Os viños DO Valdeorras pechan o ano creando unha grande repercusión internacional

O éxito da presentación en San Sebastián Gastronomika, a visita dende Mendoza (Arxentina) do xornalista José Bahamonde, as grandes cualificacións do estadounidense Stephen Tanzer e a repercusión do Salón dos Mellores Viños de España, engrandecen a emerxente figura dos viños DO Vadaldeorras a nivel Internacional.

Grandes expectativas para os viños DO Valdeorras que pechan outubro de 2013 coa promesa dunha colleita de gran calidade e, en adicción,  completan estes datos cunha  excepcional tirada de prestixio a nivel internacional en diferentes eventos nos que a DO tomou parte. 

Se ao datos referentes das cualificacións de grandes Gurús do Viño (véxase: José Peñín e Stephen Tanzer) sumamos os éxitos de San Sebastián Gastronomika e a visita do reputado xornalista arxentino José Bahamonde, atopámonos coa realidade cotiá duns viños que están á vangarda dos máis prestixiosos padais a nivel internacional.

Así e para dar cumprida información dos datos a este respecto, ampliámosvos a información referente á a recepción de José Bahamonde en Valdeorras e a posterior visita do Consello Regulador a San Sebastián .

Recepción a José Bahamonde en Valdeorras

Como vimos contando, a DO Valdeorras non cella no seu "depertar de intereses" a nivel internacional e, esta vez, foi na ilustre figura do reputado xornalista, fotógrafo, poeta, deseñador e viaxeiro José Bahamonde.

A personalidade polifacética de "Jose" toma forma a través do seu programa de radio "In Vino Veritas", que non só ilustra ao pobo arxentino na internacional cultura vinícola, se non que, dende unha dos berces da viticultura internacional como é Mendoza  en Arxentina, marca tendencia en toda Sudamérica e países de fala hispana.

Talvez e para os neófitos na materia, parte do referendo internacional vén da man dun dos seus colaboradores, Alejandro Vigil, quen é considerado unha das persoas máis influentes no mundo do viño segundo a Decanter Power List 2013, lista que edita a homónima publicación británica Decanter.

Previas conversacións de "@elJosedelaGente"  á súa visita á DO Valdeorras, celebrada o pasado 3 de outubro, este comunicador facía patente a súa declaración de intencións a través das seguintes palabras "Valdeorras é para min o punto máis importante nesta visita a España e Portugal. Como embaixador do viño, desconten que levarei a vosa mensaxe ao mundo".

Con iso, foi recibido por Jorge Mazaira, director técnico do Consello Regulador DO Valdeorras, quen actuou de mestre de cerimonias e gran anfitrión do equipo de "In Vino Veritas".

Foto cortesía: @elJosedelaGente

Segundo nos explicou Jorge, "Foi un auténtico pracer recibir a José Bahamonde e a súa compañía ... Tivo a oportunidade de probar gran cantidade de viños, onde apreciou as pequenas diferenzas entre uns  e outros, destacando o elevado nivel  de todos eles e a diferenciación cos do resto do mundo. Ademais, visitou viñedos e quedou sorprendido da dificultade de cultivo da vide, nada comparable coas extensións de viñedo en Arxentina".

Con isto, o Consello Regulador ofrece o seu máis caloroso agradecemento a Jose e ao equipo de "In Vino Veritas" pola súa visita.  

Aquí tedes a vosa casa amigos !!! 

San Sebastián Gastronomika 2013

Ademais, durante os días 7 a 9 de outubro, déronse cita en San Sebastián as primeiras espadas da cociña nacional e internacional onde, nesta edición da soada cita gastronómica, a cidade convidada foi Londres.

Por alí, ademais dos nacionalmente mediáticos: Juan María Arzak, Joan Roca, Martín Berasategui, Pedro Subinaja, Carlos Arguiñano ou o "Top Cheff" Ángel León (co seu inseparable Alberto Chicote); pasaron tamén reputadas figuras da cociña internacional, a través da presenza de nomes como: Atul Kochlar, Anna Hansen, Chef Peng, Corey Le, David Stamford ... así até unha interminable listaxe dos máis reputados do sector.

Pola súa banda, o Stand do Consello Regulador e nesta ocasión,  foi conformado por representantes das Adegas: Virxen de Galir, Coop. Jesus Nazareno, Adega Avelina SAT. , Adegas Roandi e o propio Consello Regulador, onde había referencias de 10 adegas máis que, por labores de recolección, non puideron asistir. En definitiva, unha aposta clara por parte da DO Valdeorras de achegarse ao publico e aos máis prestixiosos profesionais da restauración internacional.

