo novas propostas gastronómicas da nova e rica cociña de vangarda galega quen, a través de Grupo Nove, preséntanse  en estreita maridaxe coa excelencia dos caldos amparados baixo o selo de calidade DO Valdeorras.


 

Amplía información sobre Antonio Botana

Coñece o menú degustación do restaurante Pandemonium

Accede á valoracióndel prestixioso crítico gastronómico "José Guitián" sobre Pandemonium

Coñece a Grupo Nove

Accede a máis receitas de maridaxes gastronómicas con viño DO Valdeorras

Ourense converterase na capital galega do viño con "Auria Vinum"

 Ourense confirmarase como un dos centros neurálxicos do viño os próximos 2, 3 e 7 de xullo, a través do evento "Auria Vinum".

Tras os primeiros avances, o acto dedicado ao gran público desenvolverase o sábado 7 de xullo a través do particular túnel do viño da capital ourensá, contando cunha ampla representación do sector do viño galego: as 4 Denominacións de Orixe situadas na provincia de Ourense, a Asociación Galega de Viticultura (AGV), Federación Rural Galega, a Asociación Galega de Sumilleres (AGASU) e Javier González representante do colectivo de Vangarda Culinaria de Galicia "Grupo Nove".

O evento, que se ampara baixo o selo institucional de "Ourense Capital Termal"

 e "Concellería de Turismo - Concello de Ourense", celebrarase no Museo Municipal da capital de As Burgas (Rúa Lepanto 6 - Ourense) , onde cada adega participante contará cun micro espazo de atención ao público.

Polo módico prezo de 5 euros, os asistentes poderán degustar a calidade de todo o amplío panorama de viños galegos; ofrecéndose, a maiores, a posibilidade de participar nunha cata maridaxe dos caldos das 4 denominacións de orixe fincadas en Ourense, todo iso dirixido polo prestixioso Cheffs da vangarda gastronómica galega e integrante de Grupo Nove, Javier González ( Restaurante a Rexidora).

 Cunha ampla representación das adegas DO Valdeorras (polo momento confirmaron a súa participación Adega Alan de Val e Adega José Aristegui, pero prevese confirmación do groso total das adegas adscritas a esta DO) presentaranse diversas propostas vinícolas, que baixo o modelo "Show Room", ofrecerán dende catas exclusivas a maridaxes gastronómicas cos máis apreciados produtos de Galicia.

A reserva de participación para a cata-maridaxe pódese realizar a través do teléfono: 988 388 108

Fai click sobre a imaxe para ampliar información

 Como complemento ineludible enfocado aos profesionais da restauración, os días 2 e 3 de Xullo realizaranse as catas dirixidas ao sector hostaleiro na contorna do Restaurante Café Maimón ( estrada de Reza, Paque do Maimón - Ourense). Esta iniciativa  realizarase baixo a batuta de Antonio Portela (comunicador especializado e prestixioso blogger) e Carlos Portela (Campión Galego de Catadores), ambos os integrantes da Asociación Galega de Sumilleres (AGASU).

Os profesionais da restauración poden reservar a súa praza de participación no seguinte teléfono: 988 388 108

Fai click sobre a imaxe para ampliar información

 A medida que se vaian facilitando máis datos, irémosvolos transmitindo a través do Blog "Un universo en cada botella" e desde as contas de Socialmedia de "La madre del vino"

Segue as últimas noticias dos viños DO Valdeorras en Facebook

Coñece as últimas noticias de Adega Alan de Val

Coñece Adega José Aristegui

Coñece ao Cheff de "Grupo Nove" Javier González

Coñece a tradición vitícola de Valdeorras

Medalla de Ouro en San Francisco para o Godello Bioca 2011

 Outra nova medalla de Ouro para o Godello DO Valdeorras desde Estados Unidos e, esta vez, nin máis nin menos que dende California  a través do concurso San Francisco International Wine Competition, quen outorgou a súa medalla de Ouro a Bioca Godello 2011, de Adegas María Teresa Núñez Vega.

Bioca 100% Godello, elaborado pola adega María Teresa Núñez Vega e quen se fixo acredor de multitude de premios internacionais para a súa colleita 2011, foi galardoado co ouro nun dos concursos internacionais máis prestixiosos en Estados Unidos.

As súas notas de cata son as seguintes: "Cor limón, estilo floral moi acusado, con xasmín e azahar. Bo nivel de acidez, intenso no medio padal, capas de complexidade e un final longo".

 O concurso San Francisco International Wine Competition é a maior e máis influente competición de viños en Estados Unidos. Os caldos son valorados por un prestixioso panel de expertos recoñecidos a nivel internacional e as cualificacións baséanse nun procedemento de cata a cegas, asegurando a integridade do concurso.

