Concurso de fotografía. Tit:"O futuro que nos queda que agardar"

Fotografía de Jose Pereira. Vilamartín de Vadeorras con motivo da Ruta dás Covas. 7 de Agosto de 2010.

Jose Pereira inaugura o noso concurso fotográfico con esta belísima achega, que define na súa esencia a mirada de continuidade cara ao futuro da milenaria cultura e tradición valdeorresa.

Para ver a foto en alta calidade presiona aquí

Participa no concurso e gana grandes premios enviando as túas fotos a:

lamadredelvino@dovaldeorras.tv

Colleita de Valdeorras 2009 cualificada de "MOI BOA"

Nos temas tratados polo Consello Regulador da Denominación de Orixe de Valdeorras imperou o consenso xa que as todas as propostas que se trataron foron aprobadas.

No referente ás vendimas contratouse un convenio cunha potente aseguradora para adquirir un seguro de responsabilidade civil con todos os traballadores que serán contratados por unha empresa de traballo temporal. Outro punto a tratar, que tamén se levou a bo termo, era a cualificación de viños reserva solicitada pola adega "Pagos de Galdir" para as anadas 2003 e 2006. O colofón final do bo traballo que está a realizar o Consello Regulador veu da cualificación de Moi Boa á colleita de 2009.

Para ampliar información clicka aquí.

Xa está aquí A Ruta das Covas!

Como todos os primeiros sábados de Agosto, este sábado a partir das 20.00 celébrase en Vilamartín de Valdeorras A Ruta dás Covas.

Esta festa, que é probablemente una das de maior repercusión internacional do panorama ourensán, este ano contará con máis de 45 covas nas que degustar os excelentes viños da zona acompañados de deliciosos bocados típicos da terra. No referente á asistencia espéranse bater todos os records, sumando ao presidente da Xunta de Galicia entre os asistentes.

Presiona aquí para ver o vídeo.

Lembrámosvos que podedes compartir as vosas fotos e gañar grandes premios enviandoas a:

lamadredelvino@dovaldeorras.tv

Degustación en A Coruña dos viños galardoados no Concurso de Viños do Noroeste

Hoxe, a partir das 18.00 horas, no Restaurante da Domus, Museo Científico-Casa do Home, terá lugar a presentación dos viños premiados no Concurso de Viños do Noroeste.

Neste evento, que coincide coa semana grande das festas da cidade herculina, poderanse degustar os viños gañadores do III Concurso Internacional de Viños de Noroeste, entre os que se atopan caldos das denominacións de orixe Ribeira do Douro, León, Ribeira Sacra, Monterrei, Ribeiro, Rías Baixas, Bierzo e por suposto Valdeorras. Desta última Denominación de Orixe destaca entre os premiados "MEMORIA DE VENTURA, MENCIA 2009" de Adegas a Pinguela, gañador dun "Gran Ouro" na cata.

Para coñecer todos os viños premiados presiona aquí.

A Ruta dás Covas de Vilamartín contará este ano con máis de 45 covas

Máis de 45 covas, dun total de 150 que posúe o Concello valdeorres, abrirán as súas portas aos visitates na XIV edición da Ruta dás Covas de Vilamartín.

Esta edición, na que se esperan máis participantes que nunca, dará comezo 20.30 do próximo sábado cando se fará entrega dos panos identificativos e dun plano para evitar que alguén poida perderse. Ademais, con cada entrada repartirase unha cunca, para ir probando os viños que se degustasen ao longo de todo o percorrido e que este ano se servirán acompañados de petiscos. A festa concluirá na Rodeleira amenizada polos grupos "Os Brothers" e "Bukowsky Blues Trío".

Se queres compartir as túas fotos e ademais gañar grandes premios, envianos as túas imaxes dixitais a:

lamadredelvino@dovaldeorras.tv

Bodegas que participarán na XIII Feira do Viño de Valdeorras

Confirmadas as adegas participantes na XIII Feira do viño de Valdeorras son as siguientes:

• Adega Alan SAT
• Adega Cepado SL
• Adega A coroa SAT
• Adega Carballal
• Adega Chan de Ouro SL
• Adega da Pinguela SL
• Adega Melillas SL
• Adega O Casal SAT
• Bodega Cooperativa Virgen de las Viñas
• Bodega Cooperativa Sta. María dos Remedios
• Bodega Germán Rodríguez Salgado
• Bodega Sampayolo
• Bodega Santa Marta SAT
• Bodegas Ruchel SL
• Adega Avelina SAT
• Adega Quinta da Peza
• Bodega Cooperativa Jesús Nazareno
• Bodega Eladio Santalla Paradelo
• Bodega Jesús Rafael RGuez Nuñez
• Bodegas Virxen de Galir SAT
• Joaquín Rebolledo SA
• Viña Somoza Bodegas y Viñedos SL

Coñéceas mellor premendo aquí.

