Unha adega valdeorresa faise co galardón ao mellor branco de Galicia

Ruchel Godello 2009, de adegas Ruchel, recibiu onte de mans do Presidente da Xunta o galardón que o sitúa á cabeza dos brancos galegos.

No acto de entrega de premios da XXII Cata de Viños de Galicia e XII Cata de Augardentes Galegas, celebrado onte en Monterrei,coroouse no apartado de viños brancos ao caldo valdeorres "Ruchel Godello 2009". Elaborado cun exquisito mimo ensalvagárdaa da esencia pura do godello, dentro da que se fuxe do uso de fermentos que poidan producir sabores e aromas impropios desta variedade. O galardón foi recollido por José Luís García Pando, presidente do D.O. de Valdeorras, ante a imposibilidade de asistencia da responsable da adega Inmaculada López.

Nesta entrega de premios tamén reciben galardón o tres mellores caldos de cada D.O. No caso de Valdeorras foron: "A Coroa Leas", de adegas A Coroa; "Erebo godello 2009" dá adegas Carballal e "Viñaredo, godello 2009" de adegas Santa Marta S.A.T. que recibiron o "Acio" de ouro, prata e bronce respectivamente.

Coñece a todos os premiados e amplía información premendo aquí.

Concurso de fotografía. "Paisaxe embotellado"

Fotografía artística de Mercedes González. Paisaxe embotellada, Nadal 2009-10.

Mercedes González agasállanos con esta fotografía artística, na que, segundo nos conta: "Estando a pasar o Nadal en Chapela- Pontevedra e cunha copa na man, vexo na tele un especial Valdeorras; así que, saquei unhas fotos e este foi o resultado".

Para ver a foto en alta calidade presiona aquí

Comparte a túa visión sobre o mundo do viño en Valdeorras e gana grandes premios enviando as túas fotos a:

lamadredelvino@dovaldeorras.tv

A choiva aliada do viño

As recentes choivas están favorecendo de maneira moi importante á calidade da uva.

A climatoloxía axuda o traballo dos viticultores favorecendo non só á produción, senón tamén á calidade. As previsións meteorolóxicas, que nos achegan unha remisión da pluviosidad nos próximos días; xogarán un papel importante, sobre todo en aspectos de calidade, sometendo ás plantas a un estress hídrico que facilitará a maduración e aumentará o contido de fenoles, compoñentes responsables dos aromas do viño. Co que, a pesar de non superarse a produción de anos anteriores, os aspectos de calidade son claramente optimistas.

Amplía información aquí

Concurso de fotografía. "O presidente na copa"

Fotografía artística de Mercedes González. O presidente na copa, Nadal 2009-10.

Mercedes González agasállanos con esta fotografía artística, na que, segundo nos conta: "Estando a pasar o Nadal en Chapela- Pontevedra e cunha copa na man, vexo na tele un especial Valdeorras; así que, saquei unhas fotos e este foi o resultado".

Para ver a foto en alta calidade preme aquí

Comparte a túa visión sobre o mundo do viño en Valdeorras e gana grandes premios enviando as túas fotos a:

lamadredelvino@dovaldeorras.tv

Concurso de fotografía. "Petín"

Fotografía de María José González. Petín, 4 de setembro de 2010.

Fotografía que nos mostra a beleza paisaxista desta zona, nunha das súas imaxes máis características e significativas.

Para ver a foto en alta calidade presiona aquí

Comparte a túa visión sobre o mundo do viño en Valdeorras e gana grandes premios enviando as túas fotos a:

lamadredelvino@dovaldeorras.tv

Cepas centenarias inauguran a vendima galega

A vendima galega deu comezo onte en Valdeorras coa recolección da variedade godello en cepas de máis de 120 anos.

A adega Valdesil, na súa finca de Pedrouzos (Vilamartín), deu inicio onte aos traballos de recolección de godello. Tras realizar concienzudos análise que garanten o óptimo estado de maduración da uva, a adega valdeorresa foi a pioneira en dar inicio á vendima 2010 na comunidade galega. O motivo que fai que esta adega se coloque á cabeza do resto da comunidade, faise patente na idade das súas cepas. Nun ano no que as tardías xeadas e a sequia a atrasado a maduración, estas plantas, con máis de 120 anos, puideron facer fronte ás inclemencias obtendo maiores nutrientes da terra, grazas ás súas raíces de máis de 20 metros.