 O Concurso de 2012 foi o máis grande da súa historia, con máis de 4.500 viños procedentes de 29 países e 26 estados.

Coñece adegas María Teresa Núñez Vega

Amplía información sobre máis premios para Bioca

 Talvez poida interesarche

 Coñece como se elaboran os viños DO Valdeorras

Godello Alan de Val conquistou os padais do gran público en Cangas de Morrazo

O pasado xoves, a adega DO Valdeorras Alan de Val participou nunha cata a cegas no Mesón O Forte (Cangas de Morrazo) onde, tras compartir escena con catro significativos viños doutras DO galegas, seleccionouse á súa variedade godello como a máis destacada por parte do panel de cata.

En Mesón O Forte volveuse a ratificar a calidade do traballo que os adegueiros DO Valdeorras desenvolven na elaboración dos seus caldos e que se materializa na excelencia dos mesmos.

Nunha cata a cegas celebrada no centro de restauración de O Morrazo e onde os viños foron catados a temperatura ambiente para poder valorar en optimas condicións as características intrínsecas e varietais dos mesmos, o Godello Alan de Val foi seleccionado como o máis destacado dos viños a competición por parte dos catadores asistentes.

Á cata presentáronse 3 viños de DO Rías Baixas, 1 DO Ribeiro e 1 DO Valdeorras e os asistentes foron puntuando os caldos nas súas distintas fases de cata, outorgando as correspondentes puntuacións.

A presentación estivo a cargo de Joaquín Sánchez (Alan de Val), quen explicou as características dos viños e viñedos de Valdeorras; e Suso Boubeta (Mesón ou Forte), quen deleitou aos asistentes con tapas orixinais de creación propia e un orixinal prostre onde luciu en chocolate o nome de Alan de Val.

Adega Alan de Val é unha adega de ámbito familiar, artesanal, que se funda no ano 1993, a partir da experiencia herdada de pais e avós, adicados desde sempre ao viñedo, ao viveiro, á elaboración e venda de viños.

No ano 2006, constrúese a nova adega situada na comarca de Valdeorras e rodeada pola finca "Pedrazais". Nesta nova etapa, incorpóranse novas técnicas e coñecementos co fin de obter os mellores caldos.

Na actual eclosión dos godellos de Valdeorras, Alan de Val atópase no punto de creación de viños complexos e de altísima calidade.

En Adega Alan de Val, dan enorme importancia á viticultura. En 2006 empezaron a elaborar viños de finca, buscando a peculiaridade e a singularidade de cada viñedo.

Ademais de lograr producir godellos de altísima calidade, Alan de Val caracterízase polo gran prestixio que posúen os seus tintos, que xa sexan de variedade mencía, garnacha ou sousón, son apreciados e valorados polos padais máis esixentes do cinco continentes.

Amplía información sobre a noticia no Blog de Alan de Val

Coñece a Alan de Val

Accede ao arquivo fotográfico do acto

Talvez poida interesarche

Coñece como se elaboran os viños na DO Valdeorras

Os viños DO Valdeorras e o grupo gastronómico de Galicia "NOVE", estrean o verán con un menú de "Cinema"

Foto: David A. Panizo

Co recentemente chegado Verán, a Denominación de Orixe Valdeorras estrea, no Portal Web www.dovaldeorras.tv, a través do cal promociona, difunde e actualiza contidos, o Terceiro Vídeo Promocional dos seus Viños; que, once membros do internacionalmente recoñecido Grupo Nove, rodaron por estas terras.

Este menú enmarcado dentro do novo e último vídeo: (Bonito de Burela, Manitas de Porco Celta e Plátano Caramelizado), é, segundo os Chefs, unha aposta moi atrevida da nova Cociña Galega, idónea para maridar tanto cos viños Brancos como cos Tintos da DO Valdeorras.

O devandito menú, é creación de Grupo Nove e ideal para o verán, cun prato acorde coa tempada como é o Bonito.

Durante a presentación do mesmo, os Cociñeiros, ademais de loar os Mencías de Valdeorras, réndense aos pés dos Godellos desta terra, considerándoos "tan incribles que poden maridar cos pratos máis impensables do mundo".

As receitas,  propoñen unha ruptura ao acompañar primeiro e segundo prato (bonito e manitas de porco) con Mencía; e a sobremesa (Xeado de plátano) atrevédose a caramelizarlo con augardente de Valdeorras.

Bonito de Burela con Vinagreta Asada

Manitas de Porco Celta

 

Platano Caramelizado

O vídeo, do mesmo xeito que os anteriores xa difundidos, gravouse nunha das típicas adegas-cova da comarca e nunha das súas máis emblemáticas paraxes, co pintoresco dos seus viñedos en época  pre-outonal.

