A estrela do día: Portomourisco

Portomourisco é unha parroquia pertencente ó concello de Petín (Valdeorras), ten a pecularidade de ser un emprazamento moi rochoso, situado á beira do Xares. Por iso se pensa que a súa primeria parte provén de portu, por referencia a un porto ou paso fluvial; o vocábulo mourisco pode vir de mor, “pedra”, en atención ó carácter pedroso do lugar, visible perfectamente no corte feito pola canle do río. Ante isto debemos dicir que na comarca de Valdeorras o 55% dos topónimos son latinos, existen tres árabes e o resto son prerromanos.