Profesionais do sector do viño de Suíza dan unha gran acollida aos viños D.O. Valdeorras

Foto: Jorge Mazaira

Profesionais do sector do viño, conformados por prensa especializada, importadores e grandes viñotecas helvéticas, enxalzaron as calidades dos viños D.O. Valdeorras na presentación celebrada o pasado luns en Zúric.

O Consello Regulador da Denominación de Orixe Valdeorras e unha importante comitiva de adegas adscritas a esta denominación de orixe, na súa iniciativa de achegar as excelencias de de esta terra, en forma de viños, a todos os recunchos do mundo; celebraron o pasado luns 24 de outubro unha presentación dos seus caldos en Zúric, que trouxo grandes eloxios para os viños valdeorreses.

Tal e como testemuñan as fotos, enviadas "in situ" polo responsable técnico do Consello Regulador, Jorge Mazaira; o sector profesional Suízo gozou dunha máis que agradable velada na que se destacou a calidade dos caldos valdeorreses, facendo clara alusión á excelente estrutura que presentan os brancos de Godello e destacando a marcada presenza de tons a froita nos tintos.

 Un novo éxito para a embaixada valdeorresa, que xa prepara a próxima presentación en Barcelona, o 10 de novembro.

Coñece todas as adegas participantes na presentación de Zúric:

Adega A Coroa

Adega O Casal

Adega Quinta da Peza

Adega Cop. Jesús Nazareno

Adega Roandi

Adega Ruchel

Adega ValdeSil

Adega Guitian y Blanco

Adega Joaquín Rebolledo

Adega Santa Marta

Adega Viña Somoza

Adega Virxen de Galir 

Talvez poda interesarche
 

Coñece o proceso de vinificación dos brancos de Valdeorras
 

Coñece o proceso de vinificación dos tintos de Valdeorras
 

Coñece a D.O. Valdeorras

Os viños de Valdeorras presentarán as súas excelencias en Suíza

 Unha gran comitiva formada por 12 adegas valdeorresas, baixo o amparo do Consello Regulador desta D O, prepáranse para presentar as súas mellores galas o vindeiro luns 24 de outubro en Zúric, Suíza.

Tras unha exitosa vendima que trae os mellores presaxios para a colleita 2011, a flor e nata das adegas valdeorresas visten as súas mellores galas para achegar ao público suízo o reflexo da esencia dunha terra.

O vindeiro luns 24 de outubro no Restaurante Metropol, situado en Fraümunsterstrasse 12, Zúric, en horario de 15:00 a 19:00 para público en xeral e a partir das 19:35 para público e prensa especializados, doce das adegas máis representativas da D.O. Valdeorras realizarán unha presentación dos seus caldos que a recado farán as delicias dos padais máis esixentes.

Para a ocasión, e como mostra do compromiso do Consello Regulador da D.O. Valdeorras de achegar as excelencias dos seus caldos a todos os públicos, A nai do viño pon a disposición de todos os seus seguidores cinco invitacións dobres e gratuítas ao evento. Estás invitacións cortesía do C.R.D.O. Valdeorras, serán concedidas a quen o desexe por rigorosa orde de solicitude na seguinte dirección de correo: lamadredelvino@dovaldeorras.tv

Desexando que a iniciativa sexa de voso agrado, aquí vos presentamos as adegas que integrarán a comitiva da D.O. Valdeorras en Zúric. Podedes acceder á súa web e coñecelas de forma máis detallada clickando sobre cada unha delas.

Adega A Coroa

Adega O Casal

Adega Quinta da Peza

Adega Cop. Jesús Nazareno

Adega Roandi

Adega Ruchel

Adega ValdeSil

Adega Guitian y Blanco

Adega Joaquín Rebolledo

Adega Santa Marta

Adega Viña Somoza

Adega Virxen de Galir 

Talvez poda interesarche
 

Coñece o proceso de vinificación dos brancos de Valdeorras
 

Coñece o proceso de vinificación dos tintos de Valdeorras
 

Coñece a D.O. Valdeorras

Tres viños de Valdeorras reciben medallas no Concurso Mundial de Bruselas

Unha vez fallado o Concurso Mundial de Bruxelas 2010, o campionato mundial da cata con case 7.000 viños e espirituosos participantes do mundo enteiro e co aval de dezasete anos de experiencia, destaca a calidade das denominacións de orixe ourensás, xa que tres delas obtiveron importantes recoñecementos ao lograr nove medallas: dous de ouro e sete de prata.

Viños do Ribeiro, Valdeorras e Monterrei contribuíron así a que España siga ocupando un prestixioso segundo lugar en canto ao número de recoñecementos obtidos no coñecido e reputado certame ano, no que participaron este ano 275 catadores profesionais en Palermo, pero o primeiro como o país con máis grandes medallas de ouro do Concurso Mundial de Bruxelas, dezasete fronte ao dezaseis do ano pasado.

Dous delas foron para a Colección Costeira Treixadura 2009 da Cooperativa Vitivinícola do Ribeiro e tamén para Pazo de Mariñán Branco 2009 de Pazo Branco Núñez S.L. de Monterrei, a denominación máis nova da provincia.

O sete medallas de prata restantes obtidas por viños ourensáns repartíronse en Valdeorras, tres, para Bioca Godello 2009, Guitián Sobre Lías 2008 e Viñaredo Barrica Selección Godello 2007, no Ribeiro para Adega do Moucho 208 e Beade Primacía Branco 2009 e en Monterrei. Neste caso recaeron para Alma de Branco Godellos 2009 e Quinta deas Tapias Branco 2009.

O Concurso Mundial de Bruxelas é ademais o primeiro certame que instaurou un control, a posteriori, dos viños premiados para garantir a lexitimidade dos seus resultados. Despois de cada edición da cita, un laboratorio independente analiza químicamente unha selección importante das mostras premiadas e un equipo de enólogos cata as botellas enviadas comparándoas con outras compradas anonimamente nos puntos de venda, recoñece o propio concurso, o que dá máis valor aos premiados.

ADEGA A TAPADA S.A.T.

O propietario da Adega A TAPADA, Senén Guitián, foi o primeiro viticultor que montou un sistema de calefactor anti-xeadas a nivel nacional.

Hai que destacar dous aspectos espléndidos nos viños desta adega: por unha aprte, a súa riqueza e intensidade aromática, e por outra, un paso de boca de enorme amplitude, tan pouco habitual nos viños blancos e menos aínda nos blancos de Galicia.

O segredo está sen dúbida nesas 9 Ha. De viña que rodean a adega. Un espléndido viñedo plantado exclusivamente con uva Godello que leva anos xa demostrando as enormes posibilidades desta variedade de uva, circunscrita hoxe en día á comarca de Valdeorras eq uee stivo a pnto de desaparecer.