Ao comezo do mesmo, outra inédita toma aérea recente, presenta e describe ao mundo unha parte dos viñedos de Valdeorras dende o ceo. Non en balde, o portal web difúndese en tres idiomas (galego, español, inglés) e todo o material audiovisual (incluídos este tres novos vídeos) leva subtítulos en inglés na versión saxona. 

Neste terceiro e último vídeo, as imaxes aéreas recréanse, no belísimo lago que conforma o  Río Sil ao seu paso pola Rúa e Petín.

Pola súa banda, o público internacional a través da rede pode elaborar o menú deste novo vídeo na súa casa e maridarlo cos viños de Valdeorras.

A DO Valdeorras e este prestixioso colectivo da Nova Cociña Galega de Vangarda, presentan e despiden así a súa colaboración mutua para a promoción e cifusión dos Caldos de Valdeorras e da "Cociña de Vangarda Feita en Galicia".

Para iso cooperaron na produción e a realización do Tres Vídeos, que baixo o título UN UNIVERSO EN CADA PRATO, proclaman a extraordinaria maridaxe entre os daldos DO Valdeorras e as receitas de Vangarda culinaria galega, inspirada na herdanza tradicional e na calidade dos produtos da nosa terra.

O Once galardoados Chefs, dos vinte que compoñen o actual grupo, de esquerda a dereita na foto de portada: Pablo Romero, Yayo Daporta, Javier Olleros, Héctor López, Javier Rodríguez "Taky", Pepe Solla, Antonio Botana, Javier González, Miguel Anxo Campos, Alberto González e Iñaqui Bretal.

Accede ao vídeo en alta calidade no Portal Web da DO Valdeorras

Coñece as receitas que che ofrecen os cociñeiros de Grupo Nove

Talvez poda interesarche

Coñece a DO Valdeorras

Recoñecemento internacional para a nova adega DO Valdeorras José Aristegui

Adega José Aristegui, no seu primeiro ano de produción para o mercado, acaba de ser galardoada no certame Internacional de Premios "Nuevo Vino"

Adega José Aristegui, nova Adega da Denominación de Orixe Valdeorras que ten sede na Rúa, acaba de ser galardoada no certame Internacional de Premios Nuevo Vino, un do cinco Concursos Internacionais oficiais do calendario español que organiza a Sociedade Alamesa, coa Medalla de Ouro na categoría de tintos sen madeira polo seu viño José Aristegui Mencía 2011.

Tamén foi distinguido cunha mención na categoría de brancos sen madeira polo seu viño José Aristegui Godello 2011.

Adega José Aristegui é unha Adega de viños de autor, que comezou a funcionar este ano con con unha produción inicial de, aproximadamente, 6.000 botellas.

Na elaboración destes viños, a Adega selecciona coidadosamente variedades de uva de parcelas centenarias e realiza vinificacións por separado.

É o primeiro concurso ao que se presenta, coincidindo ademais coa súa posta de longo no mercado.

Obtén así resultados excepcionais nas súas dúas liñas de viños. No caso dos tintos e con este premio, a nova adega da Rúa coloca a Valdeorras por diante doutras denominacións de orixe españolas líderes en tintos.

Por mor destes premios, a adega presentará a excelencia dos seus  viños no mercado asiático en novembro, con senllas postas en escena en China e Hong Kong.

Amplía información sobre os premios Nuevo Vino

Coñece as características dos Viños DO Valdeorras

Coñece as adegas que conforman a DO Valdeorras

José Luís García Pando é reelixido presidente do Consello Regulador DO Valdeorras

Fonte: Consello Regulador DO Valdeorras / La Región

Seis dos nove membros do pleno do Consello Regulador de Valdeorras, designado nas últimas eleccións, renovaron a José Luís García Pando na presidencia.

A elección desenvolveuse o pasado luns na sede do Consello Regulador en Vilamartín de Valdeorras, coa presenza do xefe territorial da Consellería de Medio Rural e do Mar, Ricardo Vecilla. 'A colaboración da Administración autonómica co novo presidente será total', dixo, nada máis finalizar o pleno.

José Luís García Pando xa obtivo os apoios durante a pasada semana que o luns lle fixeron repetir na presidencia. O respaldo das tres adegas cooperativas (A Rúa, Ou Barco e Larouco), sumado ao do sector de adegas que encabeza José Guitián e ao seu propio voto, dábanlle cinco sufraxios, dun pleno formado por nove vocais, sumándose,  nas últimas horas, o voto da central sindical Unións Agrarias.