Na Stand DO Valdeorras déronse cita dende cociñeiros , restauradores , xornalistas e catadores até o máis esixente público que valorou e encumiou, un ano máis, a aposta pola calidade DO Valdeorras.

Foto Cortesía: Adega Avelina

Entre eles, destacar a presenza de Cristina Alcalá,  xornalista especializado no mundo do viño, o Sumiller do laureado restaurante de Kike Dacosta, o Presidente da Asociación de Catadores de Murcia e a ilustre figura  de Sarah Janes Evans , xornalista británica e Master of Wine,  que destacou "o grande aprecio que se procesa polos viños  DO Valdeorras no Reino Unido" e que aconsellou  "a aposta da Denominación de Orixe por este mercado, onde se valora a calidade e págase a exclusividade dos viños DO Valdeorras". 

Toda unha declaración de intencións da que, a recado, tomarán cumprida nota as adegas DO Valdeorras e da que vos iremos informando a través da nai do viño.

Coñece o prestixio dos viños DO Valdeorras en Europa

Coñece o prestixio dos viños DO Valdeorras en Estados Unidos

Coñece o prestixio dos viños DO Valdeorras en Xapón

Coñece a DO Valdeorras

A colleita 2012 da DO Valdeorras namora en Suíza

Máis dun cento de profesionais do sector Suízo acudiron á cita cos viños DO Valdeorras en Zúric, onde se eloxiou a nova colleita.

Nun acto no que se suscitou ademais unha gran expectación entre o público en xeral, as valoracións do Consello Regulador DO Valdeorras cualifican de moi positivo esta presenza promocional en terras helvéticas.

 "Somos conscientes do clima de incerteza que vive a economía en xeral, por iso, o feito de poder contar coa presenza de público xerada en Suíza fala de forma clara da evolución e fama que os viños DO Valdeorras están a alcanzar no exterior" explica Jorge Mazaira, director técnico do Consello Regulador DO Valdeorras.

"Que unha cita encarada ao sector profesional reciba unha máis que notable afluencia de público xeral, mostra o gran interese que suscitan os viños DO Valdeorras no consumidor final. Feito que consideramos moi positivo, xa que os nosos viños son coñecidos e valorados por quen realmente os consumen" engade Jorge.

Con respecto á valoración da nova anada 2012 DO Valdeorras, as cualificacións de expertos e asistentes seguen avalando a traxectoria ascendente dos últimos anos " Como ven sendo habitual, os brancos, despois do aval e excelentes críticas por parte dos principais diarios internacionais - The New York Times (EE UU) e The Times (Reino Unido)-, foron valorados polos asistentes dada a súa gran personalidade e diferenciación cos demais brancos do  mundo" engade  Mazaira.

Sendo os tintos os grandes protagonistas do Salón este ano. " os máis de 120 asistentes - distribuidores, importadores e consumidores finais - encomiaron principalmente as excelencias dos nosos tintos, atopándoos moi frescos, agradables e de perfecta maridaxe coa súa gastronomía", finaliza o director técnico.

Con este balance positivo péchase a presentación DO Valdeorras en Suíza, pondo xa as miras nas próximas citas de Cidade Real e Xapón do 7 ao 9 de Maio e do 12 ao 14 de Maio, respectivamente. 



Coñece as adegas DO Valdeorras presentes en Suíza

Coñece as valoracións de The New York Times sobre o Godello DO Valdeorras

Coñece as valoracións de The Times sobre o Godello DO Valdeorras

Coñece o mellor tinto xove de España

Coñece a DO Valdeorras

Máis de 500 integrantes do sector vinícola asturiano reforzan a irmande con Valdeorras a través dos viños da DO galega

Foto: Jorge Mazaira

 Novo éxito para a embaixada da DO Valdeorras en Xixón quen, a través dos seus viños, consegue un novo éxito de crítica e afluencia en Asturias. 

"A singularidade e calidade dos viños de Valdeorras sitúan con forza a imaxe destes caldos na comunidade do principado". Así se resume a valoración do Consello Regulador, en palabras do seu director técnico Jorge Mazaira, quen se fixo eco do sentir xeral dos máis de 500 asistentes ao acto.

