Tres das maiores expertas de cata de viños en España achegan ao público coruñes os seus coñecementos

Mercedes González - Foto: La Voz de Galicia

Mercedes González, presidenta da asociación de Catadoras de Galicia; Andrea Alonso, premio nariz de ouro 2010 e Isabel Mijares, presidenta da asociación española de xornalistas do viño; impartirán unha cata aberta o sábado 20 novembro no Palacio de Congresos da Coruña.

Esta actividade que se integra dentro de VI edición dos viños e Augardentes de Galicia que se celebra desde hoxe luns até o vindeiro sábado día 20; complétase con diversos actos que comezan hoxe, con cursos de catas impartidos polos máximos responsables técnicos dos diferentes D.O. galegas, e que culminarán o sábado co Salón de viños e augardentes de Galicia.

Ademais desta oferta, outro dos actos destacables nesta edición, é a presentación do proxecto de investigación que está a levar acabo o Profesor Díaz Maroto e a USC sobre a crianza de viños en Carballo autóctono de Galicia.

Está edición iniciará o seu peche o sábado a partir das 20.00 horas cunha velada amenizada por diversos músicos de Jazz da cidade herculina, que acompañarán aos asistentes até as 24:00 horas, cando se dará por clausurado o evento.

Coñece máis información sobre a edición de viños e augardentes de Galicia facendo click

   

Amplía información sobre a crianza de viños en Carballo de Galicia