A estrela do día: o río Bibei

Afluente do Sil, o Bibei coñécese fóra das nosas fronteiras gracias á ponte romana construida na época de Trajano: A Ponte de Bibei, monumento Histórico Artístico Nacional. A través deste río e baixando polos codos do Larouco os romanos transportaban o viño para que chegase ó César a Roma.

A-DI-VIÑAS DO DÍA I

Que moeda de cambio era utilizada en Valdeorras na antigüidade?

A-DI-VIÑOS DO DÍA I

Con que materiais se fabricaban os envases de viño antes da aparición do vidrio?

I: Curiosidades de Valdeorras

Sabías que estudos arqueolóxicos sinalan que foi Lucio Pompeyo Reburro quen plantou a primeira cepa en Valdeorras?

I: Curiosidades da botella

Sabías que os exipcios xa coñecían o vidrio e que as botellas para o viño eran utilizadas xa polos romanos pero únicamente a modo de garrafa ou xerra para a mesa e non para o seu transporte?

I: O universo de Valdeorras

É opinión xeralizada que a vide productora de uvas, as Vitis viniferas, foi traída a Galicia polos romanos, ou ó menos que eles fomentaron o seu cultivo.

I: O universo da botella

Na antiga Roma co término ampulla, botella, designábase unha vasixa que tivera forma e que estivese feita de calquera material pero sobre todo o nome servía para designar un recipiente con pescozo longo e estreito e o corpo inchado. Nas excavacións da cidade de Roma encontráronse botellas de modelos moi diferentes.

A estrela do día: o río Sil

Nas ribeiras do Sil, aparte do cultivo de grandes extensións de viñedo, levábase a cabo a extracción de pepitas de ouro. Na época romana construíuse un inmenso túnel excavando a montaña, no lugar de Montefurado, coñecido como “Boca do Monte”, co obxectivo de desviar o curso do río e poder extraer o ouro que este arrastraba lavando o lodo da antiga cunca. Din os expertos que só das minas de As Médulas foron excavadas casi 100 toneladas de ouro durante a súa ocupación. Boa parte destas colleitas foron trasladadas ata Roma.

Para saber máis, prema nas seguintes ligazóns:

http://www.valdeorras.com/turisticas/

http://www.concellodequiroga.com/gallego/prin_gal.html

Foto Rosa Veiga

A estrela

A nai do viño é o poso e sedimento que se forma no fondo dos toneles, está formado polas impurezas da uva e restos do lévedo e elimínase por trasvases. O seu aroma recorda un pouco ó lévedo do pan.

Benvidos!

O noso blog quere abrir unha xanela ao mundo para presentar a Valdeorras como a nai do viño capaz de crear un universo en cada botella. E isto é dicir, que a tradición vitícola de Valdeorras remóntase á época romana. Ó abeiro dun microclima mediterráneo-oceánico, os romanos plantaron viñedos e construiron lagares, dando así orixe a unha cultura, hoxe secular, no coidado da viña.

Dende aquela época ata os nosos días, o arduo camiño percorrido polos viticultores e elaboradores foi dando os seus froitos ata conseguir que, a través da suma de tradición e innovación, os viños de Valdeorras sexan exportados aos cinco continentes.

A comarca, composta por nove concellos (A Rúa, A Veiga, Carballeda, Larouco, O Barco, O Bolo, Petín, Rubiá e Vilamartin), dispón de explotacións vitícolas, en todos eles, exceptuando A Veiga. As 1.300 hectáreas de viñedos actuais dotan a Valdeorras dunha singularidade única e a calidade dos seus caldos convértena nunha comarca onde o viño chega a ser a máxima expresión do sentir dunha terra, abandeirando a súa esencia nunha botella.