Hoxe, agárdase un paro no proceso que se estenderá até o vindeiro xoves, debido ás choivas; que se augura que melloren, aínda que en leve medida, a produción das zonas máis castigadas pola seca.

Coñece mellor as adegas e os viños aquí.

O vindeiro seis de setembro comeza a vendima na comarca de Valdeorras

O seis de setembro é a data seleccionada por unha das adegas da Denominación de Orixe Valdeorras para comezar a recollida da uva. O pasado ano, nesa mesma data, cinco embotelladoras comezaran o traballo e outras tres ultimaban os preparativos para empezar. O atraso do inicio da vendima este ano foi achado ás adversas condicións meteorolóxicas, sobre todo á sequía, en palabras de agricultores da comarca.

As dificultades coas que se presenta a campaña foron subliñadas polo director técnico do Consello Regulador, Jorge Mazaira, quen indicou que a vendima se presenta 'moi desigual' para as viñas da Denominación de Orixe. 'A unhas afectoulles a xeada e a outras, situadas a 100 metros, non lles tocou', comentou.

A pesar da sequía, as fortes xeadas e os bruscos cambios de temperatura, existen factores positivos que benefician á vendima vindeira. A tormenta durante a xornada de onte trouxo fortes precipitacións que foron recibidas con xúbilo por parte dos agricultores e adegueiros.

Gallaecia 2010 premia os mellores caldos galegos

44 viños das 5 Denominacións de Orixe galegas repártense, en igual medida, o Galardón Gallaecia 2010 , que conta co recoñecemento Oficial do Ministerio de Medio Ambiente, Medio Rural e Mariño do Goberno de España.

Un total de 107 caldos déronse cita onte en Silleda para optar aos Galardóns Gallaecia 2010. Estes caldos, seleccionados finalistas, foran valorados previamente pola Asociación de Sumilleres de Galicia en paneis de cata realizados nos meses de maio, xuño e xullo, dentro dos Consellos Reguladores de cada unha das cinco D.O galegas. Na cata final, realizada onte por un panel no que participaron dez catadores, outorgáronse os galardóns a 44 viños das cinco D.O.

O significativo dos galardóns é a equidade que se conseguiu en Valdeorras e en Monterrei entre brancos e tintos; con similar e igual número de galardóns respectivamente. Feito que nos transmite a excelente elaboración de caldos que se realiza nestas zonas coas diversas variedades de uva.

Para coñecer os galardoados preme aquí.

As Denominacións de Orixe Ourensás esperan manter, mesmo aumentar, a produción mellorando a calidade.

As Denominacións de Orixe ourensás afrontan as xornadas previas á recolección con diferentes perspectivas, pero sempre pendentes da climatoloxía.

Mentres que no Ribeiro e Monterrei espérase superar e manter a produción do ano pasado respectivamente. En Valdeorras, aínda que cun leve descenso; Jorge Mazaira, técnico desta denominación, espera achegarse ás cotas de cinco millóns de kilográmos colleitados en 2009. Afirma, que aínda que o estado produtivo dos viñedos é desigual devido ás tardías xeadas, a calidade e o estado sanitario son excelentes.

A gran damnificada da provincia é a D.O Ribeira Sacra, xa que o ataque do fungo mildiu, produciu importantes estragos naquelas viñas nas que non se tomaron as pertinentes medidas ao seu debido tempo.

Esta información vén suavizar en gran medida os datos facilitados polo Observatorio Español do Mercado do Viño (OeMv) que auguraban un descenso produtivo moi importante na comunidade galega.

Ampla información aquí.

Galicia espera unha das peores colleitas no tocante a producción dos últimos anos.

As previsións auguran unha produción próxima aos 0,85 millóns de hectolitros de viño, un decremento do 7,2 % con respecto á campaña anterior.

Mentres que a produción xeral do país aumenta en case un 1%, a extrema climatoloxía desta tempada fai que a produción de viño en Galicia poida reducirse en máis dun 7%. Aínda que os estudos realizados polo Observatorio Español do Mercado do Viño (OeMv) son cualificados polo Ministerio de Medio Ambiente, Medio Rural e Mariño de prematuros; todo fai pensar que a situación en Galicia pode agravarse, aínda máis, se a climatoloxía continua sen variar.

Para ampliar a información preme aquí.