Primeiros avances na Crianza de viño en Carballo Galego

A maduración de viño en carballo; proxecto realizado pola Escola Superior Politécnica de Lugo en colaboración coa Universidade de Castela León e na que participan DO Valdeorras e adega Algueira (Ribeira Sacra), comeza a ofrecer os primeiros resultados positivos.

Dende a época dos Romanos non se volveu a usar o carballo autóctono de Galicia namaduración de viños. Pero en 2008, da man de Ignacio Díaz Maroto e o seu equipo da politécnica lucense, emprendeuse a recuperación desta madeira, e así, 225 litros de viñoMencía repousan en catro barricas bordalesas elaboradas con madeira de roble galego (Carballo).

Aínda que haberá que esperar até 2011 para coñecer datos realmente fiables, pódeseafirmar que os primeiros estudos achégannos expectativas moi esperanzadoras. En primeiro lugar, os caldos están a manter moi ben a súa calidade tanto en gradación alcohólica como en cantidade de volátiles e os tánitos específicos que achega esta madeira van moi ben para este tipo de viños. Con isto, o profesor Ignacio Díaz Maroto, atrévese a afirmar que o Carballo galego non ten nada que envexar o americano nin ao francés; e que, se todo sae segundo o previsto, pronto se comezará a experimentar con outras especies autóctonas galegas.

Para coñecer máis preme aquí.

Salustiano Mato aposta pola creación dun ciclo enológico no campus ourensán

O novo reitor da Uvigo, Salustiano Mato, anunciou a súa intención de crear un ciclo superior de Enoloxía, enfocado á explotación da riqueza vinícola das provincias de Ourense e Pontevedra.

Con esta oferta formativa, que se situaría no Campus ourensán, o reitor pretende dar énfase á proliferación da calidade do sector vinícola en Galicia; ademais, daríase resposta a unha antiga demanda dos presidentes do catro denominacións de orixe ourensáns. Salustiano propuxo que de levarse acabo o proxecto, o sector empresarial vinícola xogaría un papel de enorme importancia na oferta formativa.

Amplia información premendo aquí.

PROGRAMA DA XIII FEIRA DO VIÑO DE VALDEORRAS

XOVES 12 DE AGOSTO

ÁS 19:00 HORAS : Precata da XI Cata da XIII Feira do Viño de Valdeorras

VENRES 13 DE AGOSTO

Ás 11:00 horas Final da XI Cata da XIII Feira do Viño de Valdeorras

Ás 22:00 horas Cea Oficial da XIII Feira do Viño de Valdeorras, na que se fará entrega dos premios ás adegas gañadoras da XI Cata da XIII Feira do Viño de Valdeorras

SÁBADO 14 DE AGOSTO

Ás 12:00 horas Apertura do Recinto Feiral

Ás 12:30 horas Inauguración da XIII Feira do Viño de Valdeorras polas autoridades

Ás 14:00 horas peche do recinto

Ás 19:00 horas Reapertura do Recinto para a degustación dos Viños de Valdeorras

Ás 22:30 horas Peche do Recinto

DOMINGO 16 DE AGOSTO

Ás 12:00 horas Apertura do Recinto Feiral

Ás 12:30 horas Inauguración da XIII Feira do Viño de Valdeorras polas autoridades

Ás 14:00 horas peche do recinto

Ás 19:00 horas Reapertura do Recinto para a degustación dos Viños de Valdeorras

Ás 22:30 horas Clausura da XIII Edición da Feira dos Viños de Valdeorras

NOTA: GRATUITAMENTE IMPARTIRANSE NO STAND DO CONSELLO REGULADOR CURSOS DE INICIACIÓN Á CATA. OS INTERESADOS DEBERÁN INSCRIBIRSE NA TAQUILLA DO RECINTO FEIRAL (AFORO: 12 PERSOAS)

Medio Rural protexe o viño de calidade fronte os caldos xenéricos

As adegas que elaboren viños de mesa á marxe dunha denominación de orixe (D.O.) ou identificación xeográfica protexida (IGP) deberán solicitar unha autorización á Xunta para incluír no seu envase referencias ao uso de variedades autóctonas de uva.

A exclusión de toda indicación sobre as variedades autóctonas na etiquetaxe de viños sen denominación de orixe protexida nin indicación xeográfica baséase en "criterios obxectivos e non discriminatorios"cos que, "velando pola competencia leal", trátase de que tanto a produción como a comercialización do viño se axústen ó máximo aos criterios europeos, segundo nos comunica o secretario de Medio Rural Samuel Juárez