BODEGA COOPERATIVA JESÚS NAZARENO

A Bodega Cooperativa Jesús Nazareno, situada no Barco de Valdeorras, leva traballando 52 anos e está composta por 410 socios. Cabe destacar que o pasado ano as ventas da sociedade aumentaron casi un 20% dende setembro. Esta boa racha permitiu a adquisición dun robot para introducir en caixas as botellas, que costou 350.000 euros.

ADEGA CARBALLAL S.L.

A Adega Carballal S.L., localizada en Petín de Valdeorras, xurdiu coa necesidade de sacar ao mercado as súas plantacións de Godello e Mencia, alcanzando en 2008 o Acccio de Ouro para Erebo, marca de Godello e Mencía de Adegas Carballal S.L.

BODEGA ÁNGELA QUIRÓS MEDANO

A Adega Angela Quiros Medano, situada en Vilamartín de Valdeorras, posúe viñas antiquísimas que lles permiten elaborar un viño de forte bouquen e bo paladar.

ADEGA A TAPADA S.A.T.

O propietario da Adega A TAPADA, Senén Guitián, foi o primeiro viticultor que montou un sistema de calefactor anti-xeadas a nivel nacional.

Hai que destacar dous aspectos espléndidos nos viños desta adega: por unha aprte, a súa riqueza e intensidade aromática, e por outra, un paso de boca de enorme amplitude, tan pouco habitual nos viños blancos e menos aínda nos blancos de Galicia.

O segredo está sen dúbida nesas 9 Ha. De viña que rodean a adega. Un espléndido viñedo plantado exclusivamente con uva Godello que leva anos xa demostrando as enormes posibilidades desta variedade de uva, circunscrita hoxe en día á comarca de Valdeorras eq uee stivo a pnto de desaparecer.

ADEGA MELILLAS S.L.

A paixón polo viño da Adega Melillas S.L. Comeza no cultivo de viñedos propios no val de Valdeorras. As cepas centenarias cultivadas nos terreos de lousa nas ladeiras do val da Rúa gardan o gran segredo do Lagar do Cigur. A calidade dende os viñedos ata a botella é a súa filosofía.

A Adega Melillas S.L. É unha adega familiar recén construída a partir dunha vella adega reestructurada que conta cunha cova interior e unha antecova para a elaboración dos viños.

ADEGA DÍA E NOITE, S.L.

Jose Rodriguez, temperado home no mundo do viño, visionario e intuitivo entrou nas terras da zona de Valdeorras para tentar obter delas froitos de alta calidade cos que elaborar excelentes viños. Xorde así o proxecto Día- noite, adega que elabora un viño branco da Godello (Galiciano Día), representado polo sol e un tinto de Mencia (Galiciano noite), representado pola lúa.

O xeito de facer este viño reflicte con precisión os cambios experimentados polo sector nos últimos anos grazas á incorporación de novas técnicas, que compatibilizan o cultivo da viña e as tarefas de colleita e vendima ao estilo tradicional, co uso de tecnoloxías avanzadas no proceso de vinificación. O resultado: viños respetuosos coa tradición que expresan perfectamente as características das variedades coas que son elaborados.

ADEGA A COROA S.A.T.

En pleno Val de Valdeorras, xa coñecida dende a antigüidade como unha dos pasos naturais de entrada a Galicia, e en fincas localizadas na súas soleadas ladeiras, sitúase a adega A Coroa.

A adega A Coroa está situada nun punto histórico e estratéxico, por estar situada nunha zona céntrica do territorio dos Gigurri, a 200 metros dao sur pasaba a Vía XVIII e 300 ao norte a explotación aurífera A Pala.

A adega ocupa ademáis unn pequeño promontorio, de aí o seu nome Coroa ou Coroa, onde se localizaba un poblado castreño relacionado coa xa mencionada explotación aurífera.

Debido á súa situación xeográfica e a carga que ten a historia da finca, a adega foi reconstruída seguindo os máis estritos parámetros que marcaron a época: pedra, arxila, lousa e madeira.

A Coroa logrou integrar neste edificio emblemático parte da historia de Valdeorras e o entorno que lle confire a súa posición privilexiada na rexión vitivinícola.

Adegas a Coroa aposta pola convivencia coa natureza e o entorno natural dende unha conciencia ecolóxica natural, vivida dende sempre, respectando o medio ambiente como un principio vital en todas as súas accións.

Poema do viño

O poeta valdeorrés Florencio Delgado Gurriarán imaxinou unha voda entre o Godello e o Mencía á que asistirían como padriños, a Viura e o Caíño e no baile post-casorio a mellor parella foi a formada por mozo Merenzao e a Mociña Fresca, tamén participaron na cerimonia a nena Garnacha e o Brencellao e entre tanta alegría e pándega houbo algunha que outra chiscadela amorosa como foi o caso de que Coesa nena tola/ que din Vicivera, jerez, o andalús, foi de brincadeira, a pesar da oposición da nai da rapaza- a María Ordoña-. Remata este poema titulado Casorio, publicado en Galicia Infinda, de forma feliz, anunciando o nacemento dun novo rebento, e faino con estes versos:

“Fillo da Mencía
e mais do Godello,
un neno varudo
ledo e rebuldeiro
(dos que din as xentes:
arde un candieiro),
naceu, polo Cristo,
no mes de septembro”.

ADEGA QUINTA DA PEZA, S.L.

O nome deste viño ven da quinta como ''propiedade rural consistente na casa e terreo fértil arredor.'' E a Peza é o nome da propiedade da antiga Casa Grande Fontei, A Rúa (Ourense), un pedazo de terra de preto de 10 hectáreas que inclúe un dos mellores viñedos da rexión. A partir da unión de dous conceptos xorde Quinta da Peza, unha nova adega nun pago vello. Quinta naceu para dar forma á colleita da Peza, para transformar as uvas en viño. A produción da Quinta da Peza garante a exclusividade da vide e da colleita. A uva, Godello ou Mencia, nace, crece e morre no Viñedo, baixo o seu atento coidado e, en seguida, comeza unha nova vida na adega.

ADEGA O RIBOUZO, S.A.T.

A Adega O Ribouzo, S.A.T. é unha adega familiar situada en Vilamartín de Valdeorras. O obxectivo da adega O Ribouzo, S.A.T. é manter a tradición familiar da elaboración de viños adaptada ós tempos actuais.