Nun evento marcado por un cariz fundamentalmente profesional, os asistentes puideron degustar as excelencias dos viños DO Valdeorras representados por 21 das máis significativas adegas da comarca. Este feito serve para reafirmar a máxima que outorga aos caldos DO Valdeorras o apelativo de "Revolución enolóxica do século XXI" e que pon de manifesto a calidade duns dos viños máis de moda no panorama vinícola internacional.

Foto: Marta Sertaje

A valoración das adegas vólvenos chegar da man de Marta Sertaje, directora comercial de Adegas A Coroa, quen destacou a gran afluencia de distribuidores e as altas valoracións compartidas por estes cara os viños presentados. 

Pola súa banda, o colectivo de asistentes, ademais de compartir os eloxios anteriormente citados, destaca o exquisito trato recibido por parte de adegueiros e Consello Regulador dentro do amplío recinto habilitado para o acto. 

Coñece as adegas que participaron na presentación de Xixón 

Amplía información sobre as características dos viños DO Valdeorras 

Talvez poida interesarche 

Coñece as adegas adscritas á DO Valdeorras

Preto dun milleiro de distribuidores, especialistas e hostaleiros valencianos encomian as cualidades dos viños DO Valdeorras

Con motivo da presentación realizada polo Consello Regulador DO Valdeorras no Hotel SH Palace da cidade do Turia, o pasado 12 de Abril e na que se rexistrou un record de afluencia, os viños de 18 adegas adscritas ao selo de calidade DO Valdeorras volvéronse a facer acredores dos máis altos cualificativos outorgados por parte do sector especializado da capital levantina.

Aproveitando o tirón internacional que os viños desta DO galega teñen no estranxeiro, feito que se materializou nun incremento de importación do 93% en 2011, o Consello Regulador DO Valdeorras mostrou o seu firme compromiso co público nacional, en compañía dun elevado número de adegas da comarca e sendo Valencia a cidade elixida para mostrar a excelencia dos seus caldos.

Tomando a testemuña de Barcelona e Madrid en España e de grandes urbes como Dallas, Zúric ou New York alén das nosas fronteiras, unha vez máis, tanto promotores e participantes, como visitantes e invitados coincidiron en denominar o acto de presentación como un auténtico éxito.

Este feito reflíctese nas manifestacións compartidas por parte do organismo regulador, en boca do seu responsable técnico, Jorge Mazaira, que nos ofrecen as seguintes declaracións: - Quedamos entusiasmados coa expectación a modo de afluencia que espertou o acto, ademais da amplísima cobertura mediática que se outorgou ao mesmo. Á súa vez, a participación de importantes grupos técnicos da Comunidade Valenciana han acompañado o acto con cualificativos como "moi notable" e "excelente", reforzadondo a imaxe da DO no levante penínsular -.

Pola súa banda, e reafirmando as declaracións de Jorge Mazaira, desde o colectivo da Asociación de Catadoras da Comunidade Valenciana (FASCV) trasládannos as seguintes valoracións: - A calidade dos viños é sorprendente e excelente. Os godellos maridan á perfección coa nosa gastronomía e os mencías, garnachas e sousones resultan moi interesantes e un complemento perfecto para aqueles pratos máis intensos- . Declaracións que se traduciron na invitación formal por parte dos Catadores Valencianos á DO Valdeorras de participar nunha das feiras vinícolas máis importantes da Comunidade Valenciana: "A Gran Feira do Viño de Gandía 2012"

A valoración do acto por parte do sector dos adegueiros participantes chéganos da man de Marta Sertaje, directora comercial de Adega A Coroa. A Coroa é unha das adegas con máis galardóns internacionais pola súa colleita 2010, que presentou en rigorosa exclusiva en Valencia a súa nova colleita 2011. Estas son as declaracións de Marta: - A presentación tivo moito éxito. Eu non esperaba tanta afluencia de xente, pero unha vez que deu comezo, e non moi tarde, xa que só houbo que esperar unha hora para que a sala estivese. O público tivo a oportunidade de probar os caldos que facemos en Valdeorras e marabillouse pola calidade dos mesmos. Eu, no meu caso, levei a nova anada 2011, embotellada desde hai só 15 días e a pesar da súa mocidade, apunta maneiras e á xente encantoulle tanto A Coroa 2011 como A Coroa Lias 2010. O público foi moi profesional no sentido de que case todos viñan catar e degustar os viños, sendo a maioría, propietarios de restaurantes e persoal que traballa neles - .

