O director técnico da D.O. Valdeorras descríbenos o proceso de elaboración da "Xoia da Coroa": os Tostados de Valdeorras

Fotografía cortesía de Rosa Veiga

Segundo nos comenta Jorge Mazaira, máximo responsable técnico do Consello Regulador de Valdeorras, o ensaio iniciado hai dous anos cobra forza nos últimos meses

O coidadísimo e delicado proceso debe seguir un estudo exhaustivo e minucioso; xa que, como nos adianta Jorge:

  "En primeiro lugar hai que axustar os tempos de pasificación da uva para elaborar os tostados. Durante este proceso débense analizar coidadosamente a variación dos compostos fenólicos para ir definindo os aromas finais; e así, lograr discernir se proveñen da pasificación ou do proceso de fermentación e envellecemento.

Posteriormente analizaranse os composto aromáticos para valorar a posible evolución do tempo; a fín de definir o perfil aromático dun viño doce por pasificación da uva.

Outro dos detalles que se deben destacar na análise é o estudo visual da uva para diferenciar a pasificación de uvas colgadas e uvas en caixa.

E final mente, todo o ensaio debe repetirse varias veces para eliminar o factor azar"

Con este elaboradísimo proceso, téntase recuperar unha variedade de caldos presentes na zona o século pasado; e que se foi perdendo polo alto custo de produción que estes viños conlevan.

Pódeche interesar

Coñece as variedades de uvas da D.O. Valdeorras facendo click