Os viños da D.O. Valdeorras seguen recollendo premios
e recoñecementos, nesta ocasión, en Bacchus 2014, Madrid, sendo a D.O. máis
premiada da Provincia de Ourense.
Bacchus consegue reunir durante catro xornadas a un gran
elenco de expertos catadores de recoñecemento mundial, que conforman o
plantel do xurado da cita. Máis dun centear de nomes propios, de distintas
procedencias, entre os que hai, periodistas especializados, sumilleres,
enólogos, Masters of Wine, Masters of Sommelier, unha selección de luxo para
evaluar e recoñecer a calidade dos viños presentes en Bacchus.
Das catro Denominacións de Orixe, existentes na provincia
Ourensana, a D.O. Valdeorras foi a máis premiada, e de este modo, ata o oriente
ourensano virán cinco distincións, dúas
na categoría de Bacchus de ouro,
para Viña Somoza, por Neno Viña Somoza sobre lías (2012), e para La Tapada, por
Godello Guitián sobre lías (2012); e tres na de Bacchus de plata: para Alán de Val polo seu godello do 2013, María
Teresa Núñez polo Bioca godello 2013 e Joaquín Rebolledo por Joaquín Rebolledo
tinto barrica 2012.
Os nosos parabéns a todos
e cada un dos premiados, uns excelentes resultados que veñen a recoñecer o
esforzo, traballo e dedicación de cada adegueiro. Un éxito
rotundo para os viños da DO Valdeorras. ¡Noraboa!
Bodega A Tapada S.A.T. · Bacchus Oro 2014 · Godello Guitián sobre lías
Viña Somoza bodegas y viñedos S.L. · Bacchus Oro 2014 · Neno Viña Somoza
Adega Alán S.A.T. · Bacchus Plata 2014 · Alán de Val Godello
María Teresa Núñez · Bacchus Plata 2014 · Bioca godello
Joaquín Rebolledo · Bacchus Plata 2014 · Joaquín Rebolledo tinto barrica
No hay comentarios:
Publicar un comentario