Os viños DO Valdeorras, en compañía de DO Bierzo e DO viños de León, foron os encargados de dar o pistoletazo de saída á Feira Agroalimentaria de Bembibre.
Con motivo da Feira Agroalimentaria de Bembibre celebrada o pasado fin de semana na comunidade de León, uns dos viños escollidos para dar o pistoletazo de saída a unha das feiras máis importantes da comunidade foron, de novo, os caldos amparados baixo o selo de calidade DO Valdeorras.
Tras o acto inaugural, que se levou a cabo o pasado venres día 10 de Febreiro, uns dos caldos máis de moda no panorama internacional uníanse cos seus homónimos, pertencentes ás DO Bierzo e DO viños de León, nunha cata que mostrou as excelencias dos caldos desta magnífica zona do noroeste peninsular.
Mentres se celebraba este acto, os preparativos de participación no Forum Gastronómico de Santiago non cesan. Unha das citas máis destacadas do sector no panorama nacional, e que cada ano se reparten Cataluña e Galicia, contará un ano máis coa presenza da DO Valdeorras.
Dentro dun marco no que o viño galego xogará un papel destacado. As excelencias dos caldos valdeorresés volverán ter unha posición preponderante nos actos que se celebrarán entre os días 26 e 28 de Febreiro en Santiago de Compostela.
Entradas
No hay comentarios:
Publicar un comentario