martes, 26 de abril de 2011

Importadores de 15 países acoden á chamada de calidade dos viños e licores galegos en Vinis Terrae

Importadores de 14 países únense á comitiva belga, anunciada onte, para probar "in situ" as excelencias dos caldos galegos, na IV edición do Salón Vinis Terrae.

A crecente demanda, fundamentada na calidade contrastada dos viños de Galicia, atrae un incremento de participación de importadores estranxeiros nos salóns promocionais de caldo galego. Desta forma,  confírmase a participación, entre mañá e pasadomañá no recinto Feiral de Expourense, de importadores de 15 países, con motivo da celebración do IV salón de Viños e licores galegos de calidade "Vinis Terrae".

Á gran comitiva de importadores Belgas, anunciados onte, hai que sumar unha importante afluencia de países como Estados Unidos, do que se recibirán importadores de doce estados; México e Polonia. A eles sumaranse importadores de Alemaña, Brasil, Dinamarca, Finlandia, Holanda, Portugal, Reino Unido, Suecia, Suíza e unha ampla representación de distribuidores Españois.

As Adegas das 5 denominacións de Orixe Galegas, entre as que terán un importante papel  as valdeorresas, repartiranse o espazo dos 5000 metros cadrados do recinto feiral Expourense, para dar cumprido trato ao internacionalmente suscitado interese que día tras día espertan os caldos galegos tanto dentro como fóra das nosas fronteiras.

No hay comentarios:

Publicar un comentario