Unha vez finalizado o acto, o Consello Regulador DO Valdeorras e un gran número de adegas xa se puxeron en marcha para trasladar as súas excelencias ao próximo acto promocional que se celebrará en Londres do 22 ao 25 de maio.

Coñece, unha a unha, todas as adegas participantes no acto

Amplía información sobre o acto promocional de Londres

Coñece o devir doutras presentacións realizadas pola DO Valdeorras

Amplía información sobre a adega A Coroa

Coñece a DO Valdeorras

A DO Valdeorras presentará o seu proxecto sobre viños tostados en Xantar 2011

 O Consello Regulador DO Valdeorras, co apoio da Asociación de Catadoras de Galicia "Gallaecia", presentará o vindeiro sábado día 4 deFebrero ante o "gran público" o seu proxecto de viños doces e tostados D.O Valdeorras. Esta presentación realizarase dentro das actividades desenvolvidas pola DO na XIII edición do Salón de Turismo e Gastronomía de Galicia, "Xantar".

O proxecto de elaboración para unha futura produción comercial dos viños doces e tostados de Valdeorras, será presentada ante o gran público o vindeiro sábado día 4 de Febreiro ás 17:00 horas, por parte de integrantes do equipo técnico do CRDO Valdeorras. O acto, no que estarán acompañados por membros da Asociación Galega de Catadoras de Galicia "Gallaecia", desenvolverase dentro das actividades que o CRDO Valdeorras ten programas para o XIII salón de Turismo e Gastronomía de Galicia "Xantar".

A inciativa, na que leva traballando varios anos o CRDO Valdeorras, personificase na figura do seu director técnico Jorge Mazaira, tendo como principal finalidade dar un enfoque comercial á milenaria cultura de elaboración destes caldos; xa que no último século desenvolvíanse na comarca valdeorresa da man de viticultores e particulares para autoconsumo. A pesar disto, cabe facer alusión á tradición histórica destes particulares viños, lembrando que xa foran premiados na Exposición Universal de París do ano 1900.

Tras máis de tres anos de minucioso e coidado estudo en aras de ofrecer ao consumidor un produto de inigualable calidade, o Consello Regulador Denominación de Orixe Valdeorras ofrecerá unha pormenorizada presentación do seu proxecto na que os asistentes poderán coñecer de primeira man as cualidades intrínsecas e diferenciais deste excepcional produto.

Coñece as características dos tostados DO Valdeorras

Amplía información sobre do desenvolvemento do proxecto dos viños doces e tostados DO Valdeorras

Coñece como se realiza o proceso de elaboración dos Tostados de Valdeorras

Coñece a DO Valdeorras

A cociña galega de vangarda e os viños de calidade únense en Valdeorras

Foto cortesía: David A. Panizo

 A D.O. Valdeorras e o prestixioso colectivo da nova cociña galega, Grupo Nove, colaboran na promoción e difusión mutua dos caldos de Valdeorras e a cociña de autor galega.

Para iso van producir e realizar unha serie de vídeos sobre a maridaxe entre os caldos desta denominación de orixe e as receitas de vangarda da nova cociña galega, inspirada na herdanza tradicional e na calidade dos produtos de Galicia.

11 membros do grupo (Miguel Angel Campos, Javier Rodríguez "Taky", Pablo Romeu, Antonio Botana, Alberto González, Iñaqui Bretal, Javier Oleiros, Pepe Solla, Hector López, Javier González e Yayo Daporta) viaxaron até Valdeorras para testificar coa súa presenza a participación no vídeo que se gravou nunha das típicas adegas "covas" da comarca e nun dos seus máis emblemáticas paraxes de viñedos otoñales.

A colaboración entre as partes selouse cun xantar nun restaurante da comarca onde, ademais de apreciar platos típicos de Valdeorras, os cociñeiros gozaron dunha cata de godello e mencía, guiada polo director técnico da DO, Jorge Mazaira, que se encargou de exercer de mestre de cerimonia en tan extraordinario evento.

As receitas de cociña maridadas cos caldos de Valdeorras serán creación exclusiva de Grupo Nove e únicas en todo o panorama da cociña nacional. O primeiro vídeo dunha serie de nove estrearase este próximo nadal e poderedes gozalo en exclusiva no portal Web da D.O. Valdeorras.

Coñece o portal Web da D.O. Valdeorras

Coñece ao Grupo Nove

Talvez poda interesarche

Coñece receitas con viño de Valdeorras