O presidente explicou que nas reunións previas ao pleno, un sector industrial e as adegas cooperativas alcanzaron un acordo de traballo conxunto no Consello Regulador. Asegurou que esta foi a razón da súa candidatura a unha presidencia cuio primeiro paso será crear un grupo para que os asuntos cheguen consensuados ao pleno, evitando que estean supeditados a apoios alcanzados na propia sesión. En todo caso, asegurou que este grupo 'está aberto a quen queiran sumarse'.

Desta forma, o novo pleno 2012 queda constituído da seguinte maneira:
 (fai click sobre a imaxe  para ampliar)

Amplía información

Coñece a DO Valdeorras

Coñece as funcións do Consello Regulador DO Valdeorras

A ASOCIACIÓN DE SUMILLERES, "GALLAECIA", INICIA AS SÚAS CATAS PARA AS DISTINCIÓNS GALLAECIA 2012 NA D.O. VALDEORRAS

Un ano máis, a Asociación de Sumilleres de Galicia "GALLAECIA", desprazouse a Valdeorras para cualificar a excelencia dos caldos que se amparan baixo o selo de calidade desta DO.

            O luns 11 de xuño iniciaba as súas andanzas por todos os consellos reguladores de Galicia esta asociación de sumilleres, nun esforzo que debe agradecerse aos asociados que conforman este colectivo; quen, ademais do seu traballo, poñen de seu o día de libre, cambian o día de traballo con compañeiros, ademais de dispor do seu coche e pagar gasolina. Todo iso co firme afán de apoiar e promocionar o mundo do viño e augardentes de Galicia; xa que, cando falamos de GALLAECIA, falamos de auténticos profesionais comprometidos co seu traballo e co do sector do viño galego.

As catas realizadas pola Asociación son cegas, botella tapada que unicamente coñecen os técnicos do Consello Regulador, sen os que, sen dúbida, o traballo tampouco sería posible.

Os actores principais son os viños, sen eles tampouco habería concurso e é por iso que desde o colectivo fan patente o seu máis sincero agradecemento ás adegas pola colaboración de todas as que decidiron someter os seus viños ao exame dos padais deste colectivo de Catadores.

            O panel de cata estivo constituído por: Mercedes González (presidente de Gallaecia, formadora e asesora restaurantes lucenses A Barra, Paprica e Colón), Luís Padín (vicepresidente de Gallaecia, presidente AGC, asesor vitivinícola, formador), Laura Gaioso (Tesoureira de Gallaecia, Restaurante Gaioso), Alberto R.García (secretario , Taberna Cabás en Ribadeo), Susi Nistal (Restaurante Formela León), Aurelio Váquez (Casa Aurelio, mellor proba Nariz Ouro Galicia 2012), Federica Salvador (Catador ,formadora de Monforte), Iván Pateiro (enólogo), José Angel Lamas(Porta pequena viños en Lugo), Natalia Cid (Casa de Viños Montecarlo na Coruña) , Óscar Sáez (Restaurante Coral na Coruña), Felicísimo Pereira (enólogo) e Alejandro López (Restaurante Domus na Coruña e subcampión Campionato Galego de Catadores 2012).

Presentáronse a concurso 69 mostras, 29 delas foron viños brancos do 2011 e 4 doutras anadas. Os tintos 36, 23 deles do 2011, cinco foron do 2010 e os 8 restantes doutras anadas.



As primeiras conclusións, en palabras de Mercedes González, son as seguintes:
"Se tivésemos que facer un balance global diriamos dos brancos que se presentaron moi varietales en aromas e sabores, frescos e elegantes. Os tintos con boa extracción de polifenoles,  na fase visual observouse máis intensidade de cor en xeral e en boca os taninos mostrábanse, en xeral, doces e aterciopelados. Fermosas coloraciones, aromas con moitas similitudes de froita silvestre e saborosos".

É importante apuntar que GALLAECIA non cobra por mostra presentada, a diferenza do que se fai noutros concursos. Ademais, Distincións Gallaecia é un Concurso de Viños Oficialmente Recoñecido polo Ministerio de Medio Ambiente, Rural e Mariño do Goberno de España. Desta precatas seleccionaranse os viños que pasarán a unha cata final con viños recolleitos directamente do mercado.

A valoración do acto reflíctese nas palabras do propia presidente de GALLAECIA, Mercedes González: "Como non podía ser doutra maneira, unha xornada completa e gratificante que nos puxo no camiño do que darán que falar os nosos viños e o bo sabor de boca que nos deixarán".



Coñece Gallaecia

Accede ao Blog de Mercedes González, presidente Gallaecia

Talvez poida interesarche

Coñece a DO Valdeorras